Eksoda 6:6 - Xitsonga (Bibele)

⁶ Hikwalaho u nge eka vana va Israele: Hi mina Yehovha; ndzi ta mi rhula ku tika ka Vaegipta; ndzi mi lwela; ndzi ta mi tshunxa evukhumbini bya vona, ndzi mi kutsula hi voko ra matimba, ni ku avanyisa lokukulu.

BIBELE Mahungu Lamanene

⁶ Hikokwalaho tivisa Vaisraele leswaku ndzi ri ka vona: ‘Hi mina HOSI Xikwembu, kutani ndzi ta mi humesa emintirhweni yo tika ya le Egipta, ndzi mi ponisa evuhlongeni bya kona, ndzi mi kutsula hi mintirho ya mina ya matimba ni ku avanyisa loku hlamarisaka.

Eksoda 6:6 Iomraidhean Croise

1 TIHOSI 8:42

(hikuva va ta yingisa timhaka ta vito ra wena lerikulu, ni ta voko ra wena ra matimba ni ta voko ra wena leri tlakukeke) kungakuloko a ta khongela eNdlwini leyi:

2 TIHOSI 17:36

Kambe mi ta chava Yehovha la mi humeseke etikweni ra Egipta hi matimba lamakulu ni voko leri tlakukeke, mi ta khinsama emahlweni ka yena, mi n'wi humesela magandzelo.

1 TIKRONIKA 17:21

Kutani i mani la fanaka ni tiko ra wena ra Israele, tiko leri nga rin'we emisaveni, leri Xikwembu xi tikutsuleleke rona ku ri endla tiko ra xona, ni ku titwarisa hi timhaka letikulu leti chavisaka, hi ku hlongola matiko emahlweni ka tiko ra wena leri u tikutsuleleke rona eEgipta?

Nehemiya 1:10

Kutani valavo, malandza ya wena, i tiko ra wena leri u ri kutsuleke hi matimba ya wena lamakulu, ni voko ra wena ra matimba.

Pisalema 77:16

Mati ma ku vonile, oho Xikwembu! Mati ma ku vonile, ma rhurhumerile, Ni swidziva swi tsekatsekile.

Pisalema 81:11

“Kambe tiko ra mina a ri yingisanga rito ra mina, Israele a nga ndzi yingisanga.

Pisalema 81:6

Ndzi rhula nhundzu ekhatleni ra yena, Mavoko ya yena ma tshika xirhundzu.

Pisalema 81:7

U ndzi khongele u ri emapfalweni, kutani ndzi ku ponisa, Ndzi ku hlamule ndzi titumbetile eku pfumeni, Kutani ndzi ku ringa ematini ya Meriba.

Eksoda 1:11

Kutani ku vekiwa valanguteri ehenhla ka vona va ta va karhata hi mitirho yo vavisa. Hi mukhuva wolowo va akela Faro miti ya switlati ya Pitomu na Ramsese.

Eksoda 12:41

Eku heteleleni ka malembe ya 430, hi siku lero, mavandla hinkwawo ya Yehovha ma huma etikweni ra Egipta.

Eksoda 12:51

Ha rona siku rero, Yehovha a humesa vana va Israele etikweni ra Egipta hi mavandla ya vona.

Eksoda 13:14

Kutakuloko n'wana wa wena a ku vutisa emikarhini yin'wana, a ku: ‘Mhaka leyi i yihi?’ U ta ku eka yena: ‘Yehovha u hi humesile hi voko ra matimba endlwini ya vukhumbi;

Eksoda 13:16

Xi ta va xikombiso evokweni ra wena, ni le mombyeni wa wena; hikuva Yehovha u hi humesile eEgipta hi voko ra matimba.”

Eksoda 13:3

Kutani Muxe a ku eka tiko: “Anakanyani siku leri mi humesiweke ha rona Egipta, endlwini ya vukhumbi; hikuva Yehovha u mi humesile kona hi voko ra matimba; kambe mi nga tshuki mi dya leswi dzungaka hi siku lero.

Eksoda 15:13

“Hi tintswalo ta wena u fambisile u tshunxile tiko leri; U ri fambisile hi matimba ya wena, Evutshan'weni bya ku kwetsima ka wena.

Eksoda 16:6

Kutani Muxe na Aroni va ku eka vana va Israele hinkwavo: “Nimadyambu mi ta tiva leswaku i Yehovha la mi humeseke etikweni ra Egipta.

Eksoda 18:1

Yetro, muprista wa Midiyani, mukon'wana wa Muxe a twa hinkwaswo leswi Xikwembu xi swi endleleke Muxe ni tiko ra yena ra Israele, ni leswaku Yehovha u humesile Israele Egipta.

Eksoda 2:11

Emikarhini yoleyo, kuteloko Muxe a kurile, a endza eka varikwavo, a ta vona ntirho wo tika wa vona; kutani a vona wanuna wa Muegipta a ba wanuna wa rikwavo, wa Muheveru.

Eksoda 3:17

kutani ndzi ku: ‘Ndzi ta mi kutsula enhlomulweni wa n'wina wa Egipta, ndzi mi akisa etikweni ra Vakanana ni ra Vahiti, ni ra Vaamori, ni ra Vaperesi, ni ra Vahivhi, ni ra Vayebusi, etikweni ra ntswamba ni vulombe.’

Eksoda 3:8

ndzi xikele ku ta va kutsula emavokweni ya Vaegipta, ni ku va humesa etikweni lero, ndzi va yisa etikweni lerikulu, lero saseka, etikweni ra ntswamba ni vulombe, evutshan'weni bya Vakanana, ni Vahiti, ni Vaamori, ni Vaperesi, ni Vahivhi, ni Vayebusi.

Eksoda 32:11

Kambe Muxe a khongela Yehovha, Xikwembu xa yena, a ku: “Oho Yehovha! U ri karihela yini tiko leri u ri humeseke eEgipta hi matimba lamakulu?

Eksoda 6:2

Xikwembu xi engeta xi vulavula na Muxe, xi ku eka yena: “Hi mina Yehovha.

Eksoda 6:29

“Hi mina Yehovha. Byela Faro, hosi ya Egipta, hinkwaswo leswi ndzi ku byeleke swona.”

Eksoda 6:8

kutani ndzi ta mi nghenisa etikweni leri ndzi nga hlambanya, ndzi ku: ‘Ndzi ta ri nyika Abrahama, na Isaka, na Yakobo; ndzi mi nyika rona, yi va ndzhaka ya n'wina. Hi mina Yehovha.’ ”

Eksoda 7:4

Kambe Faro a nga ka a nga mi yingisi, kutani ndzi ta tlakusa voko ra mina henhla ka Egipta, ndzi humesa etikweni leri mavandla ya mina ri nga tiko ra mina, vana va Israele, hi ku avanyisa lokukulu.

Eksoda 7:5

Kutani Vaegipta va ta tiva leswaku hi mina Yehovha loko ndzi tlakuse voko ra mina ehenhla ka Egipta, ndzi humese vana va Israele exikarhi ka vona.”

Esaya 9:12

va ri Vasiriya, tlhelo ra le vuxeni, ni Vafilista tlhelo ra vupeladyambu; va ta holongela Israele hi nomu lowu ahlameke. Hambiswiritano, vukari bya yena a byi si tlhela, ni voko ra yena ra ha tshambulutiwile.

Esaya 9:17

Hikwalaho Hosi yi nga ka yi nga tsakeri timbhuri ta rona, yi nga ka yi nga tsetseleri swisiwana ni tinoni ta rona; hikuva hinkwavo i vadyohi ni vabihi, milomu hinkwayo yi vulavula swisandzu ntsena. Hambiswiritano, vukari bya yena a byi si tlhela, ni voko ra yena ra ha tshambulutiwile.

Esaya 9:21

Manase a dya Efrayimi na Efrayimi a dya Manase; havambirhi va wela Yuda. Hambiswiritano, vukari bya yena a byi tlhelanga, ni voko ra yena ra ha tshambulutiwile!

Yeremiya 21:5

Kutani mina hi xiviri, ndzi ta lwa na n'wina hi voko leri tlakukeke, ni voko ro nonon'hwa, hi ku hlunama, ni ku kariha, ni ku leva lokukulukumba.

Yeremiya 27:5

“ ‘Hi mina ndzi endleke misava, ni vanhu, ni swiharhi leswi nga ehenhla ka misava, hi matimba ya mina lamakulu, ni voko ra mina leri tshambulukeke, ndzi yi nyika loyi ndzi swi rhandzaka ku n'wi nyika yona.

Yeremiya 32:21

U humesile tiko ra wena ra Israele etikweni ra Egipta, hi swikombiso ni mahlori ni xandla xa matimba, ni voko le ri tshambulukeke, ni ku chavisa lokukulu.

Ezekiele 20:33

Ndza hanya, ku vula Hosi Yehovha, hi xandla lexi nga ni matimba, ni voko leri tshalambutiweke, ni vukari lebyi chuluriweke, ndzi ta fuma ehenhla ka n'wina.

Timhaka 13:17

Xikwembu xa tiko leri ra Israele xi tihlawulele vatata wa hina, kutani xi kurisile ngopfu tiko leri loko va ha akile emisaveni ya Egipta, xi ko xi va humesa kona hi voko ra matimba.

Duteronoma 11:2

Tivisisani namuntlha (kambe a ndzi vuli vana va n'wina lava nga tivangiki ni lava nga vonangiki ku laya ka Yehovha, Xikwembu xa n'wina), tivisisani vukulu bya yena, ni voko ra matimba ya yena, ni voko ra yena leri tlakukeke;

Duteronoma 15:15

u ta tsundzuka leswaku a wu ri khumbi eEgipta; ni leswaku Yehovha, Xikwembu xa wena, a ku kutsurile; hikwalaho ndzi ku nyikaka nawu lowo namuntlha.

Duteronoma 26:8

Kutani Yehovha u hi humesile eEgipta hi xandla xa matimba ni voko leri tlakukeke, ni xichavo lexikulu, ni swikombiso ni mahlori.

Duteronoma 4:23

“Chavani ku rivala ntwanano lowu Yehovha, Xikwembu xa n'wina, xi wu endleke na n'wina mi nga tiendleli xifaniso lexi vatliweke, xi nga xikombiso xa hinkwaswo leswi Yehovha, Xikwembu xa wena, xi ku siveleke swona.

Duteronoma 4:34

Kambe xana xikwembu xin'wana xi kona, lexi ringeteke ku titekela tiko exikarhi ka tiko rin'wana hi miringo, ni swikombiso, ni mahlori ni ku lwa hi voko leri tlakukeke ra matimba, ni mitirho leyikulu leyi chavisaka, hilaha Yehovha, Xikwembu xa n'wina, xi mi endleleke hinkwaswo hakona eEgipta emahlweni ka wena?

Duteronoma 5:15

U ta anakanya leswaku a wu ri khumbi etikweni ra Egipta, ni leswaku Yehovha, Xikwembu xa wena, xi ku humesile hi voko ra matimba, ni voko leri tlakukeke; hikwalaho Yehovha, Xikwembu xa wena, xi ku leriseke ku hlayisa siku ra ku wisa.

Duteronoma 6:12

u ta chava ku rivala Yehovha la ku humeseke etikweni ra Egipta, endlwini ya vukhumbi.

Duteronoma 7:19

miringo leyikulu leyi voniweke hi mahlo ya wena, ni swikombiso ni masingita, ni xandla xa matimba, ni voko leri tshambulukeke, swi ri leswi Yehovha, Xikwembu xa wena a ku humeseke ha swona: Yehovha, Xikwembu xa wena, u ta endlisa sweswo eka matiko hinkwawo lawa u ma chavaka.

Duteronoma 7:8

kambe hi leswi Yehovha a mi rhandzaka, naswona a hlayisa ku hlambanya loku a ku hlambanyeleke vatata wa n'wina; hikwalaho ka swona Yehovha a mi humeseke hi voko ra matimba, kambe u ku kutsurile endlwini ya vukhumbi, evokweni ra Faro, hosi ya Egipta.

Duteronoma 9:29

Hambiswiritano, i tiko ra wena, ni ndzhaka ya wena, leyi u yi humeseke eEgipta, hi matimba lamakulu ya wena, ni voko ra wena leri tlakukeke.’