Eksoda 3:7 - Xitsonga (Bibele)

⁷ Kutani Yehovha a ku: “Ndzi vonisisile ku xaniseka ka tiko ra mina eEgipta, ndzi yingisile ku rila ka vona hikwalaho ka lava va va xanisaka; hikuva ndzi tiva nhlomulo wa vona;

BIBELE Mahungu Lamanene

⁷ Kutani HOSI yi ku: “Ndzi vonile hilaha vanhu va mina lava nga tikweni ra Egipta va xanisiwaka hakona; ndzi twile ni swirilo swa vona hikwalaho ka vafambisi va mintirho, ndzi twisisa ku xaniseka loku va nga na kona.

Eksoda 3:7 Iomraidhean Croise

Genesa 16:11

Ntsumi ya Yehovha yi tlhela yi ku eka yena: “Waswivo, u ni nyimba, kutani u ta veleka n'wana wa wanuna; u ta n'wi thya vito ra Iximaele (Xikwembu xa yingisa), hikuva Yehovha u twile ku vaviseka ka wena.

Genesa 18:21

ndzi ta rhelela ndzi ya vona xana va endlile kunene hilaha huwa yi ndzi fikeleke hakona: loko swi nga ri tano, ndzi ta swi tiva.”

Genesa 21:17

Kambe Xikwembu xi twa rito ra wandzisanyana, kutani ntsumi ya Xikwembu yi vitana Hagara yi ri etilweni, yi ku: “U na yini, Hagara? U nga chavi, hikuva Xikwembu xi twile rito ra wandzisanyana laha a nga kona.

Genesa 29:32

Leya a tika nyimba, a veleka n'wana wa wanuna, a n'wi thya vito ra Rhuveni (vonani n'wana), hikuva a a ku: “Yehovha u vone ku soriwa ka mina, kambe sweswi nuna wa mina u ta ndzi rhandza.”

Genesa 31:12

Kutani yi ku: ‘Tlakusa mahlo u languta: swiphongo hinkwaswo leswi khandziyaka tinyimpfu swi ni mavalavala ni mavala ni mindzhati; hikuva ndzi vonile hinkwaswo leswi Labani a ku endlelaka swona.

Genesa 31:42

Xikwembu xa tatana, Xikwembu xa Abrahama, lexi Isaka a xi chavaka, loko ngi xi nga ndzi lwelanga, i ngi u ndzi tlherisele hakunene ndzi nga ri na nchumu. Kambe Xikwembu xi vonile ku soriwa ka mina, ni ku xaniseka ka mavoko ya mina, kutani matolo xi avanyisile.”

2 SAMIELE 22:28

U ponisa vanhu lava nga ekhombyeni, Kambe u tsongahata mahlo lama tlakukeke.

2 TIHOSI 13:4

Kutani Yowahazi a khongela Yehovha, Yehovha a n'wi yingisa, hikuva a a vonile ku xaniseka ka Vaisraele hilaha hosi ya Siriya yi va xaniseke hakona.

2 TIHOSI 20:5

“Tlhela ka Hezekiya, mufambisi wa tiko ra mina, u ku eka yena: Yehovha, Xikwembu xa Davhida, tata wa wena, xi ku: ‘Ndzi yingisile xikhongelo xa wena, ndzi vonile mihloti ya wena, ndzi ta ku hanyisa. Siku ra vunharhu u ta tlhandlukela endlwini ya Yehovha.

Nehemiya 9:9

“U vonile mahlomulo ya vatata wa hina loko va ri Egipta, u twile ku huwelela ka vona, loko va ri ekusuhi ni Lwandle ro Tshwuka,

Pisalema 106:44

Hambiswiritano a va languta loko va ri eku xanisekeni, A yingisa swirilo swa vona.

Pisalema 12:6

Marito ya Yehovha i marito layo tenga; I ntsopfu lowu basisiweke entshengelweni, Lowu nyukisiweke kantlhanu na kambirhi.

Pisalema 142:3

Loko moya wa mina wu ri ni gome endzeni ka mina, Wena wa yi tiva ndlela ya mina. Va ndzi rhiyile hi ntlhamu endleleni leyi ndzi fambaka ka yona.

Pisalema 145:19

U nyika lava n'wi chavaka leswi va swi rhandzaka, U yingisa swirilo swa vona, kutani wa va kutsula.

Pisalema 22:24

Hikuva a nga solanga ni ku nyenya la nga enhlomulweni, A nga n'wi fihlelangi mombo wa yena; Kambe u n'wi yingisile loko a huwelele eka yena.”

Pisalema 34:4

Ndzi lavile Yehovha, kutani u ndzi hlamurile; A ndzi kutsula eku chaveni hinkwako ka mina.

Pisalema 34:6

Munhu loyi wa nhlomulo u khongerile, kutani Yehovha u n'wi yingisile, A va a n'wi ponisa enhlomulweni wa yena hinkwawo.

Pisalema 35:22

U swi vonile, Yehovha, u nga tshuki u miyela! U nga yimi ekule na mina, we Hosi!

Pisalema 9:14

Leswaku ndzi twarisa tinsimu ta wena hinkwato, Etinyangweni ta wanhwanyana wa Siyoni, Kutani ndzi ta tsakela ku hlayiseka ka wena.

Eksoda 1:11

Kutani ku vekiwa valanguteri ehenhla ka vona va ta va karhata hi mitirho yo vavisa. Hi mukhuva wolowo va akela Faro miti ya switlati ya Pitomu na Ramsese.

Eksoda 1:8

Kambe ku humelela eEgipta hosi leyintshwa, leyi nga tivangiki Yosefa.

Eksoda 22:23

Loko u va xanisa, kutani va ndzi khongela, ndzi ta va yingisa kunene, kutani ndzi ta kariha, ndzi mi dlaya hi tlhari;

Eksoda 33:13

Sweswi, loko kunene ndzi vonile tintswalo ta wena, ndzi kombise tindlela ta wena, ndzi ta ku tiva, ndzi vona tintswalo ta wena! Kambe anakanya leswaku tiko leri i tiko ra wena.”

Eksoda 5:10

Kutani valanguteri va tiko ni vafambisi va rona va byela tiko, va ku: “Faro u te: ‘A ndzi nga ha mi nyiki byanyi;

Eksoda 5:6

Hi siku lero Faro a lerisa valanguteri va tiko ni vafambisi va rona, a ku:

Esaya 63:9

Eku karhatekeni ka vona, a a karhateka na yena, kutani ntsumi ya mombo wa yena yi va ponisile. Erirhandzwini ra yena ni le vuneneni bya yena, u va kutsurile a ri yena, u va seketerile, u va tlakurile emasikwini hinkwawo ya khale.

Tinhlayo 20:16

Hi huwelele eka Yehovha, kutani u yingisile rito ra hina, a rhumile ntsumi, a hi humesa eEgipta. Sweswi hi le Kadexe, muti lowu nga endzilakaneni wa tiko ra wena.

Timhaka 7:34

Ndzi vonisisile ku xaniseka ka tiko ra mina eEgipta, ni ku vovola ka vona, ndzi ku twile, kutani ndzi xikile ku va ponisa; tana sweswi, ndzi ta ku rhuma eEgipta.’

Vaheveru 4:15

Hikuva muprista lonkulu, loyi hi nga na yena, a hi loyi a nga tsandzekaka ku hi twela vusiwana emikarhalweni ya hina, kambe hi loyi a ringiweke ematlhelweni hinkwawo, a kotisa hina, kambe a nga vanga na xidyoho.

1 SAMIELE 9:16

“Mundzuku, enkarhini wolowo, ndzi ta ku rhumela munhu wa tiko ra Benjamini, u ta n'wi chela hi mafurha leswaku a va mufambisi wa tiko ra mina ra Israele, kutani u ta ponisa tiko ra mina emavokweni ya Vafilista; hikuva ku huwelela ka rona ku fikile eka mina.”