Eksoda 5:2 - Xitsonga (Bibele)

² Kutani Faro a ku: “Yehovha i mani leswaku ndzi yingisa rito ra yena, ndzi tshika Israele a famba? Yehovha a ndzi n'wi tivi, na Israele ndzi nga ka ndzi nga n'wi tshiki a famba.”

BIBELE Mahungu Lamanene

² Kutani Faro a ku: “HOSI Xikwembu i mani xana? Hikwalaho ka yini ndzi fanele ku n'wi yingisa, ndzi tshika Vaisraele va famba xana? HOSI Xikwembu, a ndzi n'wi tivi, naswona ndzi nga ka ndzi nga tshiki Vaisraele va famba.”

Eksoda 5:2 Iomraidhean Croise

2 TIHOSI 18:35

Hi swihi swikwembu exikarhi ka swikwembu hinkwaswo swa matiko lawa leswi kutsuleke matiko ya swona evokweni ra mina, leswaku Yehovha a kutsula Yerusalema, evokweni ra mina-ke?’ ”

2 TIKRONIKA 32:14

Hi xihi xikarhi ka swikwembu hinkwaswo swa matiko lawa vatata wa mina va ma yiriseke lexi koteke ku ponisa tiko ra xona evokweni ra mina-ke?

2 TIKRONIKA 32:15

Sweswi Hezekiya a nga tshuki a mi xisa, a nga ha mi kuceteli hi mukhuva lowu kambe mi nga pfumeli ka yena; hikuva a ku na xikwembu xa tiko rihi ni rihi ni xa ku fuma kwihi ni kwihi, le xi koteke ku ponisa tiko ra xona evokweni ra mina, ni le mavokweni ya vatata wa mina: swi tsandza ni Xikwembu xa n'wina, xi nga ka xi nga mi ponisi evokweni ra mina!’ ”

2 TIKRONIKA 32:19

Va fanisa timhaka ta Xikwembu xa Yerusalema ni timhaka ta swikwembu swa matiko ya misava, leswi endliweke hi mavoko ya vanhu.

Nehemiya 9:10

u endle swikombiso ni masingita ehenhla ka Faro, ni le henhla ka malandza ya yena hinkwawo, ni le henhla ka tiko hinkwaro ra misava ya yena, hikuva a u tiva hilaha va va xaniseke hakona, kutani u tiendlele ku twala hilaha ku nga kona namuntlha;

Ntirho 15:25

Hikuva u tshambulutile voko ra yena ku lwa na Xikwembu, U yeyisile Lowa matimba hinkwawo.

Ntirho 15:26

U tsutsumile ku lwa na yena, a tiyisa nhamu, A tisirhelela ehansi ka mihlana ya switlhangu swa yena.

Ntirho 21:15

Lowa matimba hinkwawo i yini, leswaku hi n'wi tirhela, Hi ta kuma yini hi ku n'wi khongela xana?’

Pisalema 10:4

Lowo biha, eku tikuriseni ka yena, a ku: A nga ka a nga vutisisi; “Xikwembu a xi kona”; hi kona ku anakanya ka yena hinkwako.

Pisalema 12:4

Va nga vona lava nge: “Hi ta hlula hi tindzimi ta hina, Milomu yi na hina; hi nga fuma hi mani?”

Pisalema 12:5

“Hikwalaho ka khombo ra swisiwana ni ku rila ka vapfumari, Ndzi ta pfuka sweswi,” ku vula Yehovha; “Ndzi ta ponisa lava xanisiwaka.”

Pisalema 14:1

Xihunguki xi te embilwini ya xona: “A ku na Xikwembu!” Va borile; mitirho ya vona yi ni manyala; A ku na la endlaka swinene.

Eksoda 3:19

Kambe ndza swi tiva leswaku hosi ya Egipta yi nga ka yi nga mi pfumeleri ku famba, hambi mi nga endla hi matimba.

Eksoda 7:17

Yehovha a ku: ‘U ta tiva hi sweswo leswaku hi mina Yehovha: Ndzi ta ba mati ya nambu hi nhonga ya mina, ma ta hundzuka ngati,

Swivuriso 30:9

Kumbexana loko ndzi xurhile ndzi nga ku landzula, Ndzi ku: “Yehovha i mani?” Kumbe xana, loko ndzi ri xisiwana, ndzi yiva, Ndzi tlanga hi vito ra Xikwembu xa mina.

Yeremiya 42:13

Loko mi ku: ‘E-e, hi nga ka hi nga aki etikweni leri,’ swi ri leswaku mi nga ka mi nga yingisi rito ya Yehovha, Xikwembu xa n'wina;

Yeremiya 48:26

“N'wi pyopyiseni, hikuva u tiarisele Yehovha! Mowabu u ta puluvundza emahlanteni ya yena, kutani u ta endliwa xisandzu.

Daniele 3:15

Sweswi, loko mi tilunghisile, hi nkarhi lowu mi yingisaka mpfumawulo wa mhalamhala, ni wa xitiringo, ni wa ritaninga, ni wa haripa, ni wa psalteri, ni wa gupu, ni wa leswi yimbiwaka hinkwaswo, mi khinsama, mi gandzela xifaniso lexi ndzi xi endleke: Loko swi nga ri tano loko mi nga gandzeli, mi ta hoxiwa hi nomu lowu, ekheleni ra ndzilo lowo leva. Kutani xikwembu hi xihi lexi nga ta mi ponisa emavokweni ya mina xana?”

Yohane 16:3

Va ta mi endla hinkwaswo leswi, hikuva a va tivi Tatana na mina.

Varhoma 1:28

Kutani leswi va nga ka va nga ringetanga ku tiva Xikwembu, Xikwembu xi va nyiketile emoyeni lowu solekaka va ta endla leswi nga fanelangiki.

2 Vatesalonika 1:8

hi ndzilo lowu pfurhaka, ku rihisa lava nga tiviki Xikwembu, ni lava nga yingisiki Evhangeli ya Yesu Kriste, Hosi ya hina.

Vaavanyisi 2:10

Na vona vanhu va nkarhi lowuya hinkwavo, va tlhelela eka vatata wa vona, kutani ku humelela vanhu va nkarhi lowu, lava nga tivangiki Yehovha, hambi yi ri mitirho leyi a yi endleleke Israele.

1 SAMIELE 2:12

Vana va Heli a va ri vana va Beliyali (lavo biha); a va nga tivi Yehovha.

1 SAMIELE 25:10

Nabala a hlamula, a ku eka malandza ya Davhida: “Davhida i mani xana, ni n'wana Yese i mani? Emasikwini lawa, malandza ma tele lama balekelaka tihosi ta wona.