Eksoda 3:19 - Xitsonga (Bibele)

¹⁹ Kambe ndza swi tiva leswaku hosi ya Egipta yi nga ka yi nga mi pfumeleri ku famba, hambi mi nga endla hi matimba.

BIBELE Mahungu Lamanene

¹⁹ Kambe ndza swi tiva leswaku, handle ka loko yi nga lo sindzisiwa hi voko ra matimba, hosi ya Egipta yi nga ka yi nga mi tshiki mi famba.

Eksoda 3:19 Iomraidhean Croise

Eksoda 10:20

Kambe Yehovha a nonon'hwisa mbilu ya Faro, kutani Faro a nga tshunxanga vana va Israele.

Eksoda 11:10

Muxe na Aroni va endlile masingita hinkwawo emahlweni ka Faro. Kambe Yehovha a nonon'hwisile mbilu ya Faro, kutani a nga tshunxanga vana va Israele, leswaku va huma etikweni ra yena.

Eksoda 11:9

Yehovha a engeta a ku eka Muxe: “Faro a nga ka a nga mi yingisi, leswaku masingita ya mina ma andzisiwa etikweni ra Egipta.”

Eksoda 13:15

kuteloko Faro a arile ku hi tshunxa, Yehovha u dlayile mativula hinkwawo ya tiko ra Egipta, ku sungula hi mativula ya vanhu ku fikela eka mativula ya swifuwo; hikwalaho ndzi tlhavelaka Yehovha mativula hinkwawo ya matsune, kutani vana va mina hinkwavo va mativula, ndza va kutsula.’

Eksoda 4:21

Kambe Yehovha a ku eka Muxe: “Eku tlheleleni ka wena eEgipta, vona masingita hinkwawo lawa ndzi vekeke wona emavokweni ya wena u ta ma endla emahlweni ka Faro; kambe mina ndzi ta nonon'hwisa mbilu ya yena leswaku a nga pfumeleli tiko ku famba.

Eksoda 5:2

Kutani Faro a ku: “Yehovha i mani leswaku ndzi yingisa rito ra yena, ndzi tshika Israele a famba? Yehovha a ndzi n'wi tivi, na Israele ndzi nga ka ndzi nga n'wi tshiki a famba.”

Eksoda 6:1

Kutani Yehovha a ku eka Muxe: “Sweswi, u ta vona leswi ndzi nga ta swi endla eka Faro; hikuva hi voko ra matimba u ta va tshika va famba; hi voko ra matimba u ta va hlongola etikweni ra yena.”

Eksoda 8:28

Kutani Faro a ku: “Ndzi ta mi tshunxa mi ya gandzela Yehovha, Xikwembu xa n'wina emananga, kambe mi nga tshuki mi ya ekule; ndzi khongeleleni.”

Eksoda 9:35

Mbilu ya Faro yi nonon'hwa, a ala ku tshunxa vana va Israele, hilaha Yehovha a nga vula hi nomu wa Muxe.

Eksoda 9:7

Faro a vutisa leswi humeleleke, kutani a ku nga fanga ni xifuwo xin'we emitlhambini ya vana va Israele. Kambe mbilu ya Faro yi nonon'hwa, kutani a nga tshunxangi tiko.