Eksoda 39:1 - Xitsonga (Bibele)

¹ Hi xivunguvungu ni scarlet, ni crimson, va endla tinguvu ta ntirho ku tirha ntirho endlwini leyo kwetsima, va endla ni tinguvu leto kwetsima leti nga ta Aroni, hilaha Yehovha a nga lerisa Muxe hakona.

BIBELE Mahungu Lamanene

¹ Kutani va rhunga swiambalo leswo saseka swa ntirho wa le xivandleni lexo hlawuleka, hi voya bya muhlovo wa rihlaza ra tilo, ni wa xivunguvungu, ni lowo tshwuka; va rhunga swiambalo leswi swo hlawuleka swa Aroni, hilaha HOSI Xikwembu xi leriseke Muxe hakona.

Eksoda 39:1 Iomraidhean Croise

Pisalema 93:5

Vumbhoni bya wena bya tshembeka ngopfu; Ku kwetsima ku fanele yindlu ya wena, Oho Yehovha! Hi laha ku nga heriki.

Eksoda 25:4

ni malapi ya xivunguvungu, ni ya scarlet, ni ya crimson, ni ntsembyana lowo basa, ni voya bya mbuti;

Eksoda 26:1

“U ta endla Tabernakela hi tinguvu ta khume ta ntsembyana lowo saseka leyi lukiweke, ni xivunguvungu, ni scarlet, ni crimson; u ta fanisa kona tikerubu hi ntirho wa vutlhari.

Eksoda 28:5

Va ta teka nsuku, ni xivunguvungu, ni scarlet, ni crimson, ni ntsembyana lowo saseka.

Eksoda 31:10

ni tinguvu ta ntirho, ni tinguvu leti hlawuriweke ta muprista Aroni, ni tinguvu ta vana va yena ta vuprista,

Eksoda 35:19

ni tinguvu ta ku tirha ntirho wa vukwetsimelo, ti nga tinguvu leti hlawuriweke ta muprista Aroni, ni tinguvu ta vana va yena ta ku tirha ntirho wa vuprista.”

Eksoda 35:23

Un'wana ni un'wana la ngi a ri ni xivunguvungu, ni scarlet, ni crimson, ni ntsembyana lowo saseka, ni voya bya mbuti, ni madzovo ya makhuna lama totiweke hi leswo tshwuka, ni madzovo ya xwale, va swi tisa.

Eksoda 38:31

ni switshamo swa xivava lexi rhendzelekaka, ni switshamo swa nyangwa ya xivava, ni timhingu hinkwato ta yindlu, ni timhingu hinkwato ta xivava lexi rhendzelekaka.

Eksoda 39:41

Va tisa ni tinguvu ta ntirho, ku tirha ha tona ntirho wa yindlu yo kwetsima, ni tinguvu leto kwetsima ta muprista Aroni ni tinguvu ta vana va yena ku tirha ntirho wa vuprista.

Ezekiele 42:14

Loko vaprista va nghenile a va nga humi evukwetsimelweni ku nghena erivaleni ra le handle va nga si veka kona tinguvu leti va nga endla ha tona mitirho; hikuva hi leti kwetsimaka; va ta ambala tin'wanyana, kutani va ta tshinelela tiko.”

Ezekiele 43:12

Nawu wa yindlu hi wolowo: Xivandla hinkwaxo xa yona, le henhla ka ntshava, hi matlhelo hinkwawo, i ku kwetsima ka ku kwetsima. Vonani, nawu wa yindlu hi wolowo.

Vaheveru 9:12

u nghenile kan'we exikwetsimisweni, ku nga ri hi ngati ya swiphongo ni ya marhole, kambe hi ngati ya yena hi xiviri; kutani u kumile ku kutsula loku nga heriki.

Vaheveru 9:25

swi nga ri leswaku a tiendla kangani mhamba kukotisa muprista lonkulu, loko a nghena evukwetsimelweni hi lembe rin'wana ni rin'wana, a tamele ngati leyi nga riki ya yena,