Eksoda 16:6 - Xitsonga (Bibele)

⁶ Kutani Muxe na Aroni va ku eka vana va Israele hinkwavo: “Nimadyambu mi ta tiva leswaku i Yehovha la mi humeseke etikweni ra Egipta.

BIBELE Mahungu Lamanene

⁶ Kutani Muxe na Aroni va byela Vaisraele hinkwavo, va ku: “Madyambu ya namuntlha, mi ta swi tiva leswaku loyi a mi humeseke etikweni ra Egipta i HOSI Xikwembu.

Eksoda 16:6 Iomraidhean Croise

Pisalema 77:20

U fambisile tiko ra wena tani hi ntlhambi, Hi voko ra Muxe ni ra Aroni.

Pisalema 81:11

“Kambe tiko ra mina a ri yingisanga rito ra mina, Israele a nga ndzi yingisanga.

Eksoda 12:51

Ha rona siku rero, Yehovha a humesa vana va Israele etikweni ra Egipta hi mavandla ya vona.

Eksoda 16:3

Vana va Israele va ku: “Nge hi dlayiwe hi voko ra Yehovha etikweni ra Egipta, hi ri karhi hi titshamele xikarhi ka timbita ta nyama, hi dya ni vuswa, hi xurha. Hikuva mi hi humesile hi fika la mananga leswaku mi dlaya tiko leri hinkwaro hi ndlala.”

Eksoda 16:8

Muxe a engeta a ku: “Kunene Yehovha u ta mi nyika nyama nimadyambu mi dya, nimixo a mi nyika vuswa mi xurha, hikuva u yingisile ku dzumadzuma ka n'wina, hilaha mi n'wi kariheleke hakona. Hikuva hina ho va swini-ke? A mi karihelanga hina, mi karihele Yehovha.”

Eksoda 32:1

Kakuloko tiko ri vona leswaku Muxe a hlwela ku xika entshaveni, ri hlengeletana eka Aroni, ri ku eka yena: “Tana, u hi endlela swikwembu leswi hi rhangelaka emahlweni, hikuva loko a ri Muxe, wanuna loyi a hi humeseke etikweni ra Egipta, a hi tivi lexi n'wi humeleleke.”

Eksoda 32:11

Kambe Muxe a khongela Yehovha, Xikwembu xa yena, a ku: “Oho Yehovha! U ri karihela yini tiko leri u ri humeseke eEgipta hi matimba lamakulu?

Eksoda 32:7

Kutani Yehovha a ku eka Muxe: “Suka u famba hikuva tiko ra wena, leri u ri humeseke etikweni ra Egipta ri tionhile.

Eksoda 6:6

Hikwalaho u nge eka vana va Israele: Hi mina Yehovha; ndzi ta mi rhula ku tika ka Vaegipta; ndzi mi lwela; ndzi ta mi tshunxa evukhumbini bya vona, ndzi mi kutsula hi voko ra matimba, ni ku avanyisa lokukulu.

Eksoda 6:7

Kutani ndzi ta mi teka, mi va tiko ra mina, ndzi va Xikwembu xa n'wina; mi ta tiva leswaku hi mina Yehovha, Xikwembu xa n'wina, loyi a mi rhulaka ku tika ka Vaegipta;

Tinhlayo 16:28

Kavaloko Muxe a ku: “Mi ta tiva hi leswi leswaku Yehovha u ndzi rhumele ku endla swilo leswi hinkwaswo, ni leswaku a swi humi embilwini ya mina.

Tinhlayo 16:30

Kambe loko Yehovha a tumbulukisa xilo lexintshwa, ni loko misava yi ahlamisa nomu wa yona yi va mita ni swilo hinkwaswo swa vona, ni loko va ngirimela va ha hanya exivandleni xa vafi, mi ta tiva leswaku vanhu lava va sandzile Yehovha.”