Eksoda 19:10 - Xitsonga (Bibele)

¹⁰ Yehovha a ku eka Muxe: “Yana eka tiko, u ri basisa namuntlha ni mundzuku, va hlantswa tinguvu ta vona;

BIBELE Mahungu Lamanene

¹⁰ Kutani HOSI Xikwembu xi ku ka Muxe: “Famba u ya byela vanhu leswaku namuntlha ni mundzuku va tibasisela ku gandzela, va hlantswa ni swiambalo swa vona.

Eksoda 19:10 Iomraidhean Croise

Genesa 35:2

Yakobo a ku eka va yindlu ya yena ni le ka hinkwavo lava ngi va ri na yena: “Susani swikwembu swin'wana leswi nga exikarhi ka n'wina, mi tihlantswa, mi funengela tinguvu tin'wana;

2 SAMIELE 19:24

Mefiboxete, n'wana Sawulo, a ta ku hlangana ni hosi; a nga bohelanga milenge ya yena, a nga lunghisanga malebvu ya yena, ni ku hlantswa tinguvu ta yena ku sungula siku hosi yi sukeke ku fika siku yi vuyeke hi ku rhula.

2 TIKRONIKA 29:34

Ntsena vaprista a va nga talanga, kutani va tsandzeka ku yevula tiholokosta hinkwato, va fanele ku pfuniwa hi vamakwavo Valevhi, va ko va heta ntirho ni vaprista va ko va tibasisa; hikuva Valevhi a va tiyile mbilu ku tlula vaprista ku tibasisa.

2 TIKRONIKA 29:5

kutani a ku eka vona: “Ndzi yingiseni, n'wina Valevhi, tihlawuleni sweswi, mi hlawula ni yindlu ya Yehovha, Xikwembu xa vatata wa n'wina, mi humesa leswi nyameke handle ka vukwetsimelo!

Ntirho 1:5

Kuteloko va hetile mikhuvo ya vona, Yobo a a va vitana ku ta va basisa, a pfuka nimixo, a tlhava magandzelo yo hisiwa lama ringanaka ntsengo wa vona hinkwavo, hikuva Yobo a a ku: “Kumbe vana va mina va dyohile; va rivele Xikwembu etimbilwini ta vona.” Yobo a a tshama a endlisa sweswo hi masiku hinkwawo.

Levhitika 11:25

kutani mani na mani la rhwaleke mitsumbu ya swona, u ta hlantswa tinguvu ta yena, kambe u ta va la nga tengangiki ku fika nimadyambu.

Levhitika 15:5

La khumbeke xilawu xa yena, u ta hlantswa tinguvu ta yena a hlamba ematini, kambe u ta va la yilaka ku fika nimadyambu.

Tinhlayo 11:18

U ta byela vanhu va tiko, u ku: ‘Tibasiseleni siku ra mundzuku, mi ta dya nyama, leswi mi nga rila etindleveni ta Yehovha, mi ku: “I mani la nga ta hi dyisa nyama? Hikuva a hi tsakile eEgipta.” Yehovha u ta mi nyika nyama, mi dya.

Tinhlayo 19:19

La tengeke u ta xuva la yilaka hi siku ra vunharhu ni ra ntlhanu na mambirhi, kutani ku yila ka yena ku ta susiwa hi siku ra ntlhanu na mambirhi, U ta hlantswa tinguvu ta yena, a hlamba ematini, kutani nimadyambu u ta tenga.

Tinhlayo 31:23

hinkwaswo leswi nga tshwiki endzilweni, mi ta swi nghenisa endzilweni, kutani swi ta va swi tengile; hambiswiritano swi ta basisiwa hi mati ya ku basisa. Hinkwaswo leswi nga tshwaka endzilweni, mi ta swi nghenisa ematini.

Tinhlayo 31:24

Mi ta hlantswa tinguvu ta n'wina hi siku ra vu-7, kutani mi ta tenga; kavaloko mi ta nghena emixaxeni.”

Tinhlayo 8:21

Valevhi va tibasisa, va hlantswa tinguvu ta vona; Aroni a va humesa, wu va nhlengo lowu ndziwitiweke emahlweni ka Yehovha, kutani a va phahlela mhamba ku va basisa.

Tinhlayo 8:7

Lexi u nga ta va endlela xona ku va basisa, hi lexi: U ta va xuva hi mati lama hlantswaka swivi, kutani va ta fambisa rikari emirini hinkwawo wa vona; va hlantswa tinguvu ta vona, kutani va ta tibasisa.

1 Vakorinto 6:11

Kambe hi leswi van'wana ingi va ri swona eka n'wina; kambe mi hlantswiwile, kambe mi kwetsimisiwile, kambe mi hlayiwile lava lulameke hi vito ra Hosi Yesu, ni Moya wa Xikwembu xa hina.

Vaheveru 10:22

a hi tshineleleni hi mbilu leyinene, ni ku pfumela loku hetisekeke, timbilu ta hina ti basisiwile, ti nga ha ri na mapfalo layo biha,

Yoxuwa 3:5

Yoxuwa a byela tiko, a ku: “Tibasisani, hikuva mundzuku Yehovha u ta endla mahlori exikarhi ka n'wina.”

Yoxuwa 7:13

Pfuka, u hlawula tiko, u ku: ‘Tihlawulelani mundzuku. Hikuva Yehovha, Xikwembu xa Israele, u vula sweswo, a ku: “Ku ni ku yila exikarhi ka wena, Israele! U nga ka u nga ha tiyi emahlweni ka valala va wena, mi ko mi susa leswo yila exikarhi ka n'wina.”

Nhlavutelo 22:14

Ku katekile lava basisaka tinguvu ta vona, va ta lulameriwa hi ku dya murhi wa vutomi, ni ku nghena emutini hi tinyangwa ta wona!

Nhlavutelo 7:14

Kutani ndzi ku eka yena: “Swo tiva hi wena, Hosi yanga!” A ku eka mina: “Hi lava humeke enhlomulweni lowukulu, va hlantswile tinguvu ta vona va ti basisile hi ngati ya Xinyimpfana.

1 SAMIELE 16:5

A ku: “I mhaka leyinene; ndzi tele ku humesela Yehovha magandzelo; tibasisani, mi ta na mina egandzelweni.” Kutani a basisa Yese ni vana va yena, a va vitanela egandzelweni.