Eksoda 23:11 - Xitsonga (Bibele)

¹¹ kambe hi lembe ra vuntlhanu na mambirhi, u ta yi tshika yi etlela; kutani swisiwana swa tiko ra rikwenu swi ta dya mihandzu ya yona, kutani leswi salaka, swi ta dyiwa hi swiharhi. U ta endlisa sweswo hi vhinya ya wena ni mitlhwari ya wena.

BIBELE Mahungu Lamanene

¹¹ kambe hi lembe ra vu-7, mi fanele ku ma wisisa, mi ma tshika ma hundzuka mafusi. Leswi swi nga ta mila hi lembe leri ra vu-7 swi ta va swakudya swa swisiwana; leswi nga ta siyiwa hi swisiwana, swi ta dyiwa hi swiharhi swa nhova. Mi ta endlisa sweswo ni le ka masimu ya n'wina ya vhinya ni mintanga ya n'wina ya mitlhwari.

Eksoda 23:11 Iomraidhean Croise

Nehemiya 10:31

kambe hi ku: “Loko va ri vanhu va tiko lava tisaka xuma ni swakudya swa tinxaka hinkwato hi siku ra Savata ku xavisa ha swona, hi nga ka hi nga xavi eka vona hi siku ra Savata, hambi ma ri masiku man'wana lama hlawuriweke; kambe hi ta va ni ku tshunxa hi lembe ra ntlhanu na mambirhi, hi ta tshikela un'wana ni un'wana milandzu ya yena.

Nehemiya 10:32

“Kambe hi tivekela milawu, hi tiboha leswaku hi ta humesela yindlu ya Xikwembu xa hina ku avanyisa ka vunharhu ka xikele, hi lembe rin'wana ni rin'wana,

Eksoda 23:10

“Hi malembe ya ntlhanu na rin'we u ta rima nsimu ya wena, u tshovela mihandzu ya yona;

Eksoda 23:12

“U ta tirha ntirho wa wena hi masiku ya ntlhanu na rin'we, kambe u ta wisa hi siku ra vuntlhanu na mambirhi leswaku homu ya wena ni mbhongolo ya wena swi wisa na swona ni leswaku n'wana wa khumbi ra wena ni wamatiko va wisa na vona.

Levhitika 25:20

Loko mi ku: “Hi ta dya yini hi lembe ra ntlhanu na mambirhi, hikuva leswi hi nga tiki byala, hi nga ka hi nga tshoveri nchumu?”

Levhitika 25:22

hi lembe ra ntlhanu na manharhu mi ta byala, kambe mi ta dya leswi tshoveriweke khale, ku ko ku fika lembe ra ntlhanu na mune, mi ta dya mavele ya khale ku ko ku fika ku tshovela ka rona.

Tinhlayo 16:14

Kunene a ku hi nghenisanga etikweni leri pfelelaka ntswamba ni vulombe; a ku hi fuwisangi masimu ni tivhinya! Xana u rhandza ku boxa mahlo ya vanhu lava xana? Hi nga ka hi nga khandziyi.”

Duteronoma 15:11

Hikuva mupfumari a nga ka a nga tshiki ku va kona etikweni; hikwalaho ndzi ku nyikaka nawu lowo namuntlha, ndzi ku: ‘U ta pfulela makwenu ni xisiwana, ni mupfumari la nga etikweni ra wena voko ra wena.’