Eksoda 3:9 - Xitsonga (Bibele)

⁹ Sweswi, ku huwelela ka vana va Israele ku fikile eka mina; ndzi ku vonisisile ku xaniseka loku Vaegipta va va xanisaka hakona.

BIBELE Mahungu Lamanene

⁹ Kutani sweswi, leswi ku rila ka vanhu va Israele ku fikeke etindleveni ta mina, ni leswi ndzi voneke hilaha vanhu va Egipta va va xanisaka hakona,

Eksoda 3:9 Iomraidhean Croise

Genesa 16:11

Ntsumi ya Yehovha yi tlhela yi ku eka yena: “Waswivo, u ni nyimba, kutani u ta veleka n'wana wa wanuna; u ta n'wi thya vito ra Iximaele (Xikwembu xa yingisa), hikuva Yehovha u twile ku vaviseka ka wena.

Genesa 31:12

Kutani yi ku: ‘Tlakusa mahlo u languta: swiphongo hinkwaswo leswi khandziyaka tinyimpfu swi ni mavalavala ni mavala ni mindzhati; hikuva ndzi vonile hinkwaswo leswi Labani a ku endlelaka swona.

2 TIHOSI 13:4

Kutani Yowahazi a khongela Yehovha, Yehovha a n'wi yingisa, hikuva a a vonile ku xaniseka ka Vaisraele hilaha hosi ya Siriya yi va xaniseke hakona.

2 TIHOSI 20:5

“Tlhela ka Hezekiya, mufambisi wa tiko ra mina, u ku eka yena: Yehovha, Xikwembu xa Davhida, tata wa wena, xi ku: ‘Ndzi yingisile xikhongelo xa wena, ndzi vonile mihloti ya wena, ndzi ta ku hanyisa. Siku ra vunharhu u ta tlhandlukela endlwini ya Yehovha.

Nehemiya 9:9

“U vonile mahlomulo ya vatata wa hina loko va ri Egipta, u twile ku huwelela ka vona, loko va ri ekusuhi ni Lwandle ro Tshwuka,

Pisalema 12:5

“Hikwalaho ka khombo ra swisiwana ni ku rila ka vapfumari, Ndzi ta pfuka sweswi,” ku vula Yehovha; “Ndzi ta ponisa lava xanisiwaka.”

Pisalema 9:14

Leswaku ndzi twarisa tinsimu ta wena hinkwato, Etinyangweni ta wanhwanyana wa Siyoni, Kutani ndzi ta tsakela ku hlayiseka ka wena.

Eksoda 1:11

Kutani ku vekiwa valanguteri ehenhla ka vona va ta va karhata hi mitirho yo vavisa. Hi mukhuva wolowo va akela Faro miti ya switlati ya Pitomu na Ramsese.

Eksoda 1:22

Kutani Faro a lerisa tiko ra yena hinkwaro, a ku: “Vandzisanyana hinkwavo lava nga ta velekiwa, va cukumeteni enambyeni; kambe vanhwanyana hinkwavo, mi va tshika va hanya.”

Eksoda 1:8

Kambe ku humelela eEgipta hosi leyintshwa, leyi nga tivangiki Yosefa.

Eksoda 2:23

Kuteloko malembe layo tala ma hundzile, hosi ya Egipta yi fa. Loko va ri vana va Israele, a va ri karhi va rila hikwalaho ka vukhumbi bya vona; va huwelela, kutani ku huwelela ka vona hikwalaho ka vukhumbi bya vona ku fika eka Xikwembu.

Eksoda 2:25

kutani Xikwembu xi languta vana va Israele, xi va tiva.

Eksoda 3:7

Kutani Yehovha a ku: “Ndzi vonisisile ku xaniseka ka tiko ra mina eEgipta, ndzi yingisile ku rila ka vona hikwalaho ka lava va va xanisaka; hikuva ndzi tiva nhlomulo wa vona;

Eklesiasta 4:1

Ndzi engeta kambe ndzi tsundzuka maxangu hinkwawo lama humelelaka ehansi ka dyambu, ndzi vona mihloti ya lava xanisiwaka, kambe ku nga ri na loyi a va miyetaka. Tlhelo ra vaxanisi va vona, ndzi vona ku nonon'hwa, kambe ku nga ri na mumiyeti wa vona.

Eklesiasta 5:8

Loko u nga vona etikweni rin'wana xisiwana xi xanisiwa, ni ku lulama ni ku avanyisa loko swi hombolokisiwa, u nga tshuki u hlamala ha swona, hikuva la tlakukeke ehenhla ka un'wana la tlakukeke u kona la langutelaka, ni Muungameri u kona la nga ehenhla ka vona.

Amosi 4:1

“Yingisani rito leri, n'wina matswele ya Baxani, lama nga entshaveni ya Samariya, n'wina lava xanisaka lavatsongo, mi xanisaka swisiwana, mi nge eka vanuna va n'wina: ‘Tisani, hi nwa!’

Duteronoma 26:7

Kambe hi huwelele eka Yehovha, Xikwembu xa vatata wa hina, kutani Yehovha u yingisile rito ra hina, a vona ku tsongahatiwa ka hina, ni mitirho ya hina, ni ku xaniseka ka hina.

1 SAMIELE 9:16

“Mundzuku, enkarhini wolowo, ndzi ta ku rhumela munhu wa tiko ra Benjamini, u ta n'wi chela hi mafurha leswaku a va mufambisi wa tiko ra mina ra Israele, kutani u ta ponisa tiko ra mina emavokweni ya Vafilista; hikuva ku huwelela ka rona ku fikile eka mina.”