Eksoda 2:3 - Xitsonga (Bibele)

³ Kambe leswi a tsandzekaka ku engeta a xi fihla, a ya teka xirhundzu xa tinhlanga, a xi tota hi ntita ni nhlaka, kutani a nghenisa xihlangi eka xona, a xi veka exikarhi ka tinhlanga eribuwini ra nambu.

BIBELE Mahungu Lamanene

³ Loko a nga ha koti ku ya emahlweni a fihla n'wana loyi, a lava xibokisana xo endliwa hi tinhlanga, a xi tota ntita ni nhlaka, kutani a nghenisa n'wana endzeni ka xona, a ya xi veka exikarhi ka nhlanga eribuweni ra nambu.

Eksoda 2:3 Iomraidhean Croise

Genesa 11:3

Kutani va byelana, va ku: “A hi yeni hi ya vumba switina hi swi hisa hi ndzilo.” Kutani va va ni switina ematshan'weni ya maribye, ni nhlaka ematshan'weni ya mbompfi.

Genesa 14:10

Kasi rivala ra Sidimi a ri tele swihlovo swa nhlaka; kutani tihosi ta Sodoma na Gomora ti tsutsuma, ti wela kona, kambe leti poneke ti tsutsumela entshaveni.

Genesa 6:14

Tiendlele ngalava hi murhi wa gofere; u ta avanyisa ngalava exikarhi ka yona hi makamara, u yi tota hi nhlaka endzeni ni le handle.

Eksoda 1:22

Kutani Faro a lerisa tiko ra yena hinkwaro, a ku: “Vandzisanyana hinkwavo lava nga ta velekiwa, va cukumeteni enambyeni; kambe vanhwanyana hinkwavo, mi va tshika va hanya.”

Esaya 18:2

wena la rhumaka tintsumi elwandle hi mabarika ya mavundzu ehenhla ka mati! Fambani, n'wina malandza ya matsambu eka tiko ra vanhu va xiyimo xo leha, lava byewuriweke, tiko leri chaviwaka kule mpfhuka ri nga tiko ni namuntlha, tiko ra matimba, leri fayaka hinkwaswo, leri nga ni milambu leyo tala.

Esaya 19:6

Milambu yi ta nun'hwa, migerho ya Matsoro yi ta phya, yi oma; tinhlanga ni vungu swi ta vuna.

Esaya 35:7

Makwandzasi ya misava ma ta hundzuka mativa ya mati, kutani etikweni leri omeke ku ta va ni swihlovo swa mati; etindhawini laha timhungubye ti nga etlela kona, ku ta mila tinhlanga ni mavungu.

Matewu 2:13

Kuteloko va sukile, ntsumi ya Hosi, yi ta eka Yosefa hi norho, yi ku: “Pfuka, u teka xihlangi, ni mana wa xona, u balekela eEgipta, u tshama kona ndzi ko ndzi ku byela, hikuva Heroda u ta lava xihlangi ku xi dlaya.”

Matewu 2:16

Kuteloko Heroda a vone leswaku u kanganyisiwile hi tintlhari, a kariha ngopfu, kutani a rhuma vanhu va ya dlaya vana hinkwavo va Betlehema, ni va tiko hinkwaro ra kona, va malembe mambirhi ni lava va tlhandlamaka, a anakanya nkarhi lowu a nga vutisisa tintlhari.

Timhaka 7:19

Hosi leyi, yi endla mano eka rixaka ra hina, yi xanisa vatata wa hina, yi ko yi va cukumetisa vana va vona leswaku va nga ha tshami va hanya.