Eksoda 33:3 - Xitsonga (Bibele)

³ ndzi mi nghenisa etikweni leri pfelelaka ntswamba ni vulombe, hikuva ndzi nga ka ndzi nga fambi exikarhi ka n'wina mi nga tiko leri tinonon'hwisaka tinhamu, ndzi nga ti tshuka ndzi mi dlaya endleleni.”

BIBELE Mahungu Lamanene

³ Tiko leri mi yaka eka rona ri khuluka ntswamba ni vulombe; kambe mina a ndzi nga fambi exikarhi ka n'wina, hikuva leswi mi nga vanhu lava tinonon'hwisaka, ndzi nga tshuka ndzi mi herisela makumu endleleni.”

Eksoda 33:3 Iomraidhean Croise

2 TIHOSI 17:14

Kambe a va yingisanga, va nonon'hwisile tinhamu ta vona kukotisa vatata wa vona lava nga pfumelangiki eka Yehovha Xikwembu xa vona.

Pisalema 78:8

Va nga tshuki va fana ni vatata wa vona, Rixaka ra ku tiarisa, ro dzumadzuma, Rixaka leri nga fambiki hi mbilu yo tiya, Leri moya wa rona, wu nga tshembiki Xikwembu.

Eksoda 13:5

Kutakuloko Yehovha a mi fikisile etikweni ra Vakanana, ni ra Vahiti, ni ra Vaamori, ni ra Vahivhi, ni ra Vayebusi, leri a nga hlambanyela vatata wa n'wina ku mi nyika rona, tiko ra ntswamba ni vulombe; hi n'hweti leyi, mi ta hlayisa ku lerisa loku.

Eksoda 23:21

Chava emahlweni ka yona, u yingisa rito ra yona, u nga tshuki u ri alela, hikuva yi nga ka yi nga mi khomeli ku biha ka n'wina, hikuva yi ni vito ra mina.

Eksoda 3:17

kutani ndzi ku: ‘Ndzi ta mi kutsula enhlomulweni wa n'wina wa Egipta, ndzi mi akisa etikweni ra Vakanana ni ra Vahiti, ni ra Vaamori, ni ra Vaperesi, ni ra Vahivhi, ni ra Vayebusi, etikweni ra ntswamba ni vulombe.’

Eksoda 3:8

ndzi xikele ku ta va kutsula emavokweni ya Vaegipta, ni ku va humesa etikweni lero, ndzi va yisa etikweni lerikulu, lero saseka, etikweni ra ntswamba ni vulombe, evutshan'weni bya Vakanana, ni Vahiti, ni Vaamori, ni Vaperesi, ni Vahivhi, ni Vayebusi.

Eksoda 32:14

Hilaha Yehovha a tshikaka khombo leri a ri anakanyeleke tiko ra yena.

Eksoda 33:5

Kambe Yehovha u byerile Muxe, a ku: “U nge eka vana va Israele: ‘Mi vanhu va tinhamu leti nonon'hwaka; loko ndzi famba na n'wina ku nga ri kungani, ndzi nga mi lovisa. Kutani sweswi, susa leswi u bombaka ha swona, ndzi ta tiva leswi ndzi nga ta swi endla.’ ”

Eksoda 34:9

“Hosi, loko kunene ndzi vonile tintswalo ta wena, Hosi a yi fambe na hina, hikuva kunene i tiko ra tinhamu leto nonon'hwa, kambe u hi khomela ku dyoha ka hina, ni ku homboloka ka hina, kutani u hi fuwa, hi va ndzhaka ya wena.”

Esaya 48:4

Hikuva a ndzi swi tiva leswaku wa nonon'hwa, ni leswaku nhamu ya wena yi fana ni nhonga ya nsimbhi; ni mombo wa wena, ni koporo,

Yeremiya 11:5

hi laha ndzi nga ta heta ku hlambanya loku ndzi ku hlambanyeleke vatata wa n'wina va khale, ndzi ku: Ndzi ta va nyika tiko leri pfelelaka ntswamba ni vulombe, kukotisa leswi mi swi vonaka namuntlha.” Kutani ndzi hlamula, ndzi ku: “A swi ve tano, Yehovha!”

Ezekiele 20:6

“Hi siku lero ndzi yimise voko ra mina eka vona, ku va humesa etikweni ra le Egipta, va ta etikweni leri ingi ndzi ri hlawulele vona, leri nga ni ntswamba ni vulombe, lero saseka exikarhi ka matiko hinkwawo.

Levhitika 20:24

Ndzi mi byerile, ndzi te eka n'wina: Hi n'wina mi nga ta fuwa tiko ra vona, ndzi ta mi nyika rona leswaku ri va ra n'wina; i tiko leri teleke ntswamba ni vulombe. Hi mina Yehovha, Xikwembu xa n'wina, loyi ndzi mi hlawuleke exikarhi ka matiko.

Yonasi 3:10

Xikwembu xi vona ku endla ka vona, hilaha va hundzukeke hakona eku fambeni ka vona loko biha; kutani Xikwembu xi tshika ku biha loku xi nga vula ku va endla hakona, kutani a xi ku endlanga.

Yonasi 3:4

Yonasi a sungula ku nghena emutini hi mpfhuka wa siku rin'we, kutani a huwelela, a ku: “Ka ha sele masiku ya mune wa makume, kutani Ninivha wu ta mbundzuxiwa!”

Tinhlayo 13:27

Va byela Muxe timhaka, va ku: “Hi yile etikweni leri u hi rhumeke eka rona; kunene i tiko leri pfelelaka hi ntswamba ni vulombe, mihandzu ya kona hi leyi.

Tinhlayo 14:12

Ndzi ta ri ba hi ntungu ndzi ri heta, kutani ndzi ta endla ha wena tiko lerikulu, leri nga ni matimba ku tlula rona!”

Tinhlayo 14:8

Loko Yehovha a titsakele ha hina, u ta hi nghenisa etikweni leri, u ta hi nyika rona, ri nga tiko leri pfelelaka hi ntswamba ni vulombe.

Tinhlayo 16:13

Xana i mhaka leyitsongo eka hina leswi u hi humeseke etikweni leri pfelelaka ntswamba ni vulombe, ku hi dlaya emananga u engeta u tiveka hosi ehenhla ka hina-ke?

Tinhlayo 16:21

“Hambanani ni nhlengeletano leyi, ndzi ta va hisa kan'we.”

Tinhlayo 16:45

“Sukani exikarhi ka nhlengeletano leyi, ndzi ta va heta kan'wekan'we.” Kavaloko va wa hi mimombo,

Timhaka 7:51

“N'wina va tinhamu le to nonon'hwa, mi nga yimbisiki timbilu ni tindleve! Mi alela Moya lowo Kwetsima hi masiku, mi kotisa vatata wa n'wina!

Duteronoma 4:24

Hikuva Yehovha, Xikwembu xa wena, i ndzilo lowu pfurhaka, i Xikwembu lexi nga ni rilondzo.

Yoxuwa 5:6

Hikuva hi malembe ya 40, vana va Israele a va famba emananga, tiko hinkwaro ri ko ri herisiwa, va ri vavanuna lava hlomaka, lava humeke eEgipta, lava nga yingisangiki rito ra Yehovha; hikwalaho, Yehovha u va hlambanyele leswaku va nga ka va nga voni tiko leri Yehovha a hlambanyeleke vatata wa vona ku hi nyika rona, ri nga tiko leri khulukelaka hi ntswamba ni vulombe.

1 SAMIELE 2:30

Hikwalaho-ke Yehovha, Xikwembu xa Israele, u vula sweswo, a ku: ‘A ndzi vurile leswaku yindlu ya wena ni yindlu ya tata wa wena yi ta famba emahlweni ka mina hilaha ku nga heriki,’ kambe sweswi, Yehovha u vurisa, a ku: ‘A swi ve kule na mina! Hikuva ndzi ta dzunisa lava ndzi dzunisaka, kambe lava ndzi sandzaka va ta tsongahatiwa.