Eksoda 19:16 - Xitsonga (Bibele)

¹⁶ Hi siku ra vunharhu, loko byi xa, ku pfuma ku va kona ni ku hatima, ni papa lera ntima ri va ehenhla ka ntshava, ni ku pfuma lokukulu ka nanga; kutani vanhu hinkwavo lava ngi va ri emixaxeni, va rhurhumela.

BIBELE Mahungu Lamanene

¹⁶ Hi siku ra vunharhu nimpundzu, tilo ri baleka, ri hatima-hatima, papa lero dziva ri khubumeta ntshava, mhalamhala yi ri karhi yi ba swinene, vanhu lava a va ri emintsongeni va rhurhumela hi ku chava.

Eksoda 19:16 Iomraidhean Croise

2 SAMIELE 22:10

A andlala matilo, a xika; Munyama a wu ri ehansi ka mikondzo ya yena.

2 TIKRONIKA 5:14

kutani vaprista va tsandzeka ku yima kona ku tirha ntirho hikwalaho ka papa; hikuva ku twala ka Yehovha a ku tatile yindlu ya Xikwembu.

Ntirho 38:25

“I mani la endleke tinyangwa leti haxaka timpfula, Ni ndlela ya tindlati ni ku pfuma,

Pisalema 50:3

Xikwembu xa hina xa ta, xi nga ka xi nga miyeli; Emahlweni ka xona ku ni ndzilo lowu pfurhaka, Xi rhendzeriwe exikarhi hi xidzedze lexa matimba.

Pisalema 77:18

Ku pfuma ka wena ku twakele exihuhurini, Tihati ti voningile misava, Misava yi tsekatseka, yi rhurhumela.

Pisalema 81:8

Yingisa tiko ra mina, ndzi ku hlamusela; Oho Israele, loko swange u nga ndzi yingisa!

Pisalema 97:4

Rihati ra yena ri voningela misava, Misava ya ri vona, ya rhurhumela.

Eksoda 19:11

va tilunghisela siku ra vunharhu; hikuva hi siku ra vunharhu Yehovha u ta xikela entshaveni ya Sinayi emahlweni ka tiko hinkwaro.

Eksoda 19:15

Muxe a ku ta tiko: “Tilunghiseleni siku ra vunharhu; mi nga tshuki mi vundzamana ni vavasati.”

Eksoda 19:17

Kutani Muxe a humese tiko emixaxeni, ri ya hlangana ni Xikwembu, va yime hansi ka ntshava.

Eksoda 19:9

Kavaloko Yehovha a ku eka Muxe: “Languta, ndzi ta ta eka wena epapeni lero tsindziyela, leswaku tiko ri switwa loko ndzi vulavula na wena ri va ri ku yingisela hi masiku.” Kutani Muxe a tshama a byela Yehovha marito ya tiko.

Eksoda 20:18

Tiko hinkwaro ri yingisa ku pfuma ni mpfumawulo wa nanga ri vona ku hatima, ni ntshava loko yi ri karhi yi mbuluka musi. Kuteloko tiko ri vone sweswo, ri rhurhumela ngopfu, ri yimela ekule.

Eksoda 20:21

Kutani tiko ri yima ekule, kambe Muxe a tshinela emunyameni, laha Xikwembu ingi xi ri kona.

Eksoda 40:34

Kutani papa ri funengeta Yindlu ya nhlengeletano, kutani ku kwetsima ka Yehovha ku tata Yindlu.

Eksoda 9:23

Kavaloko Muxe a yimisa nhonga ya yena ehenhla, kutani Yehovha a pfumisa tilo a nisa ni xihangu, ni ndzilo a wu pfurha emisaveni; Yehovha a nisa xihangu etikweni ra Egipta.

Yeremiya 5:22

Mi nga ka mi nga ndzi chavi xana,” ku vula Yehovha? “Xana mi nga ka mi nga rhurhumeri emahlweni ka mina xana? Mina ndzi nga endla hi sava nkova wa lwandle, wu nga ndzilakana lowu nga heriki, lowu ri nga taka ri nga wu tluri? Magandlati ya rona ma tsekatsekisiwa, kambe a ma na matimba; ma pfuma, kambe a ma wu tluri.

Nahume 1:3

Yehovha u lehe mbilu, i nkulu ngopfu, loko a landzulela munhu nandzu wa yena. Yehovha! ... Ndlela ya yena yi le xikarhi ka xidzedze ni ndhambi, mapapa i ntshuri wa milenge ya yena.

Matewu 24:31

U ta rhuma tintsumi ta yena leti yimbaka tinanga ta mpfumawulo lowukulu, ti ta hlengeleta vahlawuriwa va yena etimhehweni leta mune, ku sungula emakun'wini ya matilo, ku yisa emakun'wini man'wana.

Duteronoma 5:5

kambe a ndzi yimile exikarhi ka n'wina na Yehovha, ku mi byela rito ra Yehovha, hikuva a mi chava ndzilo lowu, kutani a mi khandziyanga entshaveni leyi, i a ku:

Vaheveru 12:21

Kutani hikwalaho ka ku chavisa ka lexi vonakaka, na yena Muxe u te: “Ndzi tshukile ngopfu, ndza rhurhumela.”

Nhlavutelo 1:10

A ndzi tekiwile emoyeni hi siku ra Hosi, kutani ndzi twa endzhaku ka mina rito lerikulu kukotisa ra nanga,

Nhlavutelo 11:19

Kavaloko tempele ya Xikwembu yi pfuriwa etilweni, kutani areka ya ntwanano wa xona yi voniwa etempeleni ya xona; kutani ku humelela ku hatima, ni marito, ni ku pfuma, ni ku tsekatseka ka misava, ni xihangu lexikulu.

Nhlavutelo 4:1

Endzhaku ka sweswo ndzi languta, kutani ndzi vona nyangwa yi pfuriwile etilweni kutani rito lero rhanga leri ndzi ri tweke, ri vulavula na mina, ri fana ni nanga, ri ku: “Tlhandlukela halenu, ndzi ta ku kombisa leswi nga ta humelela endzhaku ka leswi.”

Nhlavutelo 4:5

Exiluvelweni, a ku huma ku hatima, ni ku pfuma, ni marito. Emahlweni ka xiluvelo, a ku pfurha timboningo ta ntlhanu na timbirhi, yi nga mimoya ya ntlhanu na mimbirhi ya Xikwembu.

Nhlavutelo 8:5

Kutani ntsumi yi teka ximbitana, yi xi tata hi ndzilo wa alitari, yi xi hoxa emisaveni; kutani ku humelela marito, ni ku pfuma, ni ku hatima, ni ku tsekatseka ka misava.