Eksoda 20:5 - Xitsonga (Bibele)

⁵ u nga tshuki u swi khinsamela, ni loko ku ri ku swi tirhela; hikuva hi mina Yehovha, Xikwembu xa wena, xa rilaveta, lexi baka vana hikwalaho ka ku homboloka ka vatswari va vona, ku yisa erixakeni ra vunharhu ni ra vumune eka lava ndzi vengaka;

BIBELE Mahungu Lamanene

⁵ u nga tshuki u swi nkhinsamela, kumbe ku swi tirhela, hikuva mina HOSI Xikwembu xa wena, ndzi Xikwembu xa rilaveta: Ndzi ba lava va ndzi vengaka kun'we ni vana va vona, ku fika eka rixaka ra vona ra vunharhu ni ra vumune.

Eksoda 20:5 Iomraidhean Croise

2 SAMIELE 21:1

Emikarhini ya Davhida a ku ri ni ndlala ya malembe manharhu; lembe ri landza lembekulobye; Davhida a lava mombo wa Yehovha, kutani Yehovha a ku: “Hikwalaho ka Sawulo ni ka yindlu ya ngati, hikuva u dlayile va Gibiyoni.”

2 SAMIELE 21:6

hi nyikeni vanhu va ntlhanu na vambirhi exikarhi ka vana va yena hi ta va hayeka emahlweni ya Yehovha, eGibeya wa Sawulo, muhlawuriwa wa Yehovha.” Kutani hosi yi ku: “Ndzi ta mi nyiketa vona.”

1 TIHOSI 19:10

Yena a ku: “Ndzi khomiwile hi rilondzo hikwalaho ka Yehovha, Xikwembu xa mavandla; hikuva vana va Israele va tshikile ntwanano wa wena, va mbundzuxile tialitari ta wena, va dlayile vaprofeta va wena hi tlhari, ndzi sala ndzi ri swanga, kutani va lava ku ndzi dlaya!”

1 TIHOSI 21:29

“Xana u swi vonile hilaha Akabu a titsongahateke hakona emahlweni ka mina xana? Leswi a titsongahateke emahlweni ka mina, ndzi nga ka ndzi nga tisi khombo eku hanyeni ka yena; ndzi ta tisela yindlu ya yena khombo hi masiku ya n'wana wa yena.”

2 TIHOSI 17:35

Yehovha a a endlile ntwanano na vona, a va lerisile, a ku: “Mi nga tshuki mi chava swikwembu swin'wana, mi nga khinsami emahlweni ka swona, mi nga swi tirheli ni ku swi gandzela.

2 TIHOSI 17:41

Vamatiko lawa, va chava Yehovha, kambe va tirhela swifaniso swa vona, kutani vana va vona ni vatukulu va vona va endla hilaha vatata wa vona va endleke hakona, ku fika namuntlha.

2 TIHOSI 23:26

Hambiswiritano Yehovha a a nga tlhelangi evukarini lebyikulu bya yena, hikuva vukari bya yena a byi pfurhela Yuda hikwalaho ka timhaka hinkwato leti Manase a n'wi pfukeke ha tona.

2 TIHOSI 5:18

Kambe Yehovha a a rivalele nandza wa wena loko hosi yanga yi nghena endlwini ya Rimoni ku ya khinsama kona, kutani a tiseketela evokweni ra mina, na mina ndzi khinsama endlwini ya Rimoni; Yehovha a a rivalele nandza wa wena loko ndzi ta ya khinsama endlwini ya Rimoni.”

2 TIHOSI 5:27

Nhlokonho ya Naamani yi ta ku namarhela wena, ni vana va wena hi laha ku nga heriki.” Kutani Gehazi a huma emahlweni ka yena, a tele nhlokonho leyi fanaka ni gamboko.

2 TIKRONIKA 25:14

Amasiya, kuteloko a vuyile eku hlaseleni ka Vaedomu, a tisa swikwembu swa vana va Seyira a tivekela swona, swi va swikwembu swa yena; a khinsama emahlweni ka swona, a swi hisela mirhi ya risuna.

2 TIKRONIKA 7:19

Kambe loko mi hundzuka, ni loko mi fularhela ku lerisa ka mina, ni milawu ya mina leyi ndzi yi vekeke emahlweni ka wena, kutani mi ya tirhela swikwembu swin'wana, mi khinsama emahlweni ka swona;

Ntirho 21:19

Mi ku: ‘Xikwembu xi hlayisela vana ku biwa ka ku homboloka ka tata wa vona,’ Kambe a xi n'wi be yena, a ta yingisa!

Ntirho 5:4

Vana va xona a va na ku titsakela, Va kandziyeriwa etihubyeni, va nga lamuleriwi.

Pisalema 109:14

Ku dyoha ka vatata wa yena a ku vuyele emahlweni ka Yehovha, Ku dyoha ka mana wa yena ku nga hlanguriwi,

Pisalema 78:58

Va vanga vukari bya xona hi swivandla leswi tlakukeke swa vona, Ni rilondzo ra xona hi swifaniso swa swikwembu swa vona.

Pisalema 79:8

U nga tshuki u anakanya vudyohi bya vatata wa hina! Tintswalo ta wena a ti hi tele hi ku hatlisa! Hikuva hi va makhombo ngopfu.

Pisalema 81:15

Lava vengaka Yehovha, a va ta titsongahata emahlweni ka yena, Nkarhi wa ku kateka ka vona a wu ta va lowu nga heriki,

Eksoda 23:24

U nga tshuki u khinsamela swikwembu swa vona, u nga tshuki u swi tirhela, u nga encisi mikhuva ya vona; kambe u ta va dlaya hinkwavo, u hlanhla swifaniso hinkwaswo swa vona.

Eksoda 34:14

“U nga ka u nga khinsameli xikwembu xin'wana, hikuva Yehovha u vuriwa la lavetaka; i Xikwembu xa rilondzo.

Swivuriso 8:36

Kambe la ndzi dyohelaka u onha moya wa yena. Hinkwavo lava ndzi vengaka va rhandza rifu.”

Esaya 44:15

Kutani munhu u endla tihunyi hi mirhi yeleyo; a ti teka, kutani a orha ndzilo wa tona. Wa tshivela ndzilo wa ku sweka vuswa bya yena; ha yona u endla ni xikwembu lexi a xi gandzelaka; ha yona u endla xifaniso, lexi a xi khinsamelaka.

Esaya 44:19

A ku na la tianakanyaka, a ku na la nga ni ku tiva, ni vutlhari, a tivula, a ku: “Ndzi pamburile ndzi tshivela hafu ya tona, ndzi oxa ha tona xinkwa emakaleni, ndzi kantinga nyama, ndzi va ndzi yi dya kutani hi leti seleke ndzi ta endla xilo lexi yilaka, ndzi ta khinsamela nsinya wa murhi!”

Yeremiya 2:9

“Hikwalaho ndza ha ta mi tengisa,” ku vula Yehovha; “kambe ndzi ta tengisa ni vatukulu va n'wina.

Yeremiya 32:18

U endlile hi tintswalo ku yisa etinxakeni ta madzana, u vuyisile ku homboloka ka vatatana exifuveni xa vana va vona endzhaku ka vona; hi wena Xikwembu lexikulu, xa matimba, lexi vito ra xona a nga Yehovha wa mavandla.

Ezekiele 18:19

“Mi ri: ‘N'wana a nga rhwali ha yini ku homboloka ka tata wa yena?’ Hi leswaku n'wana u endlile hi nawu, ni ku lulama, u hlayisile swileriso hinkwaswo swa mina ku swi hetisa, kunene u ta hanya.

Ezekiele 18:2

“Mi vulela yini xivuriso lexi etikweni ra Israele, mi ku: ‘Vatatana va dyile mihandzu leyimbisi, kutani meno ya vana ma rherhemerile ha yona’?

Ezekiele 20:7

Kutani ndzi ku eka vona: Munhu un'wana ni un'wana a a cukumete ku homboloka ka mahlo ya yena, mi nga tinyamisi hi swifaniso swa Egipta; hi mina Yehovha, Xikwembu xa n'wina.

Ezekiele 39:25

“Hikwalaho, Hosi Yehovha u vulavula sweswo, a ku: Sweswi ndzi ta tlherisa vabohiwa va Yakobo, ndzi ta tsetselela yindlu hinkwayo ya Israele, ndzi ta kombisa rilondzo ra mina hikwalaho ka vito ra mina ro kwetsima.

Ezekiele 8:3

A tshambuluta xilo lexi nga voko, xi ndzi khoma hi misisi, kutani moya wu ndzi tlakulela empfhukeni, enorhweni, wu ndzi tisela Yerusalema, enyangweni ya le ndzeni leyi langutaka en'walungwini, laha ku nga ni xitshamo xa xifaniso xa rilondzo lexi pfuxaka rilondzo.

Daniele 1:2

Kutani Yehovha a nyiketa emavokweni ya yena Yoyakimi, hosi ya Yuda, ni swibya swin'wana swa yindlu ya Xikwembu, kutani Nebukadnetsara a famba na swona etikweni ra Xinara, endlwini ya xikwembu xa yena, a nghenisa mitirho leyo evuhlayiselweni bya xikwembu xa yena.

Daniele 3:18

Ni loko swi nga ri sweswo, tiva, wena hosi, leswaku hi nga ka hi nga tirheli swikwembu swa wena, hi nga ka hi nga khinsami emahlweni ka xifaniso xa nsuku lexi u xi yimiseke.”

Levhitika 20:5

mina ndzi ta languta hi vukari munhu loyi ni yindlu ya yena, ndzi n'wi susa etikweni ra yena, swin'we ni hinkwavo lava tinyiketaka vuoswi kukotisa yena, hi ku oswana na Moloko.

Levhitika 26:1

“ ‘Mi nga tshuki mi tiendlela swifaniso swa swikwembu swahava; mi nga tshuki mi tiyimisela swifaniso leswi vatliweke, ni swifaniso swa vanhu; kambe mi nga tshuki mi yimisa etikweni ra n'wina ribye leri nga ni xifaniso ku khinsama emahlweni ka xona hikuva hi mina Yehovha, Xikwembu xa n'wina.

Levhitika 26:29

Mi ta dya nyama ya vana va n'wina va varisanyana, mi dya ni nyama ya vanhwanyana va n'wina.

Nahume 1:2

Yehovha i Xikwembu lexa rilondzo, xi rihisaka; Yehovha wa rihisela, u tele vukari; Yehovha u tirihisela eka lava n'wi lwisaka, vukari bya yena u byi hlayisela lava nga valala eka yena.

Tinhlayo 14:18

‘Yehovha u hlwele ku kariha, u tele tintswalo, wa khomela nandzu ni ku dyoha; kambe xidyohi, a nga xi vuri la nga riki na nandzu, kutani a londza ku dyoha ka vatatana ehenhla ka vana va vona, ku fika erixakeni ra vunharhu ni ra vumune.’

Tinhlayo 14:33

kutani vana va n'wina va ta tshama va risa emananga hi malembe ya 40, va ta rhwala nandzu wa vuoswi bya n'wina ku ko ku hela mitsumbu ya n'wina emananga.

Tinhlayo 25:11

“Finiyasi, n'wana Eliyazara, n'wana Aroni, muprista, u susile vukari bya mina ehenhla ka vana va Israele, hikuva a a ri ni rilondzo ra mina exikarhi ka vona; kutani a ndzi lovisanga vana va Israele evukarini bya mina.

Matewu 4:9

kutani a ku eka yena: “Swilo leswo hinkwaswo ndzi ta ku nyika swona, loko u ndzi khinsamela hi matsolo, u ndzi gandzela.”

Yohane 15:18

“Kungakuloko misava yi mi venga, tivani leswaku yi rhangile yi ndzi venga.

Yohane 7:7

Misava yi nga ka yi nga mi vengi, kambe mina ya ndzi venga hikuva ndzi vula vumbhoni leswaku mitirho ya yona yi bihile.

Yohane 9:2

Kutani vadyondzisiwa va yena va n'wi vutisa, va ku: “Rabi, i mani la dyoheke? Xana hi yena kumbe i vatswari va yena, leswi a nga tswariwa a file mahlo?”

Varhoma 1:30

i vahlevi, i valumbeti, i vavengi va Xikwembu, i varhukani, i vatiarisi, i vatikurisi; lava pfuxaka swo biha, lava nga yingisiki vatswari va vona;

Varhoma 8:7

hikuva ku rhandza ka nyama, i vulala eka Xikwembu, hikuva a yi tiveki hansi ka nawu wa Xikwembu; ni ku tsandzeka, ya tsandzeka.

1 Vakorinto 10:22

Xana hi rhandza ku tshohokisa Hosi xana? Xana ha yi tlula hi matimba xana?

Duteronoma 32:21

Vona va ndzi pfuxele vukwele hi leswi nga riki Xikwembu, Va ndzi karihisa hi swahava swa vona; Kambe mina ndzi ta va pfuxela vukwele hi lexi nga riki tiko, Ndzi va karihisa hi tiko leri hungukeke.

Duteronoma 32:41

Loko ndzi ta lota rihati hi tlhari ra mina, Ni loko voko ra mina ri khoma ku avanyisa, Ndzi ta tirihisela henhla ka valala va mina, Ndzi ta hakela lava ndzi vengaka;

Duteronoma 4:24

Hikuva Yehovha, Xikwembu xa wena, i ndzilo lowu pfurhaka, i Xikwembu lexi nga ni rilondzo.

Duteronoma 5:10

kambe ndzi tsetselela lava ndzi rhandzaka, lava hlayisaka milawu ya mina, ku yisa erixakeni ra khume ra madzana.

Duteronoma 5:9

“ ‘U nga tshuki u xi khinsamela, ni loko ku ri ku xi tirhela; hikuva hi mina Yehovha, Xikwembu xa wena, xa rilondzo, lexi baka ku homboloka ka vatswari ehenhla ka vana va vona, ku yisa erixakeni ra vunharhu ni ra vumune eka lava ndzi vengaka;

Duteronoma 6:15

hikuva Yehovha, Xikwembu xa wena, la nga exikarhi ka n'wina, i Xikwembu xa rilondzo. Vukari bya Yehovha, Xikwembu xa wena, byi nga ku pfurhela kutani a nga ku herisa emisaveni.

Duteronoma 7:10

kambe u rihisa lava n'wi vengaka, hi ku va heta; a nga hlweri ku rihisa la n'wi vengaka.

Yakobo 4:4

Vavanuna ni vavasati va vuoswi, xana a mi swi tivi leswaku ku rhandza ka misava i ku venga Xikwembu xana? Hikwalaho, mani na mani la tinyiketaka eku rhandzeni ka misava u tiendla nala wa Xikwembu.

Yoxuwa 23:16

Kutakuloko mi tlula ntwanano lowu Yehovha, Xikwembu xa n'wina, a mi leriseke wona, mi ya tirhela swikwembu swin'wana, mi khinsama emahlweni ka swona vukari bya Yehovha byi ta mi pfurhela kutani mi ta hatlisa mi fa etikweni lerinene leri a mi nyikeke rona.”

Yoxuwa 23:7

mi nga hlangani na matiko lama saleke exikarhi ka n'wina; mi nga tshuki mi vula mavito ya swikwembu swa vona, kambe mi nga hlambanyi ha swona, mi nga tshuki mi swi tirhela ni ku khinsama emahlweni ka swona;

Yoxuwa 24:19

Yoxuwa a ku eka tiko: “Mi nga ka mi nga tirheli Yehovha, hikuva i Xikwembu lexo kwetsima, i Xikwembu xa rilondzo: Xi nga ka xi nga rivaleli milandzu ya n'wina ni swivi swa n'wina.

Vaavanyisi 2:19

Loko muavanyisi a file, a va engeta va tionha va tlula vatata wa vona hi ku landzelela swikwembu swin'wana, leswaku va swi tirhela ni ku khinsama emahlweni ka swona, va nga hunguti nchumu eka mitirho ya vona ni mikhuva ya vona leyo nonon'hwa.