Hosiya 1:10 - Xitsonga (Bibele)

¹⁰ “Kambe vunyingi bya vana va Israele byi ta kotisa sava ra lwandle leri nga ringanisiwiki, ni loko ku ri ku hlayiwa; kutaku exivandleni lexo va nga byeriwa ka xona, leswaku ‘a mi vana va mina’, hi kona ku nga vuriwa leswaku: ‘Mi vana va Xikwembu lexi hanyaka.’

BIBELE Mahungu Lamanene

¹⁰ Hambiswiritano, vanhu va tiko ra Israele va ta tala ku fana ni sava ra lwandle leri nga pimekiki, ni ku hlayeka ri nga hlayekiki. Endhawini leyi va nga tshama va byeriwa leswaku “A mi vanhu va mina”, va ta vuriwa “Vana va Xikwembu lexi hanyaka.”

Hosiya 1:10 Iomraidhean Croise

Genesa 13:16

Ndzi ta andzisa vatukulu va wena va fana ni ntshuri wa misava; hileswaku loko munhu a nga hlaya ntshuri wa misava, na vona va ta hlayiwa.

Genesa 22:17

ndzi ta ku katekisa kunene, ndzi andzisa vatukulu va wena ngopfungopfu, va ta kotisa tinyeleti ta le tilweni, ni sava ra le ribuwini ra lwandle, kambe rixaka ra wena ri ta fuma nyangwa ya valala va rona.

Genesa 32:12

Hikuva wena u te: ‘Hakunene ndzi ta ku katekisa, ndzi endla leswaku vatukulu va wena va kotisa sava ra lwandle, leri nga hlayekiki hi ku tala ka rona.’ ”

2 SAMIELE 7:24

Kutani u tivekele tiko ra wena ra Israele ku va tiko ra wena hi masiku; kutani wena, Yehovha, a wu ri Xikwembu xa vona.

Esaya 43:6

Ndzi ta ku eka n'walungu, ‘Humesa!’ ni ka dzonga: ‘U nga arisi!’ Vuyisa vana va mina ematikweni ya le kule, ni vanhwana va mina hi le makun'wini ya misava,

Esaya 48:19

ni lava humaka ekhwirini ra wena tanihi swiribyana swa sava; vito ra yena ri nga ka ri nga susiwi ni ku hlanguriwa emahlweni ka mina.”

Esaya 63:16

Hambiswiritano, u tata wa hina, hikuva Abrahama a nga hi tivi, na Israele a nga hi tivisisi; wena Yehovha, u tata wa hina, vito ra wena i mukutsuri wa hina hi masiku.

Esaya 64:8

Kambe sweswi, o Yehovha, u tata wa hina; hina hi vumba, wena u loyi a hi vumbeke, hinkwerhu hi ntirho wa mavoko ya wena.

Esaya 65:1

“Ndzi laviwa hi lava ngi va nga ndzi vitani, ndzi pfumela ku kumiwa hi lava ngi va nga ndzi lavi; a ndzi ku: ‘Hi mina loyi, hi mina loyi!’ Eka tiko leri nga riki na vito ra mina.

Esaya 66:20

va ta vuyisa vamakwenu hinkwavo hi le xikarhi ka matiko hinkwawo, u ku va humesela Yehovha; va ta ta va khandziyile tihanci, ni tigolonyi, van'wana va tlakuriwa, va khandziyile ni timulwa ni tikamela, entshaveni ya mina leyo kwetsima, le Yerusalema,” ku vula Yehovha; “kukotisa loko vana va Israele va tisa nhlengo wa vona embiteni ya ku basa, endlwini ya Yehovha.

Yeremiya 33:22

Kukotisa mavandla ya le matilweni lama nga hlayiwiki, ni sava ra lwandle leri nga ringanisiwiki; ndzi ta andzisa vatukulu va Davhida, nandza wa mina sweswo, ni Valevhi lava ndzi tirhelaka.”

Daniele 6:26

Ndzi lerisa leswaku eku anameni hinkwako ka ku fuma ka mina, vanhu va fundzha ni ku chava Xikwembu xa Daniele, hikuva hi xona Xikwembu lexi hanyaka, lexi tshamaka hilaha ku nga heriki, ni ku fuma ka xona ku nga ka ku nga herisiwi, ni vuhosi bya xona a byi na makumu.

Hosiya 1:9

hikuva a mi vanhu va mina; mina a ndzi nga ha vi Xikwembu xa n'wina.

Hosiya 2:23

Kutani ndzi ta tibyalela yena emisaveni; ndzi va ndzi tsetselela Lo-Ruhama, kutani ndzi ta ku eka Lo-Ami: ‘U tiko ra mina’; kutani yena u ta ku eka mina: ‘U Xikwembu xanga’.”

Yohane 1:12

Kambe hinkwavo lava nga ri amukela, ri va nyikile matimba ya ku endliwa vana va Xikwembu, va nga lava pfumelaka hi vito ra rona;

Varhoma 8:19

Hikuva leswi vumbiweke hinkwaswo swi langutela ku kombisiwa ka vana va Xikwembu hi ku navela lokukulu.

2 Vakorinto 6:18

Ndzi ta va tata wa n'wina, mi va vana va mina va xinuna ni va xisati, ku vurisa sweswo Hosi ya matimba hinkwawo.

Vaheveru 11:12

Hikwalaho ku nga humelela hi munhu a ri un'we, la dyuhaleke na swona, vunyingi lebyi fanaka ni tinyeleti ta tilo, ni sava leri nga riki na ku hlayiwa, leri nga eribuwini ra lwandle.