Hosiya 10:8 - Xitsonga (Bibele)

⁸ Ku hele ni swivandla leswi tlakukeke swa Beta-Avene, leswi nga swidyoho swa Israele. Mitwa ni swinhlehlwana swa mila etialitarini ta vona: Kutani va ta ku eka tintshava: “Mi hi funengeta!” ni ka switsunga: “Hi weleni ehenhla!”

BIBELE Mahungu Lamanene

⁸ Switsunga leswo hlawuleka swa le Avene swi ta herisiwa, kona exivindzini xa vudyoho bya Israele. Etialitarini ta vona ku ta mila mitwa ni mahlwehlwe. Va ta byela tintshava va ku: “Hi funengeteni!” ni le ka swintshabyana va ta ku: “Hi weleni henhla!”

Hosiya 10:8 Iomraidhean Croise

Genesa 3:8

Kutani va twa rito ra Yehovha Xikwembu loko a famba entangeni hi nkarhi wa madyambu; wanuna ni nsati wa yena va tumbela emirhini ya ntanga, va chava mombo wa Yehovha Xikwembu.

1 TIHOSI 13:2

A huwelela emahlweni ka alitari hi rito ra Yehovha, a ku: “Alitari, alitari! Yehovha u vurisa sweswo, a ku: ‘Waswivo, ku ta velekeriwa yindlu ya Davhida n'wana wa wanuna, vito ra yena u ta va Yosiya; u ta tlhava ehenhla ka wena vaprista va swivandla leswi tlakukeke, lava hisaka mirhi ya risuna ehenhla ka wena, va ta hisa ni marhambu ya vanhu ehenhla ka wena!’ ”

1 TIHOSI 13:34

Mhaka leyi, xi va xidyoho lexikulu xa yindlu ya Yerobuwamu; hikwalaho ka xona, yi herisiwile ehenhla ka misava.

1 TIHOSI 14:16

Kutani Yehovha u ta nyiketa Israele hikwalaho ka swidyoho swa Yerobuwamu leswi a swi endleke ni leswi a dyohiseke Israele ha swona.”

2 TIHOSI 23:15

Hambi yi ri alitari leyi nga eBetele, ni xitsunga lexi endliweke! Yerobuwamu, n'wana Nebati, la dyohiseke Israele, a mbundzuxa alitari yoleyo ni xitsunga; a hisa yindlu ya xitsunga, a yi endla ntshuri, a hisa ni xifaniso xa Axera.

2 TIKRONIKA 31:1

Swilo hinkwaswo leswi, kuteloko swi herile, Vaisraele hinkwavo lava ngi va ri kona va suka ku ya emitini ya Yuda, va ya faya swifaniso, va tsema swihlahla swa swifaniso swa Axera va mbundzuxa tindhawu leti tlakukeke ni tialitari ta tiko hinkwaro ra Yuda ni ra Benjamini, ni ra Efrayimi na Manase va ko va heta. Kutani vana va Israele hinkwavo va tlhelela emitini ya vona, un'wana ni un'wana endzhakeni ya yena.

Esaya 2:19

Kutani vanhu va ta balekela emabakweni ya tintshava ni le miceleni ya misava, hi ku chava Yehovha ni vukulukumba bya yena lebyi vangamaka, loko a ta yima ku ta chavisa misava.

Esaya 2:21

loko va balekela emabakweni ya tintshava ni le tinfeni ta maribye, emahlweni ka Xikwembu lexi chavisaka ni vukulukumba bya xona lebyi vangamaka loko xi ta yima ku ta chavisa misava.

Esaya 32:13

Mitwa ni swigatlu swi ta mila etikweni ra mina, ni le henhla ka tindlu hinkwato ta ku tsaka ta muti wa mikhuvo.

Esaya 34:13

Mitwa yi ta mila etindlwini ta tihosi ta kona, mahlwehlwe ni swigatlu swi ta mila emakhokholweni ya kona, kutani ri va tiko ra timhungubye ni rivala ra tiyimbhu.

Hosiya 10:2

Timbilu ta vona ti ni mano; kutani va ta hlayeriwa milandzu. Xikwembu xi ta mbundzuxa tialitari ta vona, xi herisa swifaniso swa vona.

Hosiya 10:5

Vaaki va Samariya va chava hikwalaho ka rhole ra Beta-Avene; hikuva tiko ra kona ri le nkosini ni vaprista va kona va rhurhumela hikwalaho ka rona, ni hikwalaho ka ku twala ka rona, hikuva ku sukile eka rona.

Hosiya 10:9

Hi masiku ya le Gibeya, u dyohile wena Israele! Va tiyisele kona; kasi nyimpi leyi nga humelela vakanganyisi eGibeya, a yi va khomanga!

Hosiya 2:6

“Hikwalaho, vonani, ndzi ta siva ndlela ya yena hi mitwa! Ndzi aka ribuwu kona, ku ko a nga kumi ntila va yena.

Hosiya 4:13

Va endla magandzelo etinhlohlorhini ta tintshava, ni le henhla ka switsunga va hisa magandzelo, va endlisa sweswo ehansi ka nkuhlu, ni popolere, ni nkanyi, hikuva ndzhuti wa swona wa nandzika Hikwalaho vanhwanyana va n'wina va tiendla swigangu, ni vasati va n'wina va tiendla vaoswi.

Hosiya 4:15

Loko ku oswana wena, Israele, Yuda yena a nga tshuki a tilavela nandzu! Mi nga tshuki mi ya Giligala, mi nga tlhandlukeli eBeta-Avene; mi nga tshuki mi hlambanya mi ku: “Ha Yehovha la hanyaka!”

Hosiya 5:8

Yimbani mhalamhala eGibeya, mi yimba nanga eRhama; banani nkosi eBeta-Avene: Xirha xi le ndzhaku ka wena, Benjamini!

Hosiya 8:5

Rhole ra wena, Samariya, ra ndzi nyenyetsa! Vukari bya mina bya va pfurhela. Va ta ala ku tibasisa ku yisa kwihi?

Hosiya 9:6

Hikuva va ta rhurha hikwalaho ka ku onhaka; Egipta u ta va hlengeleta; Memfisi a va yimbela. Swilo leswinene swa vona swa silivhere, swi ta funengetiwa hi swigatlu, mahlwehlwe ma mila ematendeni ya vona.

Amosi 1:5

Ndzi ta tshova tinghole ta Damaska, ndzi herisa lava akeke erivaleni ra Avene, ni la tamelaka nhonga ya vuhosi eBet-Edeni; kutani vanhu va Siriya va ta yisiwa evukhumbini eKiri,” ku vula Yehovha.

Amosi 3:14

“Hi siku leri ndzi nga ta holovela Israele hikwalaho ka ku dyoha ka yena, ndzi ta holovela ni tialitari ta Betele, kutani timhondzo ta alitari ti ta tshoveka, ti wela ehansi.

Amosi 7:9

Matlhelo lama tlakukeke ya Isaka ma ta onhiwa, ni swivandla leswi hlawuriweke swa Israele swi herisiwa, kutani ndzi ta pfukela yindlu ya Yerobuwamu hi tlhari.”

Amosi 8:14

Vona lava hlambanyaka hi ku dyoha ka Samariya, va ku: ‘A ku hanye xikwembu xa wena Dani!’ Kumbe: ‘A ku hanye ndlela leyi yaka eBerexeba!’ ... va ta wa, a va nga ha tlheri va pfuka.”

Mikiya 1:13

Wena la akeke eLakixi, bohela tihanci leta matimba egolonyini; hi wona masungulo ya xidyoho xa n'wana Siyoni, hikuva ku dyoha ka Israele ku humelele eka wena.

Mikiya 1:5

Leswi hinkwaswo swi ta endlakala hikwalaho ka ku tlhela ka Yakobo ni hikwalaho ka ku dyoha ka yindlu ya Israele.

Nahume 3:11

Na wena, u ta pyopya, u va u tifihla; na wena, u ta va u lava xichavelo ku tisirheleta eka valala.

Luka 23:30

Enkarhini wolowo, va ta ku eka tintshava: ‘Hi weleni ehenhla,’ ni ka switsunga:

Duteronoma 9:21

Xidyoho xa n'wina, ri nga rhole leri mi ri endleke, ndzi ri tekile, ndzi hisa, kambe ndzi ri faya, ndzi kandza swinene, ndzi endla ntshuri ha rona, kutani ndzi cukumeta ntshuri lowo exinambyaneni lexi rhelelaka hi le ntshaveni.

Nhlavutelo 6:16

Kutani va ku eka tintshava ni le ka maribye: “Hi weleni ehenhla, mi hi fihla emahlweni ka mombo wa loyi a tshameke exiluvelweni, ni le mahlweni ka vukari bya Xinyimpfana,

Nhlavutelo 9:6

Emikarhini yoleyo, vanhu va ta lava rifu kambe va nga ka va nga ri kumi; va ta navela ku fa, kambe rifu ri ta va balekela.