Eksoda 17:5 - Xitsonga (Bibele)

⁵ Yehovha a ku eka Muxe: “Rhanga emahlweni ka vanhu, u teka vakulukumba va Israele ni nhonga ya wena leyi u nga ba nambu ha yona.

BIBELE Mahungu Lamanene

⁵ Hiloko HOSI Xikwembu xi ku ka Muxe: “Hundzela emahlweni ka vanhu, u teka van'wana va vakulukumba va Israele, u rhanga na vona, u famba ni nhonga leyi u nga ba mati ya nambu hi yona.

Eksoda 17:5 Iomraidhean Croise

Pisalema 74:15

U pfelerisile swihlovo ni milambu, U omisile milambu leyi nga tiviki ku phya.

Eksoda 14:16

Kambe wena yimisa nhonga, u tlakusa voko ra wena ehenhla ka lwandle, u ri tsemakanyisa, vana va Israele va ta famba exikarhi ka lwandle, laha ku omeke.

Eksoda 3:16

Famba, u ya hlengeleta vakulukumba va Israele, u ku eka vona: ‘Yehovha, Xikwembu xa vatata wa n'wina, Xikwembu xa Abrahama, ni xa Isaka, ni xa Yakobo, xi tikombisile eka mina,’ xi ku: ‘Ndzi mi kambile kunene; ndzi vonile leswi mi endliwaka swona eEgipta,’

Eksoda 3:18

“Va ta yingisa rito ra wena; kutani u ta famba ni vakulukumba va Israele eka hosi ya Egipta, mi ku eka yona: ‘Yehovha, Xikwembu xa Vaheveru, u humelele eka hina; sweswi wanga hi pfumelela ku famba riendzo ra masiku manharhu emananga, hi ta gandzela Yehovha, Xikwembu xa hina hi magandzelo.’

Ezekiele 2:6

Na wena, n'wana wa munhu, u nga va chavi, u nga chavisiwi hi ku vulavula ka vona, hambi u le xikarhi ka swigatlu ni mitwa ni swipame, u nga chavi ku vulavula na vona, u nga chavi mimombo ya vona hambi va ri vanhu lava tiarisaka.