Eksoda 8:9 - Xitsonga (Bibele)

⁹ Muxe a ku eka Faro: “U nga tidzunisa ha mina! Ndzi byele nkarhi lowu ndzi nga ta ku khongelela ha wona, wena ni malandza ya wena, ni tiko ra wena, leswaku mitlambya yi suka eka wena ni le tindlwini ta wena, yi sala enambyeni ntsena.”

BIBELE Mahungu Lamanene

⁹ Muxe a hlamula a ku: “Swi le ka wena ku lerisa nkarhi lowu ndzi nga ta khongela ha wona, ndzi mi kombelela, wena ni malandza ya wena ni vanhu va wena, leswaku mintlambya yi susiwa eka wena, ni le tindlwini ta wena, yi sala enambyeni ntsena.”

Eksoda 8:9 Iomraidhean Croise

1 TIHOSI 18:25

Kutani Eliya a ku eka vaprofeta va Baali: “Rhangani mi tilangela nkunzi, mi yi lunghisa, hikuva hi n'wina mi teleke; mi ta khongela xikwembu xa n'wina, kambe mi nga tshiveri ndzilo.”

Eksoda 7:25

Ku ta hundza masiku ya ntlhanu na mambirhi loko Yehovha a sungule ku ba nambu.

Eksoda 8:10

Faro a ku: “Nimixo.” Muxe a ku: “A swi ve tano, u ta tiva hakona leswaku a ku na loyi a fanaka na Yehovha, Xikwembu xa hina.

Eksoda 8:11

Mitlambya yi ta suka eka wena, ni le ka malandza ya wena, ni le ka tiko ra wena, yi sala enambyeni ntsena.”

Eksoda 8:8

Kutani Faro a vitana Muxe na Aroni, a ku eka vona: “Khongelani Yehovha leswaku a susa mitlambya eka mina ni le ka tiko ra mina, hi kona ndzi nga ta tshunxa tiko, ri ya gandzela Yehovha.”

Esaya 10:15

Xana xihloka xi nga tidzunisa eka la tsemaka ha xona, ni saha yi nga tikurisa eka la sahaka ha yona xana? Kukotisa leswo nge nkhavi wu nga tsekatsekisa voko ra loyi a wu yimiseke, ni loko nhonga yi nga tlakusa loyi a nga riki murhi!

Tinhlayo 14:20

Kutani Yehovha a ku: “Ndzi va rivalele hilaha u nga vula hakona.

Vaavanyisi 7:2

Yehovha a ku eka Gidiyoni: “Vanhu lava u nga na vona va tele ngopfu, ndzi nga ka ndzi nga nyiketi Vamidiyani emavokweni ya vona, Vaisraele va nga ti tshuka va tidzunisa ematshan'weni ya ku dzunisa mina, va ku: ‘Hi tilamulerile hi mavoko ya hina.’