Eksoda 18:12 - Xitsonga (Bibele)

¹² Kutani Yetro, mukon'wana wa Muxe, a tisela Yehovha mhamba ni magandzelo Aroni ni vakulukumba hinkwavo va Israele va ta dya vuswa ni mukon'wana wa Muxe emahlweni ka Xikwembu.

BIBELE Mahungu Lamanene

¹² Kutani Yetro mukon'wana wa Muxe a humesela HOSI Xikwembu magandzelo lama hisiwaka ni lama dyiwaka; Aroni ni vakulukumba va Israele hinkwavo va ta va ta dya swakudya na mukon'wana wa Muxe, egandzelweni ra HOSI Xikwembu.

Eksoda 18:12 Iomraidhean Croise

Genesa 12:7

Kutani Yehovha a humelela eka Abrama, a ku eka yena: “Misava leyi, ndzi ta yi nyika vatukulu va wena.” Kutani a akela kona gandzelo eka Yehovha la nga humelela eka yena.

Genesa 26:25

Isaka a aka kona gandzelo, a khongela vito ra Yehovha, a dzima kona ntsonga wa yena, kutani malandza ya Isaka ma cela kona xihlovo xa mati.

Genesa 26:30

Isaka a va fihluta, va dya, va nwa.

Genesa 31:54

Yakobo a tlhava xitlhavelo entshaveni, kutani a rhamba vamakwavo va ta dya vuswa, sweswo va dya, va xwa vusiku lebyi entshaveni.

Genesa 4:4

Avele a humesa, na yena, mativula ya ntlhambi wa yena, ni mafurha ya wona. Kutani Yehovha a khensa Avele ni nhlengo wa yena,

Genesa 43:25

Kutani va lunghisa ndzuvo ya vona, va ta nyika Yosefa loko a ta ta ninhlekanhi; hikuva a va twile leswaku va ta dya swakudya kona.

Genesa 8:20

Kutani Nowa a akela Yehovha alitari, kutani a pambula exikarhi ka swifuwo hinkwaswo leswi tengeke, ni le xikarhi ka tinyanyana hinkwato leti tengeke, a humesa holokosta ealitarini.

2 SAMIELE 9:7

Davhida a ku eka yena: “U nga chavi, hikuva ndzi rhandza ku ku kombisa tintswalo hikwalaho ka Yonatani, tata wa wena, ndzi va ndzi ku nyika vurimo hinkwabyo bya Sawulo, tata wa wena, loko u ri wena u ta dya swakudya hi masiku hinkwawo etafuleni ra mina.”

2 TIKRONIKA 30:22

Hezekiya a khongotela hi marito lamanene Valevhi hinkwavo lava tlhariheke entirhweni wa Yehovha. Kutani va dya hi masiku ya ntlhanu na mambirhi leswi lerisiweke va ri karhi va tlhava magandzelo ya ku khensa, va dzunisa Yehovha, Xikwembu xa vatata wa vona.

Ntirho 1:5

Kuteloko va hetile mikhuvo ya vona, Yobo a a va vitana ku ta va basisa, a pfuka nimixo, a tlhava magandzelo yo hisiwa lama ringanaka ntsengo wa vona hinkwavo, hikuva Yobo a a ku: “Kumbe vana va mina va dyohile; va rivele Xikwembu etimbilwini ta vona.” Yobo a a tshama a endlisa sweswo hi masiku hinkwawo.

Ntirho 42:11

Kutani vamakwavo hinkwavo va xinuna ni va xisati, ni hinkwavo lava a nga tivana na vona, va ta eka yena, va dya na yena endlwini ya yena, va hlangula mihloti ya yena va n'wi chavelela eku vavisekeni ka yena hinkwako loku Yehovha a ku tiseleke ehenhla ka yena; un'wana ni un'wana a n'wi nyika xiphemu xa silivhere ni sindza ra nsuku.

Ntirho 42:8

Hikwalaho, humesani tinkunzi ta ntlhanu na timbirhi, ni makhuna ya ntlhanu na mambirhi, mi ya eka nandza wa mina Yobo, mi ya titlhavela magandzelo, kutani Yobo, nandza wa mina, u ta mi khongelela; hikwalaho ka yena swakwe, ndzi nga ka ndzi nga mi bi hi ku hunguka ka n'wina, hikuva a mi vulavulanga swa mina hi ku lulama, kukotisa nandza wa mina, Yobo.”

Eksoda 18:13

Siku leri tlhandlamaka, Muxe a tshama a avanyisela tiko, kutani tiko ri yima emahlweni ka Muxe ku sungula nimixo, ku fika madyambu.

Eksoda 2:16

Muprista wa Midiyani a a ri ni vana va vanhwanyana va ntlhanu na vambirhi, kutani va ta eku keni ka mati, va tata switsengele ku nwisa mitlhambi ya tata wa vona.

Eksoda 2:20

A ku eka vana va yena: “Wanuna loyi u kwihi, mi n'wi siyele yini? N'wi viteni, a ta dya swakudya.”

Eksoda 20:24

U ta ndzi akela alitari ya misava, laha u nga ta tlhavela kona magandzelo ya wena, ni timhamba ta wena ta tinyimpfu ni ta tihomu. Hinkwako laha ndzi nga ta veka xitsundzuxo xa vito ra mina, ndzi ta ta eka wena kona, ndzi ku katekisa.

Eksoda 24:11

Kutani a xi tlakusangi voko ehenhla ka vana va Israele lava hlawuriweke; kambe va vona Xikwembu, kutani va dya, va nwa.

Eksoda 24:5

Kutani a rhuma majaha ya vana va Israele ku endla magandzelo lama hisiwaka, ni magandzelo ya ku khensa Yehovha hi tinkunzi.

Eksoda 3:1

Muxe a a ri murisi wa tinyimpfu ta Yetro, mukon'wana wa yena, muprista wa Midiyani; kutani a yisa ntlhambi etlhelo ra mananga, a fika entshaveni ya Xikwembu, eHorebe.

Eksoda 33:7

Kavaloko Muxe a hahlula ntsonga, a tiakela wona ehandle ka mixaxa, kule na yona, kutani a wu thya ntsonga wa nhlengeletano; kutani mani na mani la rhandzeke ku vutisa Yehovha, a ya entsongeni ya nhlengeletano lowu nga ehandle ka mixaxa.

Daniele 10:3

ndzi nga dyi swakudya leswo xawula, ni nyama, hambi yi ri vhinyo a swi nghenanga enon'wini wa mina, kambe a ndzi tolanga mavhiki lamanharhu walawo ma ko ma hetiseka.

Tinhlayo 10:29

Muxe a ku eka Hobabu, n'wana Rhuwele, wa Midiyani, mukon'wana wa Muxe: “Ho famba ku ya etikweni leri Yehovha a nga vula loko a te: ‘Ndzi ta mi nyika rona.’ Famba na hina, hi ta ku endlela swinene, hikuva Yehovha u hlayele Israele leswinene.”

Luka 14:1

Kuteloko a nghenile hi siku ra Savata endlwini ya nkulukumba un'wana wa Vafarisi, ku ya dya swakudya kona, vona a va n'wi xiya.

Luka 14:15

Un'wana wa lava tshameke eswakudyeni, loko a twa timhaka teto, a ku eka yena: “Ku katekile la nga ta dya swakudya eku fumeni ka Xikwembu!”

1 Vakorinto 10:18

Vonani Vaisraele va nyama: Xana lava dyaka magandzelo a va hlangani na alitari xana?

1 Vakorinto 10:21

Mi nga ka mi nga nweri xinwelo xa Hosi ni xinwelo xa mademona. Mi nga ka mi nga dyeri etafuleni ra Hosi ni le tafuleni ra mademona.

1 Vakorinto 10:31

Kambe hambi mi dya, hambi mi nwa, hambi mi endla yini na yini, endlani hinkwaswo ku dzunisa Xikwembu.

Duteronoma 12:7

Mi ta dya kona emahlweni ka Yehovha, Xikwembu xa n'wina, mi titsakela, mi ri ni mindyangu ya n'wina, eswilweni hinkwaswo leswi mi nga ta swi endla, leswi Yehovha, Xikwembu xa wena, a ku katekiseke ha swona.

Duteronoma 27:7

U ta humesa ni timhamba ta ku khensa, u dya kona, u titsakela emahlweni ka Yehovha, Xikwembu xa wena.