Eksoda 6:4 - Xitsonga (Bibele)

⁴ Kambe ndzi tiyisile ntwanano wa mina na vona ku va nyika tiko ra Kanana, tiko ra ku luvela ka vona.

BIBELE Mahungu Lamanene

⁴ Nakambe ndzi endlile ntwanano exikarhi ka mina na vona, ndzi va tshembisa ku va nyika tiko ra Kanana, tiko leri a va akile eka rona va ri valuveri.

Eksoda 6:4 Iomraidhean Croise

Genesa 12:7

Kutani Yehovha a humelela eka Abrama, a ku eka yena: “Misava leyi, ndzi ta yi nyika vatukulu va wena.” Kutani a akela kona gandzelo eka Yehovha la nga humelela eka yena.

Genesa 15:13

Kutani a ku eka Abrama: “U tivisisa swinene leswaku vatukulu va wena va ta luvela etikweni leri nga ka ri nga vi ra vona, va ta va makhumbi ya kona, va ta tsongahatiwa hi malembe ya mune wa madzana.

Genesa 15:18

Hi siku rolero, Yehovha a tiyisa ntwanano na Abrama, a ku: “Ndzi nyikile tiko leri eka vatukulu va wena, ku suka enambyeni wa Egipta, ku fikela enambyeni lowukulu, wu nga nambu wa Yufrata,

Genesa 17:13

A a yimbisiwe hambi a ri loyi a tswariweke endlwini, hambi a ri loyi a xaviweke hi mali ya wena, kutani ntwanano wa mina wu ta va enyameni ya n'wina wu ri ntwanano lowu nga heriki.

Genesa 17:4

“Loko ndzi ri mina, waswivo, ntwanano wa mina na wena, hi wolowo: U ta va tata wa matiko lamanyingi.

Genesa 23:4

“Ndzi muluveri ni muendzi exikarhi ka n'wina; ndzi nyikeni exikarhi ka n'wina sirha ndzi ri fuwa, ndzi tiva ku susa mufi wa mina emahlweni ka mina, ndzi n'wi yimbela.”

Genesa 26:3

Sala etikweni roleri, kutani ndzi ta va na wena, ndzi ku katekisa, hikuva matiko lawa, ndzi ta ma nyika wena ni vatukulu va wena, ndzi va ndzi tiyisa ku hlambanya loku ndzi nga hlambanyela Abrahama, tata wa wena.

Genesa 26:4

Ndzi ta andzisa vatukulu va wena, va ta kota tinyeleti ta tilo; ndzi ta nyika vatukulu va wena matiko lawa hinkwawo; matiko hinkwawo ya misava ma ta titsakela erixakeni ra wena,

Genesa 28:13

A vona na Yehovha, a yimile ehenhla ka rona, a ku: “Hi mina Yehovha Xikwembu xa Abrahama, tata wa wena, ni Xikwembu xa Isaka; tiko leri u etleleke eka rona, ndzi ta ri nyika wena ni vatukulu va wena.

Genesa 28:4

xi ta ku nyika ku katekisiwa ka Abrahama, ni vatukulu va wena, u va u fuma tiko leri u luvelaka eka rona, leri Xikwembu xi ri nyikeke Abrahama.”

Genesa 6:18

Kambe ndzi tiyisa ku twanana ka mina na wena; u ta nghena engalaveni, wena ni vana va wena, ni nsati wa wena, ni vasati va vana va wena swin'we na wena.

2 SAMIELE 23:5

Xana a hi swona eka yindlu ya mina emahlweni ka Xikwembu, Leswi a nga endla na mina ntwanano lowu nga heriki, Lowu lunghisiweke swinene ni ku tiyisiwa? Xana a nga mirisi ku hlayiseka ka mina hinkwako ni ku navela hinkwako ka mina?

Pisalema 105:11

A ku: “Ndzi ta ku nyika tiko ra Kanana, Ri va ndzhaka ya n'wina.”

Pisalema 105:12

Loko va ha ri vatsanana, Va nga talanga, va ri vaendzi etikweni,

Eksoda 13:4

Mi humile hi siku rero ra n'hweti ya Abibi.

Eksoda 13:5

Kutakuloko Yehovha a mi fikisile etikweni ra Vakanana, ni ra Vahiti, ni ra Vaamori, ni ra Vahivhi, ni ra Vayebusi, leri a nga hlambanyela vatata wa n'wina ku mi nyika rona, tiko ra ntswamba ni vulombe; hi n'hweti leyi, mi ta hlayisa ku lerisa loku.

Eksoda 6:8

kutani ndzi ta mi nghenisa etikweni leri ndzi nga hlambanya, ndzi ku: ‘Ndzi ta ri nyika Abrahama, na Isaka, na Yakobo; ndzi mi nyika rona, yi va ndzhaka ya n'wina. Hi mina Yehovha.’ ”

Esaya 55:3

Rhiyani tindleve, tanani eka mina, yingisani, kutani mimoya ya n'wina yi ta hanya: ndzi ta endla na n'wina ntwanano lowu nga heriki, ku tiyisa tintswalo ta mina eka Davhida.

Tinhlayo 10:29

Muxe a ku eka Hobabu, n'wana Rhuwele, wa Midiyani, mukon'wana wa Muxe: “Ho famba ku ya etikweni leri Yehovha a nga vula loko a te: ‘Ndzi ta mi nyika rona.’ Famba na hina, hi ta ku endlela swinene, hikuva Yehovha u hlayele Israele leswinene.”

Timhaka 7:5

Kambe a xi n'wi hanga ndzhaka kona, hambi xi ri xivandlanyana lexi ringanaka ku kandziya hi nkondzo; ntsena xi n'wi tshembisile leswaku xi ta n'wi nyika rona, ri va rifuwo ra yena ni ra vatukulu va yena endzhaku ka yena; a wu ri nkarhi lowu a nga si va na n'wana.