Eksoda 3:15 - Xitsonga (Bibele)

¹⁵ Xikwembu xi engeta xi ku eka Muxe: “U ta va byela, u ku: ‘Yehovha, Xikwembu xa vatata wa n'wina, Xikwembu xa Abrahama, Xikwembu xa Isaka, Xikwembu xa Yakobo, xi ndzi rhumile eka n'wina.’ Hi rona vito ra mina hilaha ku nga heriki; hi xona xitsundzuxo xa mina etinxakeni ta tinxaka.

BIBELE Mahungu Lamanene

¹⁵ Xikwembu xi tlhela xi ku ka Muxe: “U ta byela vanhu va Israele, u ku: ‘HOSI, Xikwembu xa vatata wa n'wina, xi nga Xikwembu xa Abrahama, na Isaka, na Yakobo, xi ndzi rhumile eka n'wina.’ Leri hi rona vito ra mina hilaha ku nga heriki, kutani ndzi ta vitaniwa hi rona eka hinkwavo lava nga ta velekiwa.

Eksoda 3:15 Iomraidhean Croise

Genesa 24:12

Kutani a ku: “Yehovha Xikwembu xa n'wini wanga, Abrahama, ndzi hlanganise namuntlha ni loyi ndzi n'wi lavaka, u endla hi tintswalo eka n'wini wa mina, Abrahama.

1 TIKRONIKA 16:16

Ni ntwanano lowu a wu endleke na Abrahama, Ni lowu a wu hlambanyeleke Isaka;

1 TIKRONIKA 29:18

Oho! Yehovha, Xikwembu xa vatata wa hina, Abrahama, na Isaka, na Israele! Hlayisa hi masiku etimbilwini ta tiko ra wena, ku rhandza loku ka miehleketo ya vona, u tiyisa timbilu ta vona eka wena.

2 TIKRONIKA 28:9

Muprofeta wa Yehovha a a ri kona, vito ra yena a a ri Odede, a huma ku ya hlangana ni nyimpi leyi tlhelaka eSamariya, a ku eka vona: “Maswivo, Yehovha, Xikwembu xa va tata wa n'wina, u karihele va Yuda, u va nyiketile emavokweni ya n'wina, mi va dlayile hi vukari, kutani mhaka leyi, yi fikile etilweni.

Pisalema 102:12

Kambe wena Yehovha, u tshama hi laha ku nga heriki, Ni ku tsundzukiwa ka wena etinxakeni ta tinxaka.

Pisalema 102:13

U ta pfuka, u tsetselela Siyoni, Hikuva hi wona nkarhi wa ku n'wi tsetselela; Nkarhi lowu vekiweke, wu fikile.

Pisalema 135:13

Yehovha! Vito ra wena ri tshama hi laha ku nga heriki, Yehovha! Wa tsundzukiwa etinxakeni ta tinxaka.

Pisalema 30:4

Yimbelelani Yehovha, n'wina lava n'wi rhandzaka, Mi dzunisa vito ra yena leri kwetsimaka, mi ri tsundzuka.

Pisalema 30:5

Hikuva vukari bya yena i bya nkarhinyana ntsena, Kambe tintswalo ta yena, i ta vutomi hinkwabyo; Swirilo swi nga hambukela eka munhu nimadyambu, Kambe nimixo i ku tsaka.

Pisalema 68:5

Tatana wa swisiwana ni muyimeri wa tinoni, Hi lexi Xikwembu xi nga xona endlwini leyo kwetsima ya xona.

Pisalema 72:17

Vito ra yona ri ta tshama hi laha ku nga heriki, Vito ra yona ri ta va kona hi laha dyambu ri nga ta va kona. Vanhu va ta katekisana ha yona, Matiko hinkwawo ma ta yi vula la katekeke.

Pisalema 72:19

A ku khensiwe vito ra yena ra ku kwetsima! Misava hinkwayo a yi tatiwe hi ku twala ka yena. Amen! Ina! Amen!

Eksoda 15:2

Yehovha i matimba ya mina, ni risimu ra mina; Hi yena Mukutsuri wa mina. Hi xona Xikwembu xanga; ndzi ta xi dzunisa; I Xikwembu xa tatana, ndzi ta xi twarisa.

Eksoda 15:3

Yehovha i nhenha ya matimba, Vito ra yena i Yehovha.

Eksoda 3:13

Kutani Muxe a ku eka Xikwembu: “Waswivo, loko ndzi ta famba eka vana va Israele, ndzi va byela, ndzi ku: ‘Xikwembu xa vatata wa n'wina xi ndzi rhumile eka n'wina,’ vona va ku eka mina: ‘Vito ra xona i mani?’ ndzi ta ku yini eka vona?”

Eksoda 3:6

Xi engeta xi ku: “Hi mina Xikwembu xa tata wa wena, Xikwembu xa Abrahama, ni Xikwembu xa Isaka, ni Xikwembu xa Yakobo.” Kavaloko Muxe a funengeta mombo wa yena, hikuva a a chava ku languta Xikwembu.

Eksoda 4:1

Kutani Muxe a hlamula a ku: “Kambe va nga ka va nga pfumeri, va nga ka va nga yingisi rito ra mina, hikuva va ta ku: ‘Yehovha a nga tikombisangi eka wena.’ ”

Eksoda 4:5

“U ta endlisa sweswo va ko va pfumela leswaku Xikwembu xa vatata wa vona, Xikwembu xa Abrahama, Xikwembu xa Isaka, Xikwembu xa Yakobo, xi tikombisile eka wena.”

Eksoda 6:2

Xikwembu xi engeta xi vulavula na Muxe, xi ku eka yena: “Hi mina Yehovha.

Swivuriso 18:10

Vito ra Yehovha i khokholo ro tiya, La lulameke u chavela eka rona, u tshama eku tlakukeni.

Esaya 26:8

Oho Yehovha! Hi ku languterile hakona endleleni ya ku avanyisa ka wena; hi navela vito ra wena, ni ku anakanya ka wena hi mimoya hinkwayo ya hina.

Esaya 42:8

Hi mina Yehovha, hi rona vito ra mina, ndzi nga ka ndzi nga nyiki un'wana ku vonakala ka mina, ni swifaniso ku vongiwa ka mina.

Esaya 63:12

la nga fambisa voko ra xinene ra Muxe hi voko ra yena lero kwetsima; la nga avanyisa mati emahlweni ka vona, ku tiendlela vito leri nga heriki,

Esaya 9:6

Hikuva hi velekeriwe n'wana, hi nyikiwe n'wana wa wandzisanyana, vuhosi byi vekiwile ekhatleni ra yena. U ta thyiwa Muhlamarisi, Mutsundzuxi, Xikwembu xa matimba, Tatana la nga riki na ku hela, Hosi ya ku rhula;

Yeremiya 33:2

“Ku vula Yehovha la nga ta endla swoleswo, Yehovha la swi lunghisaka leswaku a swi tirha, loyi Yehovha ri nga vito ra yena.

Daniele 2:23

Hi wena, Xikwembu xa vatata wa mina, loyi ndzi ku vongaka, ndzi ku dzunisaka hikuva u ndzi nyikile vutlhari ni matimba, u vuya u ndzi kombisa leswi hi swi kombeleke eka wena; hikuva u hi kombisile mhaka ya hosi.”

Hosiya 12:5

A lwa ni ntsumi, a va a yi hlula, a ri karhi a rila, a yi khongela. A yi kuma eBetele, kutani kona yi vulavula na hina.

Hosiya 12:6

Yehovha i Xikwembu xa tinyimpi, Yehovha hi rona vito ra yena.

Levhitika 24:11

Kavaloko n'wana wa wansati wa Israele a sandza ni ku rhuketela vito ra Xikwembu; kutani va n'wi tisa eka Muxe. Vito ra mana wa yena a a ri Xelomiti, n'wana Dibri, wa nyimba ya Dani.

Mikiya 4:5

Vamatiko hinkwawo va famba un'wana ni un'wana hi vito ra xikwembu xa yena, kambe hina, hi famba hi vito ra Yehovha, Xikwembu xa hina, hi mikarhi ni mikarhi.

Malakiya 3:6

“Hikuva mina Yehovha a ndzi hundzukanga, hikwalaho n'wina, vana va Yakobo mi nga ka mi nga herisiwi.

Matewu 22:32

‘Hi mina Xikwembu xa Abrahama, ni Xikwembu xa Isaka, ni Xikwembu xa Yakobo’? Xikwembu a hi Xikwembu xa lava feke, kambe i xa lava hanyaka.”

Timhaka 3:13

Xikwembu xa Abrahama, ni xa Isaka, ni xa Yakobo, Xikwembu xa vatata wa hina, xi dzunisile nandza wa xona, Yesu loyi mi n'wi nyiketeke Pilato, mi n'wi landzula emahlweni ka yena, kasi yena a a n'wi avanyisela ku n'wi tshunxa.

Timhaka 7:32

‘Hi mina Xikwembu xa vatata wa wena, Xikwembu xa Abrahama, ni xa Isaka, ni xa Yakobo.’ Kutani Muxe a khomiwa hi ku rhurhumela, a chava ni ku languta.

Duteronoma 1:11

Yehovha Xikwembu xa n'wina a xi mi andzise kambe ka khume ra madzana, a xi mi katekise hi laha xi mi byeleke hakona!

Duteronoma 1:35

‘Ku nga ka ku nga vi na munhu wa rixaka leri biheke leri la nga ta vona tiko lerinene, leri ndzi hlambanyeke ku ri nyika vatata wa vona, loko a nga ri Kalebe n'wana Yefune!

Duteronoma 4:1

“Sweswi, Israele, yingisa milawu ni ku lerisa leswi ndzi mi dyondzisaka ku swi endla leswaku mi hanya, kutani mi ta nghena, mi va mi fuma tiko leri Yehovha, Xikwembu xa vatata wa n'wina, xi mi nyikaka rona.

Vaheveru 11:16

Kambe sweswi, va navela tiko ra rikwavo leri tlurisaka hi ku saseka, eka rikwavo ka le tilweni; hikwalaho Xikwembu xi nga riki na tingana hikwalaho ka vona, ni ku tivula Xikwembu xa vona, hikuva xi va lunghiserile muti.

Vaheveru 13:8

Yesu Kriste i un'we, hambi tolo, hambi namuntlha, ni hilaha ku nga heriki.