Filemoni 1:7 - Xitsonga (Bibele)

⁷ Ntsena makwerhu, hi ni ku khensa ni ku chaveleriwa lokukulu erirhandzwini ra wena, hikuva timbilu ta vakwetsimi ti rhurhise hi wena.

BIBELE Mahungu Lamanene

⁷ Hikuva ndzi kumile ku tsaka lokukulu ni ku chaveleriwa swinene hi rirhandzu ra wena makwerhu, naswona timbilu ta vahlawuriwa ti kumile matimba lamantshwa hikwalaho ka wena.

Testamente Leyimpsha Xichangana

⁷ Hikuva makwerhu, nivile ni kutsaka svinene ni kukufumela hikolaho ka rirhandzu ra wena, hikuva atimbilu ta vakwetsimi tipfuxiwile hikolaho ka wena.

Filemoni 1:7 Iomraidhean Croise

1 Vakorinto 16:18

Hikuva va miyetile mbilu yanga ni timbilu ta n'wina. Xiximani vanhu lavo tano.

2 Vakorinto 7:13

Hikwalaho hi chaveleriwile hi ku chavelela ka n'wina, kambe hi tsakisiwe ku tlurisisa hi ku tsaka ka Tito, hikuva moya wa yena wu kume ku wisa ha n'wina hinkwenu.

2 Vakorinto 7:4

Loko ndzi vulavula na n'wina ndzi ni ku tshemba lokukulu; ndzi tidzunisa ngopfu ha n'wina; ndzi taleriwe hi ku chavelela, ndzi tsakile hi ku tlurisisa emaxangwini hinkwawo ya hina.

1 Vatesalonika 1:3

a hi tshiki ku ehleketa ntirho wa ku pfumela ka n'wina, ni nyuku wa rirhandzu ra n'wina, ni ku chivirika ka ku tshemba ka n'wina eka Hosi Yesu Kriste, emahlweni ka Xikwembu, Tata wa hina;

1 Vatesalonika 2:13

Hikwalaho, a hi rhuteri ku khensa Xikwembu, hikuva siku mi amukeleke rito ra xona, leri mi ri yingiseke eka hina, mi ri amukerile ku nga ri kukotisa leswo nge i rito ra vanhu, kambe tanihi loko ri ri rito ra Xikwembu (hilaha kunene ri nga rona), leri tirhaka hi matimba eka n'wina lava pfumeleke.

1 Vatesalonika 2:19

Hikuva ku tshemba ka hina, kumbe ku tsaka ka hina, kumbe harhi ya hina ya vuhosi, i yini-ke? Xana a hi n'wina mi nga ta va yona emahlweni ka Hosi Yesu Kriste, eku vuyeni ka yena?

1 Vatesalonika 3:9

Hi nga khensa Xikwembu hikwalaho ka n'wina, ni ku tsaka hinkwako loku hi tsakaka hakona emahlweni ka Xikwembu xa hina.

2 Timotiya 1:16

Hosi a yi tsetselele yindlu ya Onesiforo hikuva u ndzi chavelele kanyingi kambe a nga vanga na tingana hikwalaho ka ku bohiwa ka mina.

Filemoni 1:20

Ina, makwerhu, a ndzi tsakisiwe sweswo hi wena eHosini.

2 Yohane 1:4

Ndzi tsakile ngopfu loko ndzi kumile vana va wena van'wana va fambaka entiyisweni, hilaha hi amukeleke ku lerisa ka Tatana.