Eksoda 24:12 - Xitsonga (Bibele)

¹² Kutani Yehovha a ku eka Muxe: “Tlhandlukela halenu entshaveni u yima kona, ndzi ta ku nyika maribye ya swimphampha lama nga ni milawu ni ku lerisa ka mina loku ndzi ku tsaleke ku va dyondzisa hakona.”

BIBELE Mahungu Lamanene

¹² Kutani HOSI Xikwembu xi ku ka Muxe: “Tlhandlukela haleno ka mina entshaveni, u fika u ndzi yimela; kutani ndzi ta ku nyika maribye ya swiphepherhele, lawa ndzi tsaleke nawu ni swileriso eka wona, eku letela Vaisraele ha swona.”

Eksoda 24:12 Iomraidhean Croise

1 TIHOSI 19:11

Yehovha a ku eka yena: “Huma u yima entshaveni emahlweni ka Yehovha.” Kutani maswivo, Yehovha a hundza; moya wa xidzedze wu handzula tintshava, wu faya maribye emahlweni ka Yehovha. Kambe Yehovha a a nga ri kona exidzedzeni. Endzhaku ka xidzedze ku va ni ku tsekatseka ka misava. Kambe Yehovha a a nga ri kona eku tsekatsekeni ka misava.

Ezra 7:10

Hikuva Ezra a a vekile mbilu ya yena ku lava milawu ya Yehovha, ni ku tirha ha yona, ni ku dyondzisa Vaisraele milawu, ni ku lerisa.

Nehemiya 9:13

U va u xikela entshaveni ya Sinayi, u vulavula na vona u ri ematilweni u va nyika ku avanyisa ematilweni, u va nyika ku avanyisa loko lulama ni milawu leyinene, ni ku lerisa, ni switsundzuxo leswo lulama.

Nehemiya 9:14

U va tivisile Savata ra wena leri kwetsimaka; u va vekele ku lerisa, ni switsundzuxo, ni milawu ha Muxe nandza wa wena;

Pisalema 19:12

I mani la tivaka ku hoxa ka yena xana? U ndzi khomela milandzu leyi ndzi yi rivaleke.

Eksoda 19:3

Kutani Muxe a tlhandlukela eka Xikwembu, Yehovha a n'wi vitana a ri entshaveni, a ku: “Vulavula ni yindlu ya Yakobo, u byela vana va Israele u ku:

Eksoda 24:15

Muxe a tlhandluka entshaveni, kutani papa ri funengeta ntshava.

Eksoda 24:18

Kutani Muxe a nghena epapeni, a khandziya entshaveni a tshama kona hi masiku ya mune wa makume, nhlekanhi ni vusiku.

Eksoda 24:2

Ku ta tshinela Muxe a le swakwe emahlweni ka Yehovha; van'wana va nga tshuki va tshinela; na rona tiko ri nga tshuki ri tlhandluka na yena.”

Eksoda 31:18

Kuteloko Yehovha a hetile ku vulavula na Muxe entshaveni ya Sinayi, a n'wi nyika maribye mambirhi ya vumbhoni lama tsariweke hi voko ra Xikwembu.

Eksoda 32:1

Kakuloko tiko ri vona leswaku Muxe a hlwela ku xika entshaveni, ri hlengeletana eka Aroni, ri ku eka yena: “Tana, u hi endlela swikwembu leswi hi rhangelaka emahlweni, hikuva loko a ri Muxe, wanuna loyi a hi humeseke etikweni ra Egipta, a hi tivi lexi n'wi humeleleke.”

Eksoda 34:1

Kutani Yehovha a ku eka Muxe: “Vatla maribye mambirhi lama fanaka ni lawo rhanga, kutani ndzi ta tsala emaribyeni lawa marito lama ngi ma ri emaribyeni yo sungula lawa u ma fayeke.

Yeremiya 31:33

Kambe hi lowo ntwanano lowu ndzi nga ta wu endla ni yindlu ya Israele endzhaku ka masiku lawa, ku vula Yehovha: Ndzi ta veka nawu wa mina exikarhi ka vona, ndzi wu tsala etimbilwini ta vona, ndzi va Xikwembu xa vona, vona va va tiko ra mina.

Matewu 5:19

Hikwalaho la tlulaka wun'wanyana wa milawu leyitsongo leyi, kutani a dyondzisa vanhu ku endlisa sweswo, u ta vuriwa lontsongo eku fumeni ka matilo. Kambe la hlayiseke nawu kutani a wu dyondzisa, u ta vuriwa lonkulu eku fumeni ka matilo.

2 Vakorinto 3:3

hikuva ma vonakisa leswaku mi mapapila ya Kriste, lama lunghisiweke hi Mitirho ya hina, lama tsariweke, ku nga ri hi inki, kambe hi Moya wa Xikwembu lexi hanyisaka, lama tsariweke ku nga ri ematambheni ya maribye, kambe ematambheni ya nyama, leti nga timbilu ta n'wina.

2 Vakorinto 3:7

Kambe loko mitirho ya rifu leyi tsariweke hi maletere lama vatliweke emaribyeni, yi ri ni ku vonakala lokukulu, hi mukhuva wolowo vana va Israele va tsandzekile ku languta Muxe, hikwalaho ka ku vangama ka mombo wa yena, kasi a ku ri ku vangama loku ngi ku ri ni ku hela,

Duteronoma 4:14

“Enkarhini wolowo, Yehovha u ndzi lerisile ku mi dyondzisa milawu ni ku lerisa leswaku mi ta swi hlayisa etikweni leri mi nga ta nghena eka rona ku ri fuma.

Duteronoma 5:22

“Yehovha a byela nhlengeletano hinkwayo marito lawa entshaveni, a ri endzilweni, epapeni, nemunyameni, a vulavula hi rito lerikulu, kambe a nga engetelanga ha nchumu, kutani a tsala marito lawa emaribyeni mambirhi ya swimphampha, a ndzi nyika swona.

Duteronoma 5:31

kambe wena, tshama kwala na mina, ndzi ta ku byela milawu hinkwayo ni timhaka ni ku lerisa; u ta va dyondzisa swona leswaku va swi landza etikweni leri ndzi va nyikaka rona ku ri fuwa.’

Vaheveru 9:4

leyi a yi ri ni mbita ya nsuku ya mirhi ya risuna, ni areka ya ntwanano leyi namekiweke hinkwako hi nsuku; endzeni ka yona, a ku ri ni mbita ya nsuku leyi ngi yi ri ni manna ni nhonga ya Aroni leyi balekeke swiluva, ni maribye ya ntwanano.