Eksoda 19:9 - Xitsonga (Bibele)

⁹ Kavaloko Yehovha a ku eka Muxe: “Languta, ndzi ta ta eka wena epapeni lero tsindziyela, leswaku tiko ri switwa loko ndzi vulavula na wena ri va ri ku yingisela hi masiku.” Kutani Muxe a tshama a byela Yehovha marito ya tiko.

BIBELE Mahungu Lamanene

⁹ HOSI Xikwembu xi ku ka Muxe: “Sweswi ndzi ta ta eka wena ndzi ri epapeni lero dziva, leswaku ndzi ta vulavula na wena vanhu va ri karhi va swi twa; kutani va ta hamba va ku tshemba.” Kwalaho Muxe a vikela HOSI Xikwembu leswi vanhu va vuleke swona.

Eksoda 19:9 Iomraidhean Croise

1 TIHOSI 8:12

Kavaloko Solomoni a ku: “Yehovha, u te a ta tshama emunyameni lowukulu!

2 TIKRONIKA 20:20

Siku leri tlhandlamaka, va pfuka nimixo, va huma etlhelo ra mananga ra Tekowa; kakuloko va huma, Yoxafati a yima kona, a ku: “Ndzi yingiseni, n'wina va Yuda, na n'wina vaaki va Yerusalema! Tshembani Yehovha, Xikwembu xa n'wina, mi ta tiyisiwa; tshembani vaprofeta va yena, mi ta humeleriwa hi ku kateka.”

2 TIKRONIKA 6:1

Kavaloko Solomoni a ku: “Yehovha u rhandzile ku aka emunyameni!

Pisalema 97:2

Mapapa ni munyama swi n'wi rhendzele, Ku lulama, ni ku avanyisa, i masungulo ya xiluvelo xa yena.

Pisalema 99:7

A vulavula na vona epapeni; Va hlayisa ku lerisa ka yena, Ni milawu leyi a nga va nyika yona.

Eksoda 14:31

Ku va kona Israele a vonaka matimba lamakulu ya Yehovha, lawa a ma kombiseke Vaegipta. Kutani tiko ri chava Yehovha; ri pfumela eka Yehovha ni le ka Muxe, nandza wa yena.

Eksoda 19:16

Hi siku ra vunharhu, loko byi xa, ku pfuma ku va kona ni ku hatima, ni papa lera ntima ri va ehenhla ka ntshava, ni ku pfuma lokukulu ka nanga; kutani vanhu hinkwavo lava ngi va ri emixaxeni, va rhurhumela.

Eksoda 20:21

Kutani tiko ri yima ekule, kambe Muxe a tshinela emunyameni, laha Xikwembu ingi xi ri kona.

Eksoda 34:5

Kutani Yehovha a xikela epapeni, a yima kona ekusuhi na yena, a vula vito ra Yehovha.

Eksoda 4:31

Kutani tiko ri pfumela; va twa leswaku Yehovha u endzele vana va Israele, ni leswaku u langutile ku xaniseka ka vona; kavaloko va khinsama, va korhame hansi.

Eksoda 4:5

“U ta endlisa sweswo va ko va pfumela leswaku Xikwembu xa vatata wa vona, Xikwembu xa Abrahama, Xikwembu xa Isaka, Xikwembu xa Yakobo, xi tikombisile eka wena.”

Esaya 19:1

“Vonani, Yehovha u khandziyile epapeni lero vevuka; a kongome eEgipta; swikwembu swa Egipta swi rhurhumela emahlweni ka yena, timbilu ta Vaegipta ti tsanile endzeni ka vona.

Esaya 7:9

Kutani nhloko ya Efrayimi, i Samariya; ni nhloko ya Samariya, i n'wana Remaliya. Loko mi nga pfumeri, mi nga ka mi nga tiyi!”

Tinhlayo 12:5

Yehovha a xika a ri epapeni, kutani a vitana Aroni na Meriyamu, kutani va huma havambirhi.

Matewu 17:5

A ku a ha vulavula, papa lero vangama ri humelela ri va khubumeta; kutani ku twakala rito leri humaka epapeni ri ku: “Loyi, i n'wananga la rhandziwaka, loyi ndzi n'wi tsakelaka: n'wi yingiseni.”

Marka 9:7

Kambe papa ri ta, ri va funengeta; kutani ku huma rito epapeni, ri ku: “Loyi i N'wananga loyi a rhandzekaka, n'wi yingiseni.”

Luka 10:16

La mi yingisaka, wa ndzi yingisa; la mi tshikaka, wa ndzi tshika: kutani la ndzi tshikaka, u tshika la ndzi rhumeke.”

Duteronoma 4:10

Anakanya siku leri u yimeke ha rona emahlweni ka Yehovha, Xikwembu xa wena, eHorebe, loko Yehovha a te eka mina: ‘Ndzi hlengeletele tiko ndzi ta va yingiserisa marito ya mina, leswaku va dyondza ku ndzi chava masiku hinkwawo lawa va nga ta hanya emisaveni, va ta ma dyondzisa vana va vona.’

Duteronoma 4:36

Xi ku twisile rito ra xona xi ri etilweni ku ku dyondzisa; kambe la emisaveni, ku vonisile ndzilo wa xona lowukulu, kutani u yingisile marito ya xona endzilweni.

Nhlavutelo 1:7

Vonani, wa ta hi mapapa; mahlo hinkwawo ma ta n'wi vona, na vona lava n'wi tlhaveke, kutani tinxaka hinkwato ta misava ti ta tiba swifuva hikwalaho ka yena. Ina, Amen!