Eksoda 8:8 - Xitsonga (Bibele)

⁸ Kutani Faro a vitana Muxe na Aroni, a ku eka vona: “Khongelani Yehovha leswaku a susa mitlambya eka mina ni le ka tiko ra mina, hi kona ndzi nga ta tshunxa tiko, ri ya gandzela Yehovha.”

BIBELE Mahungu Lamanene

⁸ Kutani Faro a vitana Muxe na Aroni, a ku ka vona: “Khongelani mi kombela HOSI Xikwembu leswaku xi susa mintlambya laha ka mina, ni le ka vanhu va mina; hi kona ndzi nga ta tshika vanhu, va famba va ya humesela HOSI Xikwembu emagandzelo.”

Eksoda 8:8 Iomraidhean Croise

1 TIHOSI 13:6

Kutani hosi yi vulavula yi ku eka munhu wa Xikwembu: “Wa nga khongela Yehovha, Xikwembu xa wena, u ndzi khongelela leswaku voko ra mina ri tlhela eka mina!” Munhu wa Xikwembu a khongela Yehovha, kutani voko ra hosi ri tlhela eka yena, ri va kukotisa khale.

Pisalema 66:3

Mi ku eka Xikwembu: “Mitirho ya wena yi chavisa swonghasi! Hikwalaho ka vukulu bya matimba ya wena, valala va wena va ku xengetela.

Eksoda 10:16

Kutani Faro a hatlisa a vitana Muxe na Aroni, a ku eka vona: “Ndzi dyohele Yehovha, Xikwembu xa n'wina, na n'wina.

Eksoda 10:17

Kambe sweswi u ndzi rivalela ku dyoha ka mina hi siku leri ntsena, kutani mi khongela Yehovha, Xikwembu xa n'wina, leswaku a susa ntungu lowu eka mina.”

Eksoda 10:18

Kavaloko Muxe a suka emahlweni ka Faro, a ya khongela Yehovha;

Eksoda 14:5

Kuteloko hosi ya Egipta yi tivisiwa leswaku tiko ri balekile, mbilu ya Faro ni timbilu ta malandza ya yena ti hundzukela tiko, va ku: “Hi endlile yini loko hi tshunxile Israele leswaku a nga ha hi tirheli xana?”

Eksoda 32:11

Kambe Muxe a khongela Yehovha, Xikwembu xa yena, a ku: “Oho Yehovha! U ri karihela yini tiko leri u ri humeseke eEgipta hi matimba lamakulu?

Eksoda 5:2

Kutani Faro a ku: “Yehovha i mani leswaku ndzi yingisa rito ra yena, ndzi tshika Israele a famba? Yehovha a ndzi n'wi tivi, na Israele ndzi nga ka ndzi nga n'wi tshiki a famba.”

Eksoda 8:15

Kambe Faro loko a vona leswaku u pfuniwile, a ti nonon'hwisa mbilu, a nga va yingisanga, hilaha Yehovha a nga vula hakona.

Eksoda 8:29

Muxe a ku: “Ndzi ta suka eka wena, ndzi ya khongela Yehovha, kutani mundzuku mabawa ma ta suka eka Faro, ni le ka malandza ya yena, ni le ka tiko ra yena. Kambe Faro a nga ha engeti a hi kanganyisa, a ala ku tshunxa tiko, ri ya gandzela Yehovha.”

Eksoda 8:32

Kambe Faro a engeta a ti nonon'hwisa mbilu, a ala ku tshunxa tiko.

Eksoda 8:9

Muxe a ku eka Faro: “U nga tidzunisa ha mina! Ndzi byele nkarhi lowu ndzi nga ta ku khongelela ha wona, wena ni malandza ya wena, ni tiko ra wena, leswaku mitlambya yi suka eka wena ni le tindlwini ta wena, yi sala enambyeni ntsena.”

Eksoda 9:27

Kutani Faro a vitana Muxe na Aroni, a ku eka vona: “Sweswi, ndzi dyohile; i Yehovha la lulameke; mina ni tiko ra mina hi vadyohi.

Eksoda 9:28

Khongelani Yehovha leswaku ku nga tshuki ku va ni ku pfuma ni xihangu, kutani ndzi ta mi tshunxa mi famba, mi nga ha siveriwi.”

Eksoda 9:33

Kutani Muxe a suka eka Faro, a huma emutini, kuteloko a tlakuse mavoko ya yena eka Yehovha, ku pfuma ni xihangu swi hela, ni mpfula yi xa emisaveni.

Tinhlayo 21:7

Kavaloko tiko ri ta eka Muxe, ri ku: “Hi dyohile hikuva hi dzumadzumele Yehovha na wena; hi khongelele eka Yehovha leswaku a hlongola tinyoka ekule na hina.” Kutani Muxe a khongelela tiko.

Timhaka 8:24

Simoni a hlamula, a ku: “Ndzi khongeleleni mi ri n'wina eka Hosi, leswaku ndzi nga tshuki ndzi humeleriwa hi xilo xin'we xa leswi mi swi vuleke.”

1 SAMIELE 12:19

Kavaloko tiko hinkwaro ri ku eka Samiele: “Khongelela malandza ya wena eka Yehovha, Xikwembu xa wena, leswaku hi nga tshuki hi fa: hikuva hi engeterile swidyoho hinkwaswo swa hina hi nandzu wa ku tikombelela hosi.”