Eksoda 19:1 - Xitsonga (Bibele)

¹ Kuteloko ku hundzile tin'hweti tinharhu, mpfhuka vana va Israele va humile etikweni ra Egipta, hi siku rero, va fika emananga ya Sinayi.

BIBELE Mahungu Lamanene

¹ Hi siku ra ku tshama ka n'hweti ya vunharhu endzhaku ka loko va humile etikweni ra Egipta, Vaisraele va fikile emananga ya Sinayi.

Eksoda 19:1 Iomraidhean Croise

Eksoda 12:2

“N'hweti leyi yi ta va eka n'wina masungulo ya tin'hweti, yi ta va n'hweti yo sungula ya lembe.

Eksoda 12:51

Ha rona siku rero, Yehovha a humesa vana va Israele etikweni ra Egipta hi mavandla ya vona.

Eksoda 12:6

Mi ta xi hlayisa ku fika siku ra vukhume na mune ra n'hweti leyi; xi ta tlhaviwa nimadyambu hi nhlengeletano hinkwayo ya Israele.

Eksoda 16:1

Nhlengeletano hinkwayo ya vana va Israele yi suka eElimi, kutani va fika emananga ya Sina, la nga exikarhi ka Elimi na Sinayi, hi siku ra khume na ntlhanu ra n'hweti ya vumbirhi, ya ku huma ka vona etikweni ra Egipta.

Eksoda 3:12

Xikwembu xi ku: “Ndzi ta va na wena. Xikombiso xa leswaku hi mina la ku rhumaka, hi lexi: kutakuloko u humesile tiko ra mina eEgipta, mi ta tirhela Xikwembu entshaveni leyi.”

Eksoda 40:2

“Hi siku ro rhanga ra n'hweti yo sungula, u ta dzima yindlu, yi nga Tabernakela ya nhlengeletano,

Ezekiele 20:10

“Ndzi vuya ndzi va humesa etikweni ra Egipta, ndzi va yisa emananga.

Tinhlayo 1:1

Yehovha a byela Muxe loko a ri emananga ya Sinayi, etabernakeleni ya nhlengeletano, hi siku ro rhanga ra n'hweti ya vumbirhi, hi lembe ra vumbirhi ra ku huma ka vona etikweni ra Egipta, a ku:

Tinhlayo 10:12

Kutani vana va Israele va suka emananga ya Sinayi, va famba hi mimpfhuka ya vona kutani papa ri ya yima emananga ya Parani.

Tinhlayo 3:14

Kutani Yehovha a byela Muxe emananga ya Sinayi, a ku:

Tinhlayo 33:15

va suka eRefidimi, va ya gova emananga ya Sinayi.

Duteronoma 1:6

“Yehovha, Xikwembu xa hina xi vulavurile na hina eHorebe, xi te: ‘Mi tshamile nkarhi lowu ringanaka entshaveni leyi.

Duteronoma 4:10

Anakanya siku leri u yimeke ha rona emahlweni ka Yehovha, Xikwembu xa wena, eHorebe, loko Yehovha a te eka mina: ‘Ndzi hlengeletele tiko ndzi ta va yingiserisa marito ya mina, leswaku va dyondza ku ndzi chava masiku hinkwawo lawa va nga ta hanya emisaveni, va ta ma dyondzisa vana va vona.’

Duteronoma 4:15

“Mi ta tivonela swinene mimoya ya n'wina, hikuva a mi vonangi xifaniso ni xin'we siku Yehovha a vulavuleke na n'wina eHorebe, exikarhi ka ndzilo,

Duteronoma 5:2

“Yehovha, Xikwembu xa hina, xi endlile na wena ntwanano eHorebe.