Eksoda 27:21 - Xitsonga (Bibele)

²¹ Aroni ni vana va yena va ta ti lunghisa eTabernakeleni, ehandle ka nguvu leyi nga emahlweni ka vumbhoni, leswaku ti voninga emahlweni ka Yehovha, ku sungula nimadyambu, ku fika nimixo. I ku lerisa loku nga heriki etinxakeni ta vana va Israele.”

BIBELE Mahungu Lamanene

²¹ Aroni ni vana va yena va ta veka rivoni leri eka Ntsonga lowo Hlawuleka, ehandle ka xisirhelelo lexi sirhelelaka Areka ya Ntwanano; ri ta tshama ri pfurha emahlweni ka mina HOSI ku sukela nimadyambu ri kondza ri xa. Nawu lowu wu fanele ku hlayisiwa hi Vaisraele ni vatukulu va vona hi minkarhi hinkwayo.”

Eksoda 27:21 Iomraidhean Croise

Genesa 1:5

Xikwembu xi thya ku vonakala nhlekanhi, ni munyama xi ku, i vusiku. Kutani ku va madyambu, ku va nimixo, ri va siku ro rhanga.

Genesa 1:8

Xikwembu xi thya mpfhuka tilo. Kutani ku va madyambu, ku va nimixo, ri va siku ra vumbirhi.

2 TIKRONIKA 13:11

Siku rin'wana ni rin'wana, nimixo ni madyambu, va hisela Yehovha tiholokosta ni mirhi ya risuna, va veka ni swinkwa swa xikombiso etafuleni leri tengeke va lumeka nimadyambu masiku hinkwawo mavoningo ya kandelari ya nsuku, hikuva hi hlayisa milawu ya Yehovha, Xikwembu xa hina, kambe n'wina mi n'wi tshikile.

Pisalema 134:1

Vonani, tlangelani Yehovha, n'wina hinkwenu malandza ya Yehovha, Lava yimaka nivusiku endlwini ya Yehovha!

Eksoda 12:14

Siku lero xi ta va xitsundzuxo xa n'wina; mi ta ri hlawula wu va nkhuvo wa Yehovha etinxakeni ta tinxaka: ku ve ku lerisa loku nga heriki.

Eksoda 16:34

Hilaha Yehovha a leriseke Muxe hakona, Aroni a yi veka emahlweni ka Vumbhoni leswaku yi hlayisiwa kona.

Eksoda 25:16

U ta veka earekeni Vumbhoni lebyi ndzi nga ta ku nyika byona.

Eksoda 28:43

Aroni ni vana va yena va ta ti ambala loko va nghena eTabernakeleni ya nhlengeletano ni loko va tshinela alitari ku ya tirha ntirho evukwetsimelweni va nga tshuki va kuma nandzu, leswaku va nga ti fa. I ku lerisa loku nga heriki, loku nyikiweke Aroni ni vatukulu va yena.”

Eksoda 29:28

swi ta va swa Aroni ni vana va yena hi ku lerisa loku nga heriki exikarhi ka vana va Israele, hikuva i ku nyika loku pamburiweke eka vana va Israele loku va nga ta ku pambulela emagandzelweni ya vona ya ku khensa; i ku nyika ka vona loku pambuleriweke Yehovha.

Eksoda 29:42

Ri ta va rona gandzelo ra masiku hinkwawo etinxakeni ta n'wina, leri tisiwaka enyangweni ya yindlu ya nhlengeletano emahlweni ka Yehovha, laha ndzi nga ta hlengeletana na n'wina ku vulavula na n'wina.

Eksoda 29:44

ndzi ta hlawula yindlu ya nhlengeletano ni alitari; ndzi ta hlawula Aroni ni vana va yena leswaku va ndzi tirhela entirhweni wa vuprista;

Eksoda 30:21

va ta hlamba mavoko ni milenge va nga ti fa. Ku ta va ku lerisa loku nga heriki ka Aroni ni vatukulu va yena etinxakeni ta vona.”

Eksoda 30:36

U ta swi sila, kutani u swi veka emahlweni ka vumbhoni, endlwini ya nhlengeletano laha ndzi nga ta hlengeletana na wena kona. Xi ta va eka n'wina xilo lexi hlawuriweke ngopfu.

Eksoda 30:8

nimadyambu, kakuloko a lumeka timboningo, u ta hisa mirhi ya risuna; yi va mirhi ya risuna leyi nga heriki emahlweni ka Yehovha etinxakeni ta n'wina.

Eksoda 40:3

u nghenisa kona areka ya vumbhoni, u sirhela areka hi nguvu,

Levhitika 10:9

“Mi nga tshuki mi nwa vhinyo ni byalwa, hambi u ri wena, hambi va ri vana va wena, loko mi ta nghena etabernakeleni ya nhlengeletano, mi nga ta fa; i nawu lowu nga heriki etinxakeni hinkwato,

Levhitika 16:34

Leswi swi ta va ka n'wina ku lerisa loku nga heriki, hileswaku kan'we hi lembe, vana va Israele va ta phahleriwa mhamba, leswaku va rhuliwa swidyoho hinkwaswo swa vona.” Ku endliwa hilaha Yehovha a leriseke Muxe hakona.

Levhitika 17:7

Va nga ha humesi magandzelo ya vona eka swikwembu leswi va oswanaka na swona. Wu va eka vona nawu lowu nga heriki etinxakeni ta tinxaka.’

Levhitika 23:14

Mi nga tshuki mi dya vuswa, hambi ti ri tindzhoho leti oxiweke, kumbe leti siriweke, ku ko ku fika siku rolero mi tisaka nhlengo wa Xikwembu xa n'wina; i ku lerisa loku nga heriki etinxakeni ta n'wina ematikweni hinkwawo laha mi nga ta aka kona.

Levhitika 23:21

Hi siku rolero mi ta tivisa nkhuvo, kutani mi ta va ni nhlengeletano leyi hlawuriweke; mi nga tshuki mi tirha ntirho ni wun'we lowo tika. I ku lerisa loku nga heriki ka vatukulu va n'wina, ematikweni hinkwawo lawa mi nga ta aka eka wona.

Levhitika 24:2

“Lerisa vana va Israele va ku tisela mafurha yo saseka ya mitlhwari leyi khuvutiweke, leswaku ma cheriwa hi masiku hinkwawo emavoningweni ya kandelari.

Levhitika 24:3

Aroni a ta yi lunghisa ehandle ka xisirhelo xa vumbhoni, etabernakeleni ya nhlengeletano; ya ta pfurha emahlweni ka Yehovha hi masiku hinkwawo, ku sungula nimadyambu, ku fika nimixo: I ku lerisa loku nga heriki ka vatukulu va n'wina.

Levhitika 24:9

Swi ta va swa Aroni ni vana va yena, va ta swi dya exivandleni lexo hlawuleka hikuva i xilo lexi hlawulekeke ngopfu eka vona, lexi pamburiweke emihlengweni leyi humeseriwaka Yehovha hi ndzilo. I ku lerisa loku nga heriki.”

Levhitika 3:17

Hi ku lerisa loku nga heriki etinxakeni ta n'wina, hinkwako laha mi nga ta aka kona: mi nga tshuki mi dya mafurha, hambi yi ri ngati.’ ”

Levhitika 3:8

U ta tlhandleka voko ra yena enhlokweni ya xifuwo; va ta xi tlhava emahlweni ka tabernakela ya nhlengeletano, kutani vana va Aroni va ta halatela ngati ya xona ealitarini ematlhelweni hinkwawo.

Levhitika 6:15

Kutani va ta hunguta xandla xa mapa layo saseka ya nyiko, ni mafurha ya yona, ni mirhi ya risuna hinkwayo leyi engetelaka gandzelo kutani va ta swi hisa ealitarini swi va xitsundzuxo xa risuna lero nun'hwela eka Yehovha.

Levhitika 7:36

Yehovha u lerisile vana va Israele leswaku wa va nyika swona ku sungula siku leri va hlawuriwaka ha rona hi ku cheriwa mafurha enhlokweni. Hi kona ku averiwa loku nga heriki erixakeni ra vona.

Malakiya 2:7

Hikuva milomu ya muprista yi fanekela ku hlayisa ku tiva, nawu wu ta laviwa enon'wini wa yena, hikuva i ntsumi ya Yehovha wa mavandla.

Tinhlayo 18:23

Valevhi va ta tirha ntirho wa tabernakela ya nhlengeletano, kutani va ta rhwala milandzu ya vona. I ku lerisa loku nga heriki etinxakeni ta tinxaka; va nga ka va nga vi na ndzhaka exikarhi ka vana va Israele.

Tinhlayo 18:5

Mi ta hlayisa swibya swa vukwetsimelo ni swa alitari leswaku vukari byi nga ha vi kona ehenhla ka vana va Israele.

Tinhlayo 19:21

Ku ta va eka vona ku lerisa lo ku nga heriki. La nga xuva hi mati ya ku basisa, u ta hlantswa tinguvu ta yena; kutani la khumbeke mati ya ku basisa, u ta va la yilaka ku fika nimadyambu.

Tinhlayo 35:29

Wu ta va eka n'wina nawu wa leswi lulameke etinxakeni ta tinxaka, hinkwako laha mi nga ta aka kona.

Tinhlayo 8:9

U ta tshineta Valevhi emahlweni ka tabernakela ya nhlengeletano, kutani u ta vitana nhlengeletano hinkwayo ya vana va Israele.

Matewu 4:16

Tiko leri ngi ri tshame emunyameni, ri vonile ku vonakala lokukulu; volavo ingi va tshamile etikweni ra rifu ni le ndzhutini wa rona, ku vonakala ku va humelele.”

Luka 12:35

“A ku tsimbiwe swisuti swa n'wina, mavoningo ya n'wina a ma lumekiwe.

Yohane 5:35

Yohane a a ri rivoningo leri pfurhaka, leri voningaka; kutani n'wina mi rhandzile ku tsakela ku vonakala ka yena hi nkarhinyana.

2 Vakorinto 4:6

Hikuva Xikwembu lexi nga ku: “Ku vonakala a ku humelele emunyameni,” hi xona lexi tsuvukiseke etimbilwini ta hina ku vonakala, ni ku tiva ka ku kwetsima ka Xikwembu, emahlweni ka Kriste.

2 Petro 1:19

Kambe, na swona, hi ni timhaka ta vaprofeta leti tiyeke hi ku tlurisa, leti mi endlaka swona loko mi ti namarhela, kukotisa rivoni leri voningaka laha ku nga ni munyama, vurhonga byi kondza byi huma, kutani nyeleti ya mixo yi tsuvukela timbilu ta n'wina.

Nhlavutelo 2:1

“Tsalela ntsumi ya kereke ya Efesa, u ku: “ ‘Loyi a tamelaka tinyeleti ta ntlhanu na timbirhi evokweni ra yena ra xinene, la fambaka exikarhi ka tikandelari ta ntlhanu na timbirhi ta nsuku, u vulavula sweswo, u ri:

1 SAMIELE 3:3

rivoningo ra Xikwembu loko ri nga si timeka, na yena Samiele a a etlela endlwini ya Yehovha, laha areka ya Xikwembu ingi yi ri kona;

1 SAMIELE 30:25

Ku sungula siku leri, ni ku ya emahlweni, swi va tano, va swi endla xitoloveto ni nawu eIsraeleni ku fika namuntlha.