Eksoda 7:16 - Xitsonga (Bibele)

¹⁶ u ta ku eka yena: ‘Yehovha Xikwembu xa Vaheveru u ndzi rhumile eka wena, a ku: Tshika tiko ra mina ri ya ndzi tirhela emananga. Kambe a ku ndzi yingisanga ku fika sweswi.’

BIBELE Mahungu Lamanene

¹⁶ U ta ku ka yena: ‘HOSI Xikwembu, xi nga Xikwembu xa Vaheveru, xi ndzi rhumile eka wena leswaku u tshika vanhu va xona va ya xi gandzela emananga, kambe wena ku fika ni sweswi a wu si yingisa.

Eksoda 7:16 Iomraidhean Croise

Eksoda 10:3

Kutani Muxe na Aroni va ya eka Faro, va ku eka yena: “Yehovha, Xikwembu xa Vaheveru, xi te: ‘U ta ala ku fika kwihi ku titsongahata emahlweni ka mina? Tshunxa tiko ra mina ri ya ndzi tirhela.

Eksoda 13:15

kuteloko Faro a arile ku hi tshunxa, Yehovha u dlayile mativula hinkwawo ya tiko ra Egipta, ku sungula hi mativula ya vanhu ku fikela eka mativula ya swifuwo; hikwalaho ndzi tlhavelaka Yehovha mativula hinkwawo ya matsune, kutani vana va mina hinkwavo va mativula, ndza va kutsula.’

Eksoda 14:5

Kuteloko hosi ya Egipta yi tivisiwa leswaku tiko ri balekile, mbilu ya Faro ni timbilu ta malandza ya yena ti hundzukela tiko, va ku: “Hi endlile yini loko hi tshunxile Israele leswaku a nga ha hi tirheli xana?”

Eksoda 3:12

Xikwembu xi ku: “Ndzi ta va na wena. Xikombiso xa leswaku hi mina la ku rhumaka, hi lexi: kutakuloko u humesile tiko ra mina eEgipta, mi ta tirhela Xikwembu entshaveni leyi.”

Eksoda 3:13

Kutani Muxe a ku eka Xikwembu: “Waswivo, loko ndzi ta famba eka vana va Israele, ndzi va byela, ndzi ku: ‘Xikwembu xa vatata wa n'wina xi ndzi rhumile eka n'wina,’ vona va ku eka mina: ‘Vito ra xona i mani?’ ndzi ta ku yini eka vona?”

Eksoda 3:18

“Va ta yingisa rito ra wena; kutani u ta famba ni vakulukumba va Israele eka hosi ya Egipta, mi ku eka yona: ‘Yehovha, Xikwembu xa Vaheveru, u humelele eka hina; sweswi wanga hi pfumelela ku famba riendzo ra masiku manharhu emananga, hi ta gandzela Yehovha, Xikwembu xa hina hi magandzelo.’

Eksoda 4:22

Kutani u ta ku eka Faro: ‘Yehovha u te: Israele i n'wananga wa mativula,

Eksoda 4:23

ndzi ri eka wena: Tshika n'wananga, a ya ndzi tirhela; kambe loko u ala ku n'wi tshika a famba, ndzi ta dlaya n'wana wa wena wa mativula.’ ”

Eksoda 7:4

Kambe Faro a nga ka a nga mi yingisi, kutani ndzi ta tlakusa voko ra mina henhla ka Egipta, ndzi humesa etikweni leri mavandla ya mina ri nga tiko ra mina, vana va Israele, hi ku avanyisa lokukulu.

Eksoda 8:1

Kutani Yehovha a ku eka Muxe: “Yana eka Faro, u ku eka yena: Yehovha u te: ‘Tshika tiko ra mina ri ya ndzi tirhela;

Eksoda 8:20

Kutani Yehovha a ku eka Muxe: “Pfuka wa ha ri mixo, u ya yima emahlweni ka Faro loko a ta huma ku ya enambyeni, u ku eka yena: Yehovha u te: ‘Tshunxa tiko ra mina ri ya ndzi tirhela!

Eksoda 9:1

Kwalaho Yehovha a ku eka Muxe: “Yana eka Faro, u ku eka yena: Yehovha, Xikwembu xa Vaheveru, xi te: ‘Tshunxa tiko ra mina, ri ya ndzi tirhela.

Eksoda 9:13

Yehovha a ku eka Muxe: “U ta pfuka wa ha ri mixo, u ya emahlweni ka Faro, u ku eka yena: Yehovha, Xikwembu xa Vaheveru xi te: ‘Tshunxa tiko ra mina ri ya ndzi tirhela.

Esaya 45:13

Hi mina ndzi pfuxeke Korexe eku lulameni ka mina ndzi ta n'wi khulelela tindlela ta yena hinkwato; u ta tlhela a aka muti wa mina, u ta tshunxa vakhomiwa va mina, ku nga ri hi ku kutsula ni ku humesa nchumu,’ ku vula Yehovha wa tinyimpi.”

Yeremiya 50:33

Yehovha wa tinyimpi u te: Vana va Israele ni vana va Yuda va xanisiwa swin'we, kutani hinkwavo lava va yiseke evukhumbini va va tiyisela hi matimba, va ala ku va tshika va famba.