Eksoda 24:7 - Xitsonga (Bibele)

⁷ A teka ni buku ya ntwanano, a hlaya emahlweni ka tiko; kutani tiko ri ku: “Hinkwaswo leswi Yehovha a swi vuleke hi ta swi yingisa, hi va hi swi endla.”

BIBELE Mahungu Lamanene

⁷ Kutani a teka buku ya Ntwanano, a yi hlayela Vaisraele, kutani va ku: “Hinkwaswo leswi HOSI Xikwembu xi nga swi vula, hi ta swi endla; naswona hi ta yingisa.”

Eksoda 24:7 Iomraidhean Croise

1 TIHOSI 8:9

A ku nga ri na nchumu earekeni, loko ma nga ri maribye mambirhi ya swimphampha lawa Muxe a ma vekeke kona eHorebe, loko Yehovha a endla ntwanano ni vana va Israele loko va huma etikweni ra Egipta.

2 TIKRONIKA 15:14

Kutani va tiboha eka Yehovha hi ku hlambanya hi rito lerikulu, ni ku huwelela ka ku tsaka, ni ku pfuma ka tinanga ni ka timhalamhala.

Pisalema 50:5

Ndzi hlengeleteleni lava ndzi rhandzaka, Lava endleke ntwanano na mina hi magandzelo.

Pisalema 78:36

Kambe a va xi kanganyisa hi milomu ya vona, Va xi hembela hi tindzimi ta vona;

Eksoda 19:8

Kutani tiko hinkwaro ri hlamula swin'we ri ku: “Hinkwaswo leswi Yehovha a swi vuleke, hi ta swi endla.” Kutani Muxe a yisa marito hinkwawo ya tiko eka Yehovha.

Yeremiya 34:13

“Ku vula Yehovha Xikwembu xa Israele: A ndzi endlile ntwanano ni vatata wa n'wina, hi nkarhi lowu ndzi va humeseke etikweni ra Egipta, endlwini ya vukhumbi, ndzi ku:

Yeremiya 42:6

Hambi swi ri swo saseka, hambi swi bihile; hi ta yingisa rito ra Yehovha, Xikwembu xa hina, lexi hi ku rhumeleke eka xona, xi ta hi katekisa loko hi va hi yingisile rito ra Yehovha, Xikwembu xa hina.”

Ezekiele 16:8

Ndzi hundza ekusuhi na wena, ndzi ku vona; nkarhi wa wena a wu fikile, nkarhi wa rirhandzu, kutani ndzi tshandzavuta nkumba wa mina ehenhla ka wena, ndzi funengeta vusweti bya wena, ndzi ku hlambanyela, ndzi endla ntwanano na wena, ku vula Hosi Yehovha, kutani u va wa mina.

Malakiya 2:10

Xana a hi velekiwanga hinkwerhu hi tatana un'we? Xana a hi vumbiwanga hi Xikwembu xin'we xana? Hikwalaho ka yini hi kanganyisana un'wana ni un'wana ni makwavo, hi onhela yini ntwanano wa vatata wa hina xana?

Timhaka 13:15

Kuteloko ku hlayiwile mapapila ya nawu ni ya vaprofeta, tihosana ta sinagoga ti rhuma eka vona ti ku: “Vavanuna varikwerhu, loko ri ri kona eka n'wina rito ra ku khongotela vanhu, mi nga vulavula.”

Vakolosa 4:16

Kutakuloko epistola leyi, yi hlayiwile eka rikwenu, mi ta vona leswaku yi hlayiwa ni le kerekeni ya Lawodikiya, kambe na n'wina mi hlaya leyi nga ta ta hi le Lawodikiya.

1 Vatesalonika 5:27

Ndza mi khongela hi Hosi leswaku epistola leyi, yi hlayeriwa vamakwerhu hinkwavo.

Yoxuwa 24:24

Loko swi ri tano: “Susani swikwembu swa matiko man'wana, swa valuveri lava luveleke exikarhi ka n'wina, mi hundzuka hi timbilu ta n'wina eka Yehovha, Xikwembu xa Israele.” Kavaloko tiko ri ku eka Yoxuwa: “Hi ta tirhela Yehovha, Xikwembu xa hina, hi ta yingisa rito ra xona.”