Eksoda 5:3 - Xitsonga (Bibele)

³ Va ku: “Xikwembu xa Vaheveru xi humelele eka hina; hi pfumelele hi famba riendzo ra masiku manharhu emananga, hi ya gandzela Yehovha, Xikwembu xa hina, hi magandzelo, leswaku a nga tshuki a hi dlaya hi ntungu, kumbe hi fumu.”

BIBELE Mahungu Lamanene

³ Kutani Muxe na Aroni va ku: “Xikwembu xa Vaheveru xi tikombile eka hina, kutani hi kombela ku teka riendzo ra masiku manharhu, hi ya emananga ku ya humesela HOSI Xikwembu xa hina emagandzelo; loko swi nga ri tano, xi ta hi ba hi mintungu kumbe hi matlhari.”

Eksoda 5:3 Iomraidhean Croise

2 TIHOSI 17:25

Kuteloko va sungurile ku aka kona, a va nga chavi Yehovha, kutani Yehovha, a va rhumela tinghala ti va dlaya.

2 TIKRONIKA 30:8

Sweswi mi nga nonon'hwisi tinhamu ta n'wina kukotisa vatata wa n'wina; khomani voko ra Yehovha, mi ta evukwetsimelweni bya yena lebyi a byi hlawuleke hi masiku, mi tirhela Yehovha Xikwembu xa n'wina, kutani ku hisa ka vukari bya yena ku ta mi sukela.

Ezra 7:23

Hinkwaswo leswi lerisiweke hi Xikwembu xa le matilweni a swi endliwe hi mukhuva lowu hetisekeke, leswaku ku kwetsima ka xona ku nga tshuki ku va ni ku holova ehenhla ka ku fuma ka hosi ni ka vana va yona.

Eksoda 3:18

“Va ta yingisa rito ra wena; kutani u ta famba ni vakulukumba va Israele eka hosi ya Egipta, mi ku eka yona: ‘Yehovha, Xikwembu xa Vaheveru, u humelele eka hina; sweswi wanga hi pfumelela ku famba riendzo ra masiku manharhu emananga, hi ta gandzela Yehovha, Xikwembu xa hina hi magandzelo.’

Eksoda 7:16

u ta ku eka yena: ‘Yehovha Xikwembu xa Vaheveru u ndzi rhumile eka wena, a ku: Tshika tiko ra mina ri ya ndzi tirhela emananga. Kambe a ku ndzi yingisanga ku fika sweswi.’

Eksoda 8:1

Kutani Yehovha a ku eka Muxe: “Yana eka Faro, u ku eka yena: Yehovha u te: ‘Tshika tiko ra mina ri ya ndzi tirhela;

Eksoda 8:20

Kutani Yehovha a ku eka Muxe: “Pfuka wa ha ri mixo, u ya yima emahlweni ka Faro loko a ta huma ku ya enambyeni, u ku eka yena: Yehovha u te: ‘Tshunxa tiko ra mina ri ya ndzi tirhela!

Eksoda 8:27

Hi ta famba mpfhuka wa masiku manharhu emananga, hi kona hi nga ta gandzela Yehovha, Xikwembu xa hina, hilaha a nga ta hi byela hakona.”

Ezekiele 6:11

Hosi Yehovha u ri: “Bana hi swandla swa wena, u raha hi nenge wa wena, u ku: Yo! Hikwalaho ka manyala hinkwawo lama chavisaka ya yindlu ya Israele, leyi nga ta wa hi fumu ni ndlala ni ntungu.

Levhitika 26:25

Ndzi ta rhumela ehenhla ka n'wina matlhari yo rihisela ntwanano wa mina; kutani, kutakuloko mi hlengeletanile emitini ya n'wina, ndzi ta rhuma ntungu exikarhi ka n'wina kutani mi ta nyiketiwa emavokweni ya nala.

Duteronoma 28:21

Yehovha u ta ku namarheta rifu, u ko u herisiwa emisaveni leyi u nga ta nghena eka yona ku yi fuma.