Filemoni 1:17 - Xitsonga (Bibele)

¹⁷ Kutani sweswi, loko u ringanisa leswaku ndzi xaka ra wena, n'wi rhurhele kukota loko ndzi ri mina.

BIBELE Mahungu Lamanene

¹⁷ Hikokwalaho, loko u ndzi vona ndzi ri mutirhi-kuloni, n'wi amukele tanihi loko u amukela mina.

Testamente Leyimpsha Xichangana

¹⁷ Loko unixixima kufana ni mutirhikuloni muyamukele, kufana ni loko uyamukela mina ha noxe.

Filemoni 1:17 Iomraidhean Croise

Matewu 10:40

“La mi rhurhelaka wa ndzi rhurhela; ni la ndzi rhurhelaka u rhurhela la ndzi rhumeke.

Matewu 18:5

Kambe un'wana ni un'wana la amukelaka n'wana kukotisa loyi hi vito ra mina, u rhurhela mina.

Matewu 25:40

Hosi yi ta va hlamula, yi ku: ‘Ndzi vurisile ndzi ri eka n'wina: Leswi loko mi swi endlile eka lontsongo wa vamakwerhu, mi swi endlele mina.’

Timhaka 16:15

Kutani, kuteloko a khuvuriwile ni va yindlu ya yena, a hi khongela, a ku: “Loko mi ndzi kumile ndzi ri la tshembekeke kunene eka Hosi, mi nga nghena endlwini ya mina, mi tshama kona”; a phikelela leswaku hi ya kona.

2 Vakorinto 8:23

Loko a ri Tito, i nakulorhi ni loyi a mi tirhelaka na mina; loko va ri van'wana, i varhumiwa va tikereke, ni ku dzunisa ka Kriste.

Vaefesa 3:6

xi nga leswaku vahedeni i vadyandzhaka swin'we ni Vaisraele va miri wu ri wun'we va ni ku averiwa kun'we eku tshembiseni ka Yesu Kriste eEvhangelini,

Vafilipiya 1:7

kutani swi lulamile loko ndzi anakanya sweswo eka n'wina hinkwenu, hikuva eku bohiweni ka mina, ni le ku hlamuleni ka mina, ni le ku tiyiseni ka Evhangeli, ndzi na n'wina embilwini ya mina, hikuva hinkwenu mi ni ku averiwa ka tintswalo swin'we na mina.

1 Timotiya 6:2

Kutani lava nga ni veni va vapfumeri, va nga tshuki va va tsan'wa, leswi va nga vamakwavo; kambe va va tirhela ngopfu kwalaho, hikuva i vapfumeri ni varhandziwa, kutani va va endlela swinene. Dyondzisa timhaka teti, u khongotela ha tona.

Filemoni 1:10

ndzi khongelela eka wena Onesima, n'wananga, yeloyi ndzi n'wi velekeke ndzi ri ekhotsweni,

Filemoni 1:12

N'wi amukele, hikuva i ngati ya mina.

Filemoni 1:18

Hambi swi ri leswaku u tshama a ku onhela hi nchumu, kumbe u ni nandzu eka wena, swi lave eka mina.

Vaheveru 3:1

Hikwalaho, vamakwerhu lavo kwetsima, mi nga ni ku vitaniwa ka le tilweni, xiyani swinene la nga muapostola ni muprista lonkulu wa ku pfumela ka hina,

Vaheveru 3:14

Hikuva hi averiwile Kriste, loko ntsena hi hlayisa hi ku tiya, ku ya fika emakumu, ku tshemba loku hi nga sungula hakona,

Yakobo 2:5

Yingisani, vamakwerhu lava rhandziwaka: Xana Xikwembu a xi hlawulanga swisiwana swa misava leyi, leswaku va va vafuwi eku pfumeleni, ni vadyandzhaka va ku fuma loku Xikwembu xi ku tshembiseke lava xi rhandzaka xana?

1 Petro 5:1

Ndzi khongotela vakulukumba lava nga eka n'wina, mina ndzi nga nkulu na vona, ni mbhoni ya ku vaviseka ka Kriste, ni la nga ni ku averiwa eku kwetsimeni loku nga ta humelela; ndzi ri:

1 Yohane 1:3

lexi hi xi voneke, lexi hi xi tweke, hi lexi hi mi byelaka xona, leswaku, na n'wina, mi va ni ku hlangana na hina; kambe ku hlangana ka hina na Tatana ku kona, ni le ka N'wana wa yena, Yesu Kriste.