Eksoda 3:8 - Xitsonga (Bibele)

⁸ ndzi xikele ku ta va kutsula emavokweni ya Vaegipta, ni ku va humesa etikweni lero, ndzi va yisa etikweni lerikulu, lero saseka, etikweni ra ntswamba ni vulombe, evutshan'weni bya Vakanana, ni Vahiti, ni Vaamori, ni Vaperesi, ni Vahivhi, ni Vayebusi.

BIBELE Mahungu Lamanene

⁸ Hikokwalaho, ndzi rhelerile ku ta va lamulela emavokweni ya Vaegipta, ndzi va humesa etikweni leriya, ndzi va yisa etikweni lero nona, leri anameke, tiko leri khulukaka ntswamba ni vulombe, ku nga laha ku akeke Vakanana, ni Vahiti, ni Vaamori, ni Vaperesi, ni Vahivhi, ni Vayebusi.

Eksoda 3:8 Iomraidhean Croise

Genesa 11:5

Kambe Yehovha a xika ku ta vona muti ni xihondzo xexo vana va vanhu a va ri karhi va xi aka.

Genesa 11:7

A hi yeni, hi xika, hi hambanyisa kona ku vulavula ka vona, leswaku va nga ha twanani.”

Genesa 15:13

Kutani a ku eka Abrama: “U tivisisa swinene leswaku vatukulu va wena va ta luvela etikweni leri nga ka ri nga vi ra vona, va ta va makhumbi ya kona, va ta tsongahatiwa hi malembe ya mune wa madzana.

Genesa 15:14

Kambe ndzi ta avanyisa tiko leri va nga ta fumiwa hi rona, kutani ndzhaku va ta huma kona va fuwe ngopfu.

Genesa 18:21

ndzi ta rhelela ndzi ya vona xana va endlile kunene hilaha huwa yi ndzi fikeleke hakona: loko swi nga ri tano, ndzi ta swi tiva.”

Genesa 43:11

Israele, tata wa vona, a ku eka vona: “Loko swi ri tano, mi fanele ku endlisa sweswo: Tekani emikwameni ya n'wina leswo saseka, leswi humesiwaka hi tiko mi ya nyika munhu yeloyi: mi teka balsama, ni vulombe, ni asitiragala, ni ladano, ni timanga, ni tialimondi;

Genesa 46:4

Na mina ndzi ta ngirimela eEgipta na wena, kambe ndzi ta tlhela ndzi ku tlhandlukisela halenu hakunene; Yosefa u ta ku vuyetela mahlo.”

Genesa 50:24

Kutani Yosefa a ku eka vamakwavo: “Ndza fa; Xikwembu xi ta mi endzela kunene, xi ta mi humesa etikweni leri, xi mi yisa etikweni leri xi nga hlambanyela Abrahama, na Isaka, na Yakobo, leswaku xi ta va nyika rona.”

1 TIKRONIKA 1:15

ni Vahivhi, ni Vaariki, ni Vasini,

Nehemiya 9:8

u n'wi kumile a ri ni mbilu leyi tshembekaka emahlweni ka wena, u endla ntwanano na yena ku n'wi nyika tiko ra Kanana, ni ra Vahiti ni ra Vaamori, ni ra Vaperesi ni ra Vayebusi, ni ra Vagirigaxi, leswaku u ri nyika vatukulu va yena; kunene u hetile rito ra wena, hikuva u lulamile.

Pisalema 12:5

“Hikwalaho ka khombo ra swisiwana ni ku rila ka vapfumari, Ndzi ta pfuka sweswi,” ku vula Yehovha; “Ndzi ta ponisa lava xanisiwaka.”

Pisalema 12:6

Marito ya Yehovha i marito layo tenga; I ntsopfu lowu basisiweke entshengelweni, Lowu nyukisiweke kantlhanu na kambirhi.

Pisalema 34:8

Nantswani, mi va mi vona leswaku Yehovha hi lonene swonghasi! Ku katekile munhu la chavelaka eka yena.

Pisalema 91:15

U ta vitana eka mina, kutani ndzi ta n'wi hlamula; Ndzi ta va na yena ekhombyeni, Ndzi n'wi kutsula ni ku n'wi dzunisa;

Eksoda 12:41

Eku heteleleni ka malembe ya 430, hi siku lero, mavandla hinkwawo ya Yehovha ma huma etikweni ra Egipta.

Eksoda 12:51

Ha rona siku rero, Yehovha a humesa vana va Israele etikweni ra Egipta hi mavandla ya vona.

Eksoda 13:5

Kutakuloko Yehovha a mi fikisile etikweni ra Vakanana, ni ra Vahiti, ni ra Vaamori, ni ra Vahivhi, ni ra Vayebusi, leri a nga hlambanyela vatata wa n'wina ku mi nyika rona, tiko ra ntswamba ni vulombe; hi n'hweti leyi, mi ta hlayisa ku lerisa loku.

Eksoda 3:17

kutani ndzi ku: ‘Ndzi ta mi kutsula enhlomulweni wa n'wina wa Egipta, ndzi mi akisa etikweni ra Vakanana ni ra Vahiti, ni ra Vaamori, ni ra Vaperesi, ni ra Vahivhi, ni ra Vayebusi, etikweni ra ntswamba ni vulombe.’

Eksoda 34:11

“Hlayisa lexi ndzi ku lerisaka xona namuntlha. Ndzi ta hlongola emahlweni ka wena, Vaamori, ni Vakanana ni Vahiti, ni Vaperesi, ni Vahivhi, ni Vayebusi.

Eksoda 5:23

Hikuva ka hari mpfhuka ndzi ya eka Faro, ndzi vulavula hi vito ra wena, wa ha xanisa tiko leri, kutani a ku kutsulangi tiko ra wena.”

Esaya 36:17

ndzi ko ndzi ta, ndzi mi teka ku mi yisa etikweni leri kotaka ra n'wina, etikweni ra mavele ni ra vhinyo, etikweni ra vuswa ni ra tivhinya.

Esaya 64:1

O! Loko ngi u handzula matilo, u xika, tintshava a ti ta tsekatseka emahlweni ka wena,

Yeremiya 11:5

hi laha ndzi nga ta heta ku hlambanya loku ndzi ku hlambanyeleke vatata wa n'wina va khale, ndzi ku: Ndzi ta va nyika tiko leri pfelelaka ntswamba ni vulombe, kukotisa leswi mi swi vonaka namuntlha.” Kutani ndzi hlamula, ndzi ku: “A swi ve tano, Yehovha!”

Yeremiya 2:7

Ndzi mi tisile etikweni ra ndzalo, leswaku mi ta dya mihandzu ya rona ni mafurha ya rona, kambe mi nghenile, kutani mi dyuhata tiko ra mina, ni ndzhaka ya mina mi yi endla manyala.

Yeremiya 32:22

U va nyikile tiko leri, leri u nga hlambanyela vatata wa vona leswaku u ta va nyika rona, ri nga tiko ro pfelela ntswamba ni vulombe.

Ezekiele 20:6

“Hi siku lero ndzi yimise voko ra mina eka vona, ku va humesa etikweni ra le Egipta, va ta etikweni leri ingi ndzi ri hlawulele vona, leri nga ni ntswamba ni vulombe, lero saseka exikarhi ka matiko hinkwawo.

Levhitika 20:24

Ndzi mi byerile, ndzi te eka n'wina: Hi n'wina mi nga ta fuwa tiko ra vona, ndzi ta mi nyika rona leswaku ri va ra n'wina; i tiko leri teleke ntswamba ni vulombe. Hi mina Yehovha, Xikwembu xa n'wina, loyi ndzi mi hlawuleke exikarhi ka matiko.

Amosi 2:10

Kambe hi mina ndzi nga mi humesa etikweni ra Egipta, ndzi mi fambisa emananga hi malembe ya mune wa makume mi ta fuma tiko ra Vaamori.

Tinhlayo 13:18

mi ta vona tshamela ra tiko; mi vona ni vanhu lava akeke kona xana va tiyile kumbe va tsanile xana va tele kumbe a va talangi;

Tinhlayo 13:19

mi ta vona ni tiko leri va akeke eka rona, xana ri sasekile kumbe ri bihile, ni miti leyi va akeke eka yona, xana i mixaxa kumbe makhokholo;

Tinhlayo 13:27

Va byela Muxe timhaka, va ku: “Hi yile etikweni leri u hi rhumeke eka rona; kunene i tiko leri pfelelaka hi ntswamba ni vulombe, mihandzu ya kona hi leyi.

Yohane 3:13

A ku na munhu la tshamaka a tlhandlukela etilweni, loko a nga ri la xikeke etilweni, a nga N'wana wa Munhu la nga etilweni.

Yohane 6:38

Hikuva ndzi xikile hi le tilweni, ku nga ri ku endla ku rhandza ka mina, kambe ku endla ku rhandza ka la ndzi rhumeke.

Duteronoma 1:25

Va teka emavokweni ya vona mihandzu ya tiko, va yi tisa eka hina, va hi ambela timhaka, va ku: ‘I tiko lerinene leri Yehovha Xikwembu xa hina, xi hi nyikeke rona.’

Duteronoma 1:7

Hundzukani, mi suka, mi ya nghena entshaveni ya Vaamori ni ka hinkwavo lava akeke kona, mi ya enkoveni, ni le ntshaveni, ni le rivaleni, leri nga ehansi, ni le dzongeni, ni le ribuwini ra lwandle, etikweni ra Vakanana, na Lebanoni, ku ya fika enambyeni lowukulu, enambyeni wa Yufrata.

Duteronoma 27:3

kutani u tsala ehenhla ka wona marito hinkwawo ya nawu lowu, loko u perile ku nghena emisaveni leyi Yehovha, Xikwembu xa wena, a ku nyikaka yona, tiko leri khulukaka ntswamba ni vulombe, hilaha Yehovha, Xikwembu xa vatata wa wena, a ku byeleke hakona.

Duteronoma 28:11

Yehovha u ta ku andzisela rifuwo hi mihandzu ya khwiri ra wena, ni mihandzu ya swifuwo swa wena, ni mihandzu ya misava ya wena emisaveni leyi Yehovha a hlambanyeleke vatata wa wena ku ku nyika yona.

Duteronoma 6:3

“Oho Israele! U ta swi yingisa, u ta chivirikela ku swi endla leswaku u tsaka, kutani mi ta andza ngopfu etikweni leri kulukeke hi ntswamba ni vulombe, hilaha Yehovha, Xikwembu xa vatata wa wena, a ku byeleke hakona.

Duteronoma 7:1

“Kutakuloko Yehovha, Xikwembu xa wena, a ku nghenisile etikweni leri u yaka eka rona ku ri fuma, ni loko xi hlongorile emahlweni ka wena matiko layo tala, va nga Vahiti, ni Vagirigaxi, ni Vaamori, ni Vakanana, ni Vaperesi, ni Vahivhi, ni Vayebusi, ma nga matiko lama ku tlulaka hi ku tala ni matimba,

Yoxuwa 5:6

Hikuva hi malembe ya 40, vana va Israele a va famba emananga, tiko hinkwaro ri ko ri herisiwa, va ri vavanuna lava hlomaka, lava humeke eEgipta, lava nga yingisangiki rito ra Yehovha; hikwalaho, Yehovha u va hlambanyele leswaku va nga ka va nga voni tiko leri Yehovha a hlambanyeleke vatata wa vona ku hi nyika rona, ri nga tiko leri khulukelaka hi ntswamba ni vulombe.

Yoxuwa 9:1

Kuteloko tihosi hinkwato leti nga haleno ka Yordani entshaveni, ni le tikweni leri nga ehansi ni le ribuwini hinkwaro ra Lwandle Lerikulu, laha ku langutaneke na Lebanoni, Vahiti, ni Vaamori, ni Vakanana, ni Vaperesi, ni Vahivhi, ni Vayebusi, loko va twile timhaka teto,

Yoxuwa 9:7

Kutani vanhu va Israele va ku eka Vahivhi lava: “Swimbe mi akile exikarhi ka hina, xana hi nga endlisa ku yini xinakulobye na n'wina xana?”