Eksoda 19:4 - Xitsonga (Bibele)

⁴ ‘Mi vonile leswi ndzi swi endleke eka Vaegipta, hilaha ndzi mi velekeke ehenhla ka timpapa ta gama, ndzi mi tisa eka mina.

BIBELE Mahungu Lamanene

⁴ ‘Mi swi vonile hi n'wexe leswi ndzi swi endleke eka Vaegipta; mi vonile ni hilaha ndzi mi rhwaleke hakona ndzi mi tisa ka mina, ku fana ni gama leri rhwalaka mavondlo ya rona etimpapeni.

Eksoda 19:4 Iomraidhean Croise

Esaya 40:31

kambe lava tshembaka Yehovha va engeta va kuma matimba lamantshwa. Va ta haha tanihi magama, va ta tsutsuma va nga karhali; va ta famba va nga tsani!

Esaya 63:9

Eku karhatekeni ka vona, a a karhateka na yena, kutani ntsumi ya mombo wa yena yi va ponisile. Erirhandzwini ra yena ni le vuneneni bya yena, u va kutsurile a ri yena, u va seketerile, u va tlakurile emasikwini hinkwawo ya khale.

Hosiya 11:1

Israele loko a ha ri ntsongwana, ndzi n'wi rhandzile, ndzi vita n'wananga a huma eEgipta.

Hagayi 2:5

rito ra ntwanano lowu ndzi nga endla na n'wina, siku mi humaka eEgipta, ni moya wa mina wu tshame exikarhi ka n'wina. Mi nga chavi!

Malakiya 2:10

Xana a hi velekiwanga hinkwerhu hi tatana un'we? Xana a hi vumbiwanga hi Xikwembu xin'we xana? Hikwalaho ka yini hi kanganyisana un'wana ni un'wana ni makwavo, hi onhela yini ntwanano wa vatata wa hina xana?

Duteronoma 1:30

Yehovha, Xikwembu xa n'wina, lexi fambaka emahlweni ka n'wina, xi ta mi lwela xi ri xona, hilaha xi nga mi endlela swilo hinkwaswo emahlweni ka n'wina eEgipta,

Duteronoma 1:31

ni le mananga, laha u voneke leswaku Yehovha, Xikwembu xa wena, xi ku velekile kukotisa loko munhu a veleka n'wana wa yena ku ri endleleni hinkwayo leyi mi fambeke ha yona, mi ko mi fika exivandleni lexi.’

Duteronoma 29:1

Hi wona marito ya ntwanano lowu Yehovha a leriseke Muxe ku wu endla ni vana va Israele etikweni ra u Mowabu, wu ri handle ka ntwanano lowu a nga wu endla na vona eHorebe.

Duteronoma 29:2

Muxe a hlengeleta Vaisraele hinkwavo, a ku eka vona: “Mi vonile hinkwaswo leswi Yehovha a swi endleke emahlweni ka n'wina, etikweni ra Egipta eka Faro, ni ka malandza ya yena hinkwawo, ni ka tiko ra yena hinkwaro,

Duteronoma 4:9

“Ntsena tivonele, u hlayisa swinene moya wa wena, leswaku u nga tshuki u rivala swilo leswi mahlo ya wena ma swi voneke; swi nga tshuki swi huma embilwini ya wena, ni siku ni rin'we ra ku hanyaka wena; u swi dyondzisa vana va wena ni vatukulu va wena.

Yoxuwa 23:3

“Ndzi dyuharile, ni ku taleriwa hi masiku. Mi vonile hinkwaswo leswi Yehovha, Xikwembu xa n'wina, a swi endleleke matiko hinkwawo lawa, emahlweni ka n'wina; hikuva i Yehovha, Xikwembu xa n'wina, loyi a mi lwelaka.

Nhlavutelo 12:14

Kutani wansati a nyikiwa timpapa timbirhi ta gama lerikulu, leswaku a hahela emananga exivandleni xa yena, laha a phameriwaka kona hi nkarhi wun'we, ni mikarhi mimbirhi, ni hafu ya nkarhi, a ri ekule ni nyoka.