Eksoda 27:9 - Xitsonga (Bibele)

⁹ “Kutani u ta endla xivava xa Yindlu. Tlhelo ra dzonga u ta xi endlela tinguvu ta ntsembyana lowo saseka leti nembelelaka, ku leha ka tinguvu leti, swi ta va swisungunhu swa dzana tlhelo rin'wana.

BIBELE Mahungu Lamanene

⁹ “Mi ta biyela Ntsonga hi xivava. Hi tlhelo ra dzonga, xivava lexi xi ta va ni swisirhelelo swa ntsembyani wo saseka lowu lukiweke; ku leha ka swona ku ta va 50 m.

Eksoda 27:9 Iomraidhean Croise

1 TIHOSI 6:36

Kutani a aka xivava xa le xikarhi hi tinxaxa tinharhu ta maribye lama vatliweke, ni rixaxa rin'we ra timhandze ta kedari.

1 TIHOSI 8:64

Hi siku rolero, hosi yi hlawula xivandla xa le xikarhi ka xivava lexi nga emahlweni ka Yindlu ya Yehovha, ku humesela kona tiholokosta ni mihlengo, ni mafurha ya magandzelo ya ku khensa, hikuva alitari ya koporo leyi nga emahlweni ka Yehovha a yi ri leyitsongo ku ringanisa tiholokosta, ni mihlengo, ni mafurha ya magandzelo ya ku khensa.

2 TIKRONIKA 33:5

A akela vandla hinkwaro ra matilo tialitari eswivaveni leswimbirhi swa Yindlu ya Yehovha.

2 TIKRONIKA 4:9

Kutani a endla xivava xa vaprista, ni xivava lexikulu, ni timbanti ta swona; a nameka timbanti hi koporo.

Pisalema 100:4

Nghenani etinyangweni ta yena hi mikhenso, Ni le makupakupeni ya yena hi tinsimu; N'wi dzuniseni, mi vonga vito ra yena!

Pisalema 116:19

Erivaleni ra Yindlu ya yena. Exikarhi ka wena, Yerusalema! Dzunisani Yehovha!

Pisalema 84:10

Hikuva ku tshama siku rin'we endlwini ya wena, Swi tlula khume ra madzana kun'wana. Ndzi rhandza ku tshama erikupakupeni ra yindlu ya Xikwembu xanga, Ku tlula ku tshama emitsongeni ya lavo biha.

Pisalema 92:13

Loko va simekiwa endlwini ya Yehovha, Va hluka erikupakupeni ra Xikwembu xa hina,

Eksoda 27:10

Tlhelo rero ku ta endliwa ni timhandze ta makume mambirhi, ni switshamo swa tona swa koporo; timhingu ta timhandze ni swikhweketana swa tona swi ta va swa silivhere.

Eksoda 35:17

ni tinguvu ta xivava, ni timhandze ta tona, ni switshamo swa tona, ni nguvu leyi nga enyangweni ya huvo;

Eksoda 36:17

Va luka tingoti ta ntlhanu wa makume eku swonyeni ka nguvu yin'wana leyo rhanga, ni tingoti ta ntlhanu wa makume eku swonyeni ka nguvu yin'wana ya vumbirhi.

Eksoda 39:40

ni nkamba ni xitshamo xa wona, ni tinguvu ta xivava, ni timhandze ta tona, ni switshamo swa tona, ni nguvu ya nyangwa ya xivava, ni tingoti ta yona, ni timhingu ta yona ni swibya hinkwaswo swa ntirho wa yindlu, leyi nga tabernakela ya nhlengeletano.

Eksoda 40:33

Kutani a yimisa xivava lexi rhendzelekelaka tabernakela ni alitari, kutani a hayeka nguvu enyangweni ya xivava; hi sweswo Muxe a hetaka ntirho lowu.

Eksoda 40:8

U ta rhendzela hinkwako hi xivava u vamba nguvu enyangweni ya xivava.

Ezekiele 40:14

Kambe a hlayela timhandze swisungunhu swa ntlhanu wa makume na khume rin'we; ekusuhi ni timhandze, a ku ri ni rivala ri rhendzele nyangwa exikarhi hi matlhelo hinkwawo.

Ezekiele 40:17

Kutani a ndzi yisa exivaveni xa le handle, laha ingi ku ri ni makamara, ndzi vona ni maribye yo andlariwa, ma andlariwile erivaleni hi matlhelo hinkwawo; a ku ri ni makamara ya makume manharhu lama ngi ma xaxamerile ni maribye walawo.

Ezekiele 40:20

Loko yi ri nyangwa leyi langutaka tlhelo ra n'walungu eka xivava xa le handle, a pima ku leha ka yona ni ku anama ka yona.

Ezekiele 40:23

Erivaleni ra le xikarhi, na kona, a ku ri ni tinyangwa leti lavanaka ni nyangwa ya n'walungu ni ya vuxa, kutani a pima xivandla ku suka enyangweni yin'wana ku fika enyangweni yin'wana, swi ri swisungunhu swa dzana.

Ezekiele 40:28

Kutani a ndzi yisa erivaleni ra le xikarhi, hi nyangwa ya dzonga, a pima nyangwa ya dzonga yi ri mipimo yoleyo na yona.

Ezekiele 40:32

Kutani a ndzi yisa erivaleni ra le xikarhi, hitlhelo ra vuxa, a pima nyangwa yi ri ni mipimo yoleyo.

Ezekiele 40:44

Ehandle ka nyangwa ya le ndzeni a ku ri ni makamara ya vayimbeleri, erivaleni ra le xikarhi ku lavana ni nyangwa ya n'walungu, a ti languta tlhelo ra dzonga. Man'wana makamara a ma ri ekusuhi ni nyangwa ya le vuxeni, ma languta n'walungu.

Ezekiele 42:3

ku lavana ni swisungunhu swa makume mambirhi swa rivala ra le xikarhi, ni ku lavana ni maribye yo andlariwa ya rivala ra le handle; tinkupakupa ta kona a ti langutana, ti ri ta tinxaxa tinharhu.

Tinhlayo 3:26

ni tinguvu ta xivava, ni nguvu ya nyangwa ya xivava, lexi nga ekusuhi ni yindlu ni alitari, ematlhelweni hinkwawo, ni tingoti ta xona ta ntirho hinkwawo wa xona.

Tinhlayo 4:26

ni tinguvu ta xivava, ni nguvu ya nyangwa ya xivava lexi nga ekusuhi ni Yindlu ni alitari, ematlhelweni hinkwawo; ni tingoti ta tona, ni swibya hinkwaswo swa mitirho ya tona; va ta tirha mitirho hinkwayo ya xona.

Tinhlayo 4:32

ni timhandze ta xivava swa matlhelo hinkwawo ni switshamo swa tona ni timhingu ni tingoti, ni swilo hinkwaswo swa tona, ni mitirho hinkwayo ya tona; mi ta swi veka eka vona hi ku hlaya mavito ya swilo leswi va fanelaka ku swi hlayisa ni ku swi rhwala.