Eksoda 8:22 - Xitsonga (Bibele)

²² Kambe hi siku rero ndzi ta hlawula tiko ra Goxeni, leri tiko ranga ri tshamaka eka rona, ku nga ka ku nga tshami mabawa kona u ta tiva hakona leswaku mina Yehovha ndzi kona exikarhi ka tiko leri.

BIBELE Mahungu Lamanene

²² Kambe hi siku ra kona, ndzi ta hlawula muganga wa le Goxeni, laha vanhu va mina va tshamaka kona; a ku nga vi na mabawa kona, u ta kala u swi tiva wena Faro leswaku hi mina ndzi nga HOSI laha misaveni.

Eksoda 8:22 Iomraidhean Croise

Genesa 46:34

mi ta ku eka yena: ‘Malandza ya wena i varisi va mitlhambi, ku suka evutsongwaneni bya hina ku fikela sweswi, hina ni vatata wa hina.’ Hi kona mi nga ta tiva ku tshamisa etikweni ra Goxeni, hikuva varisi hinkwavo va mitlhambi va nyenyetsa etikweni ra Egipta.”

Pisalema 110:2

Yehovha u ta tshambuluta hi le Siyoni nhonga ya matimba ya wena: “Tlhoma ku fuma ka wena exikarhi ka valala va wena!”

Pisalema 74:12

Xikwembu i Hosi ya nga ku sukela emikarhini ya khale, Xona lexi ponisaka la emisaveni.

Eksoda 10:23

Vanhu va tsandzeka ku vonana, kutani a ku vanga na munhu la sukaka evutshan'weni bya yena hi masiku manharhu. Kambe vana va Israele a va tshama eku vonakaleni emitini ya vona.

Eksoda 12:13

Ngati yi ta va mfungho wa n'wina, etindlwini leti mi nga eka tona; ndzi ta vona ngati, kutani ndzi ta hundza; khombo ri nga ka ri nga vi eka n'wina ku mi dlaya, loko ndzi ba tiko ra Egipta.

Eksoda 19:5

Kutani sweswi, loko mi yingisa rito ra mina, mi hlayisa ntwanano wa mina, mi ta va rifuwo ra mina kunene ehenhla ka matiko man'wana hinkwawo, hikuva misava hinkwayo i ya mina.

Eksoda 20:11

Hikuva hi masiku ya ntlhanu na rin'we, Yehovha u endle tilo ni misava, ni lwandle, ni swilo hinkwaswo leswi nga eka swona; kambe u wisile hi siku ra vuntlhanu na mambirhi. Hikwalaho Yehovha a nga katekisa siku ra ku wisa, a va a ri hlawulekisa.

Eksoda 7:17

Yehovha a ku: ‘U ta tiva hi sweswo leswaku hi mina Yehovha: Ndzi ta ba mati ya nambu hi nhonga ya mina, ma ta hundzuka ngati,

Eksoda 7:5

Kutani Vaegipta va ta tiva leswaku hi mina Yehovha loko ndzi tlakuse voko ra mina ehenhla ka Egipta, ndzi humese vana va Israele exikarhi ka vona.”

Eksoda 8:10

Faro a ku: “Nimixo.” Muxe a ku: “A swi ve tano, u ta tiva hakona leswaku a ku na loyi a fanaka na Yehovha, Xikwembu xa hina.

Eksoda 8:21

Hikuva loko u ala ku tshunxa tiko ra mina, ndzi ta rhuma mabawa ehenhla ka wena, ni le henhla ka malandza ya wena ni le ka tiko ra wena, ni le tindlwini ta wena; tindlu ta Vaegipta ti ta tala hi mabawa, ni misava yi ta funengetiwa hi wona.

Eksoda 8:23

Ndzi ta veka ku avanyisa exikarhi ka tiko ra mina ni tiko ra wena; xikombiso lexi xi ta humelela mundzuku.’ ”

Eksoda 9:26

Xihangu a xi nga ri kona etikweni ra Goxeni ntsena, laha i ngi vana va Israele va ri kona.

Eksoda 9:29

Muxe a ku eka yena: “Kutakuloko ndzi huma emutini, ndzi ta tlakusa mavoko ya mina eka Yehovha, kutani ku pfuma ku ta miyela, xihangu na xona xi ta hela, u ta tiva leswaku misava i ya Yehovha.

Eksoda 9:4

Kambe Yehovha u ta hlawula swifuwo swa Vaisraele exikarhi ka swifuwo swa Vaegipta, ku nga ka ku nga fi nchumu eka swilo hinkwaswo swa vana va Israele.’ ”

Eksoda 9:6

Kutani ku sungula nimixo, Yehovha a endlisa sweswo. Swifuwo hinkwaswo swa Vaegipta swi fa; kambe a ku fanga nchumu emitlhambini ya vana va Israele.

Ezekiele 30:19

Ndzi ta endla ku avanyisa ehenhla ka Egipta, va ta swi tiva leswaku hi mina Yehovha.”

Malakiya 3:18

Mi ta tlhela mi vona ku hambana loku nga kona eka la lulameke ni lowo biha, ni ka la tirhelaka Xikwembu ni la nga xi tirheliki!