Eksoda 8:26 - Xitsonga (Bibele)

²⁶ Kutani Muxe a ku: “A swi hi faneri ku endlisa sweswo, hikuva magandzelo lawa hi gandzelaka Yehovha, Xikwembu xa hina, ha wona, swi ta va leswi yilaka eka Vaegipta. Xana loko hi tlhava leswo yila emahlweni ka Vaegipta, xana va nga ka va nga hi khandli hi maribye xana?

BIBELE Mahungu Lamanene

²⁶ Muxe a hlamula a ku: “E-e, sweswo swi ta va swi hoxekile, hikuva hi ta humesela HOSI Xikwembu xa hina emagandzelo lama nga tshukaka ma khunguvanyisa Vaegipta. Loko hi tshuka hi humesa magandzelo lama yilaka emahlweni ka Vaegipta, xana a va nga hi khandli hi maribye va hi dlaya ke?

Eksoda 8:26 Iomraidhean Croise

Genesa 43:32

Kutani va n'wi phamela hitlhelo, ni Vaegipta lava ngi va dya na vona, va va phamela hitlhelo, hikuva Vaegipta a va dyi ni Vaheveru, hikuva swi bihile eka Vaegipta.

Genesa 46:34

mi ta ku eka yena: ‘Malandza ya wena i varisi va mitlhambi, ku suka evutsongwaneni bya hina ku fikela sweswi, hina ni vatata wa hina.’ Hi kona mi nga ta tiva ku tshamisa etikweni ra Goxeni, hikuva varisi hinkwavo va mitlhambi va nyenyetsa etikweni ra Egipta.”

2 TIHOSI 23:13

A nyamisa ni switsunga leswi langutaneke na Yerusalema evokweni ra ximatsi ra ntshava ya ku Lova, leswi Solomoni, hosi ya Israele, a swi akeleke Astarte, ma nga manyala ya Vasidoni, na Kemoxi, manyala ya Vamowabu, na Milikomo, manyala ya vana va Amoni.

Ezra 9:1

Timhaka leti, loko ti herile, tihosana ti ndzi tshinelela mina, ti ku: “Tiko ra Israele ni vaprista, ni Valevhi a va tihlawulangi eka vanhu va matiko, kambe va etisa manyala ya vona, va nga Vakanana, ni Vahiti, ni Vaperesi, ni Vayebusi, ni Vaamoni, ni Vamowabu, ni Vaegipta ni Vaamori.

Eksoda 3:18

“Va ta yingisa rito ra wena; kutani u ta famba ni vakulukumba va Israele eka hosi ya Egipta, mi ku eka yona: ‘Yehovha, Xikwembu xa Vaheveru, u humelele eka hina; sweswi wanga hi pfumelela ku famba riendzo ra masiku manharhu emananga, hi ta gandzela Yehovha, Xikwembu xa hina hi magandzelo.’

Eksoda 8:8

Kutani Faro a vitana Muxe na Aroni, a ku eka vona: “Khongelani Yehovha leswaku a susa mitlambya eka mina ni le ka tiko ra mina, hi kona ndzi nga ta tshunxa tiko, ri ya gandzela Yehovha.”

Esaya 44:19

A ku na la tianakanyaka, a ku na la nga ni ku tiva, ni vutlhari, a tivula, a ku: “Ndzi pamburile ndzi tshivela hafu ya tona, ndzi oxa ha tona xinkwa emakaleni, ndzi kantinga nyama, ndzi va ndzi yi dya kutani hi leti seleke ndzi ta endla xilo lexi yilaka, ndzi ta khinsamela nsinya wa murhi!”