Eksoda 3:2 - Xitsonga (Bibele)

² Ntsumi ya Yehovha yi humelela eka yena emalangavini ya ndzilo, exikarhi ka xihlahla; kuteloko Muxe a langutile, a vona xihlahla xi pfurha hi ndzilo, kambe xihlahla xi nga heli.

BIBELE Mahungu Lamanene

² Kutani ntsumi ya HOSI Xikwembu yi tikomba eka yena yi ri exihlahleni, yi fana ni langavi ra ndzilo. Loko Muxe a xiyisisa, a vona leswaku xihlahla xa vuvumela, kambe a xi tshwi.

Eksoda 3:2 Iomraidhean Croise

Genesa 21:17

Kambe Xikwembu xi twa rito ra wandzisanyana, kutani ntsumi ya Xikwembu yi vitana Hagara yi ri etilweni, yi ku: “U na yini, Hagara? U nga chavi, hikuva Xikwembu xi twile rito ra wandzisanyana laha a nga kona.

Genesa 22:11

Kavaloko ntsumi ya Yehovha yi n'wi vitana yi ri etilweni, yi ku: “Abrahama, Abrahama!” Yena a ku: “Hi mina loyi!”

Genesa 48:16

ni ntsumi leyi nga ndzi lamula eku biheni hinkwako, a xi katekise varisanyana lavo; a va thyiwe vito ra mina, ni mavito ya vakokwana Abrahama na Isaka, va andza ngopfungopfu laha emisaveni.”

Pisalema 66:12

U khandziyisile vanhu etinhlokweni ta hina; Hi hundzile exikarhi ka ndzilo ni mati. Kambe u hi humesile erivaleni ni le ndzalweni.

Eksoda 19:18

Kutani ntshava ya Sinayi a yi mbuluka musi hi matlhelo hinkwawo, hikuva Yehovha a a xikile ka yona a ri endzilweni; musi wa yona wu mbulukele henhla kukota musi wa xitiko; kutani ntshava hinkwayo a yi tsekatseka ngopfu.

Eksoda 23:20

“Waswivo, ndzi rhuma ntsumi emahlweni ka wena, yi ta ku hlayisa endleleni yi ku nghenisa etikweni leri ndzi ri lunghiseke.

Eksoda 24:17

Kutani xikombiso xa ku kwetsima ka Yehovha enhlohlorhini ya ntshava emahlweni ya vana va Israele a xi fana ni ndzilo lowu dlayaka.

Eksoda 3:16

Famba, u ya hlengeleta vakulukumba va Israele, u ku eka vona: ‘Yehovha, Xikwembu xa vatata wa n'wina, Xikwembu xa Abrahama, ni xa Isaka, ni xa Yakobo, xi tikombisile eka mina,’ xi ku: ‘Ndzi mi kambile kunene; ndzi vonile leswi mi endliwaka swona eEgipta,’

Esaya 43:2

Loko u pela mati, ndzi ta va na wena, ni milambu yi nga ka yi nga ku nwerisi. Loko u famba endzilweni u nga ka u nga tshwi, ni langavi ri nga ka ri nga ku hisi.

Esaya 63:9

Eku karhatekeni ka vona, a a karhateka na yena, kutani ntsumi ya mombo wa yena yi va ponisile. Erirhandzwini ra yena ni le vuneneni bya yena, u va kutsurile a ri yena, u va seketerile, u va tlakurile emasikwini hinkwawo ya khale.

Daniele 3:27

Kutani masatrapi, ni valanguteri, ni tindhuna, ni vatsundzuxi va hosi va hlengeletana; kuteloko va langutisisa vanhu lava, va vona leswaku ndzilo a wu vanga na matimba emirini wa vona ni switsongo, ni leswaku nsisi, hambi wu ri wun'we wa tinhloko ta vona, a wu vavukanga, ni loko yi ri mikhancu ya vona a yi hundzukanga ni leswaku risema ra ndzilo a ku ri hava eka yona.

Zakariya 13:7

“Wena, fumu, pfukela murisi wa mina, a nga wanuna la nga nakulobye,” ku vula Yehovha wa tinyimpi. “Bana murisi, tinyimpfu ti ta hangalaka! Kutani ndzi ta vuyisa voko ra mina ehenhla ka lavatsongo.

Malakiya 3:1

Vonani, ndzi ta rhuma ntsumi ya mina, yi ta lunghisa ndlela emahlweni ka mina; kutani xikan'we, Hosi leyi mi yi lavaka yi ta nghena etempeleni ya yona, yi nga ntsumi ya ntwanano lowu mi wu navelaka. Vonani, wa ta, ku vula Yehovha wa mavandla.

Marka 12:26

Loko va ri vafi, ni leswi va nga ta pfuka, xana a mi hlayanga ebukwini ya Muxe, hilaha Xikwembu xi nga vulavula na yena exihlahleni, xi ku: ‘Hi mina Xikwembu xa Abrahama, Xikwembu xa Isaka, Xikwembu xa Yakobo’?

Luka 20:37

Loko ku ri ku pfuka ka vafi, Muxe na yena u ku kombisile siku leri a nga ekusuhi ni xihlahla, loko a vula Hosi, Xikwembu xa Abrahama, ni Xikwembu xa Isaka, ni Xikwembu xa Yakobo.

Yohane 1:14

Kutani Rito ri endliwile nyama, ri akile exikarhi ka hina, kambe hi hlalele ku vangama ka rona, ku nga ku vangama ka N'wana la nga swakwe, la humaka eka Tatana, a tele tintswalo ni vunene.

Varhoma 8:3

Hikuva leswi ngi swi tsandza nawu hikwalaho ka nyama, Xikwembu xi swi endlile, xi avanyisile vudyoho enyameni, loko xi rhumile N'wana wa xona enyameni leyi fanaka ni ya vadyohi, hikwalaho ka vudyoho;

Duteronoma 33:16

Ni mihandzu yo nandziha ya misava, ni ya ndzalo ya yona. Tintswalo ta Loyi a humeleleke exihlahleni A ti tshame enhlokweni ya Yosefa, Emombyeni wa hosi ya vamakwavo!

Duteronoma 4:20

Kambe loko mi ri n'wina, Yehovha u mi tekile, a va a mi humesa efulweni ra Egipta, leswaku mi va tiko ra yena hi xiviri, hilaha mi swi vonaka hakona namuntlha.

2 Vatesalonika 1:7

siku Hosi Yesu a vonakalaka, a huma etilweni ni tintsumi ta yena leta matimba,

Vaavanyisi 13:13

Ntsumi ya Yehovha yi ku eka Manowaka: “Wansati a a titsone hinkwaswo leswi ndzi swi vuleke.