Filemoni 1:1 - Xitsonga (Bibele)

¹ Pawulo, mubohiwa wa Yesu Kriste, na Timotiya makwerhu; Eka Filemoni, murhandziwa ni mutirhi-kulorhi,

BIBELE Mahungu Lamanene

¹ Mina Pawulo, mubohiwa hikwalaho ka Kriste Yesu, na Timotiya makwerhu, hi tsalela wena Filemoni mutirhi-kulorhi la rhandzekaka,

Testamente Leyimpsha Xichangana

¹ Pawulo mubohiwa hikolaho ka Kriste Yesu, ni makwerhu Timotewu, ka Filimoni lweyi arhandzekaka ni mupfuni wa hina,

Filemoni 1:1 Iomraidhean Croise

Timhaka 16:1

Kutani a fika eDerbe na Listra. Kambe mudyondzisiwa a a ri kona, vito ra yena a a ri Timotiya; mana wa yena a a ri Muyuda la pfumeleke,

1 Vakorinto 3:9

Hikuva hi vatirhikulobye ni Xikwembu; kutani n'wina mi nsimu ya Xikwembu, mi yindlu ya Xikwembu.

2 Vakorinto 1:1

Pawulo, muapostola wa Yesu Kriste, hi ku rhandza ka Xikwembu, na Timotiya makwerhu; Eka kereke ya Xikwembu, leyi nga eKorinto, ni vakwetsimi hinkwavo va le tikweni hinkwaro ra Akaya;

Vagalatiya 3:26

hikuva hinkwenu mi vana va Xikwembu hi ku pfumela eka Yesu Kriste.

Vaefesa 3:1

Hikwalaho-ke, mina Pawulo, ndzi nga mubohiwa wa Yesu Kriste hikwalaho ka n'wina vahedeni.

Vaefesa 4:1

Hikwalaho-ke, mina ndzi nga mubohiwa eHosini ndza mi khongotela, ndzi ri: Fambani hi mukhuva lowu fanelaka ku vitiwa loku mi vitiweke hakona,

Vaefesa 6:20

leyi ndzi nga ntsumi ya yona, hambi ndzi bohiwile hi timpecana, leswaku ndzi vulavula hi matimba timhaka ta yona, hilaha ndzi fanelaka ku ti vula hakona.

Vafilipiya 1:1

Pawulo na Timotiya, malandza ya Yesu Kriste, Eka vakwetsimi hinkwavo lava nga eka Yesu Kriste, lava akeke eFilipiya ni ka varisi ni vadiyakoni va Kereke;

Vafilipiya 2:25

Kambe ndzi anakanyile leswaku ndzi fanele ku mi rhumela Epafrodito makwerhu, ni nakulorhi emitirhweni ni le ku lweni; i murhumiwa wa n'wina ni loyi a nga ndzi pfuna evusiwaneni,

Vafilipiya 4:3

Na wena, nakulorhi wa xiviri, va pfune; vavasati volavo va tirhele Evhangeli na mina, na Klemento, ni van'wana vatirhikulorhi, valavo mavito ya vona ma tsariweke ebukwini ya vutomi.

Vakolosa 1:1

Pawulo, muapostola wa Yesu Kriste hi ku rhandza ka Xikwembu, na Timotiya makwerhu;

Vakolosa 4:11

Yesu, la vuriwaka Yusto, na yena, wa mi rungula. Valavo hi va ku yimba; kambe hi vona ntsena vatirhikulorhi entirhweni wa ku fuma ka Xikwembu, i vachaveleri eka mina.

1 Vatesalonika 3:2

kutani hi rhumile Timotiya, makwerhu, nandza wa Xikwembu eEvhangelini ya Kriste, leswaku a ta mi tiyisa ni ku mi khongotela hikwalaho ka ku pfumela ka n'wina;

2 Vatesalonika 1:1

Pawulo, na Silvano, na Timotiya, eka Kereke ya Vatesalonika leyi nga eka Xikwembu Tatana, ni le ka Hosi Yesu Kriste;

2 Timotiya 1:8

Hikwalaho, u nga tshuki u va ni tingana hikwalaho ka vumbhoni bya Hosi ya hina, hambi ku ri hikwalaho ka mina, mubohiwa wa yona; kambe u amukela swin'we na mina ku vaviseka ka Evhangeli, hi matimba ya Xikwembu,

Filemoni 1:23

Epafra, la bohiweke na mina hikwalaho ka Yesu Kriste, wa ku rungula,

Filemoni 1:24

na Marka, na Aristarko, na Demasi, na Luka, vatirhikulorhi.

Filemoni 1:9

hikwalaho ka rirhandzu, ndzi tihlawulele ku ku khongotela, mina ndzi nga Pawulo, mina la dyuhaleke, kambe sweswi ndzi nga mubohiwa hikwalaho ka Yesu Kriste,