Eksoda 15:16 - Xitsonga (Bibele)

¹⁶ Ku chava ni ku rhurhumela ku ta va wela ehenhla; Hi voko ra wena ra matimba Va ta hundzuka timbheveve leti fanaka ni maribye, Ku kondza tiko ra wena ri pela, oho Yehovha! Ku kondza ku pela tiko leri u ri kutsuleke.

BIBELE Mahungu Lamanene

¹⁶ Va weriwile hi ku chava ni gome, hikwalaho ka matimba ya voko ra wena, va yimile va nga ha tshukatshuki, ku kondza loko vanhu va wena va hundza, we HOSI, ina, vanhu va wena lava u nga tikumela vona va ko va hundza.

Eksoda 15:16 Iomraidhean Croise

Genesa 35:5

Kavaloko va suka; kutani ku chava Xikwembu ku ve ehenhla ka miti leyi vandzamaneke na vona, hikwalaho a va landzelangi vana va Yakobo.

2 SAMIELE 7:23

Kambe i mani la kotisaka tiko ra wena ra Israele, ri nga tiko ra xiviri emisaveni, leri Xikwembu xi teke ku tikutsulela rona, xi ta va ni tiko ra xona xi ta va vekela vito ni ku va endlela xilo lexikulu, ni swilo leswi chavisaka etikweni ra wena, hi ku hlongola matiko ni swikwembu swa wona, emahlweni ka tiko ra wena leri u tikutsuleleke rona Egipta?

Pisalema 105:38

Vaegipta va tsakela ku huma ka vona, Hikuva nchavo wa Israele a wu va khomile.

Pisalema 74:2

Tsundzuka tiko leri u nga titekela rona khale, Leri u nga ri kutsula tani hi rixaka ra ndzhaka ya wena! Tsundzuka ntshava ya Siyoni, leyi u nga titshamela eka yona.

Pisalema 89:14

Ku lulama ni ku avanyisa i masungulo ya xiluvelo xa wena, Tintswalo ni vunene swi le mahlweni ka mombo wa wena.

Eksoda 11:7

Kambe exikarhi ka vana va Israele, a ku nga vi na mbyana leyi nga ta tsekatsekisa ririmi ra yona evanhwini, hambi eka swifuwo, mi ta tiva hakona leswaku Yehovha u hlawurile Israele eka Vaegipta.’ ”

Eksoda 15:13

“Hi tintswalo ta wena u fambisile u tshunxile tiko leri; U ri fambisile hi matimba ya wena, Evutshan'weni bya ku kwetsima ka wena.

Eksoda 15:5

Magandlati ma va funengetile; Va mbombomerile exidziveni kukotisa ribye.

Eksoda 15:6

“Voko ra wena, Yehovha, ri twakale hi matimba; Voko ra xinene ra wena, Yehovha, ri pyanyise valala.

Eksoda 18:8

Kutani Muxe a n'wi byela hinkwaswo leswi Yehovha a swi endleke eka Faro ni le ka Vaegipta hikwalaho ka Vaisraele, ni makhombo hinkwawo lama humeleleke endleleni, ni hilaha Yehovha a va humeseke hakona eka wona.

Eksoda 20:2

“Hi mina Yehovha, Xikwembu xa wena la ku humeseke etikweni ra Egipta endlwini ya vukhumbi.

Eksoda 23:20

“Waswivo, ndzi rhuma ntsumi emahlweni ka wena, yi ta ku hlayisa endleleni yi ku nghenisa etikweni leri ndzi ri lunghiseke.

Eksoda 23:22

“Kambe loko u yingisa rito ra yona, u endla hinkwaswo leswi ndzi nga ta ku byela swona, ndzi ta va nala eka valala va wena, ndzi ku lwela eka lava ku pfukaka.

Eksoda 23:27

“Ndzi ta rhuma nchavo wa mina emahlweni ka wena, ndzi hangalasa tiko rin'wana ni rin'wana leri u nga ta fika eka rona; ndzi hlongorisa valala hinkwavo va wena.

Eksoda 6:7

Kutani ndzi ta mi teka, mi va tiko ra mina, ndzi va Xikwembu xa n'wina; mi ta tiva leswaku hi mina Yehovha, Xikwembu xa n'wina, loyi a mi rhulaka ku tika ka Vaegipta;

Esaya 51:10

Xana a hi wena la nga omisa lwandle, mati ya xidziva lexikulu? La boxeke emikoveni ya lwandle endlela ya ku perisa lava kutsuriweke xana?

Esaya 63:12

la nga fambisa voko ra xinene ra Muxe hi voko ra yena lero kwetsima; la nga avanyisa mati emahlweni ka vona, ku tiendlela vito leri nga heriki,

Yeremiya 31:11

Hikuva Yehovha u kutsule Yakobo, u n'wi lamulele emavokweni ya la n'wi hlulaka hi matimba.

Ezekiele 16:8

Ndzi hundza ekusuhi na wena, ndzi ku vona; nkarhi wa wena a wu fikile, nkarhi wa rirhandzu, kutani ndzi tshandzavuta nkumba wa mina ehenhla ka wena, ndzi funengeta vusweti bya wena, ndzi ku hlambanyela, ndzi endla ntwanano na wena, ku vula Hosi Yehovha, kutani u va wa mina.

Timhaka 20:28

Sweswi n'wina, tivoneleni, ni ntlhambi hinkwawo lowu Moya lowo Kwetsima wu mi vekeke valanguteri va wona, ku risa kereke ya Hosi, leyi yi nga tifuwela yona hi ngati leyi yi nga ya yona hi xiviri.

Duteronoma 11:25

Ku nga ka ku nga tiyi munhu ni un'we emahlweni ka n'wina; Yehovha u ta nghenisa xichavo ni ku rhurhumela hinkwako laha mi nga ta famba kona, hilaha a mi byeleke hakona.

Duteronoma 2:25

Namuntlha ndzi ta sungula ku chavisa ni ku rhurhumerisa ha wena matiko hinkwawo lama nga ehansi ka matilo, ma ko ma rhurhumela, ma hela timbilu emahlweni ka wena, loko ma yingisa ku twala ka wena.’

Duteronoma 2:4

Kambe u ta lerisa tiko, u ku: “Mi ta hundza endzilakaneni wa vamakwenu, vana va Esawu lava akeke eSeyira, va ta mi chava. Tilanguteleni swinene,

Duteronoma 32:6

Xana mi tlherisela Yehovha leswo tano xana? N'wina mi nga tiko ro hunguka, leri pfumalaka vutlhari A hi yena tata wa wena, ni muendli wa wena La ku endleke, ni la ku tiyiseke xana?

Duteronoma 32:9

Hikuva ku averiwa ka Yehovha, i tiko ra yena; Yakobo, i ku averiwa ka ndzhaka ya yena. U n'wi kumile mananga, Emananga ya ku huwelela loku chavisaka.

Tito 2:14

la titshikeleke hina, a ta hi kutsula eku hombolokeni hinkwako, a va a hi hlantswa ku tiendla ha hina tiko leri nga ra yena hi xiviri, leri chivirikelaka emitirhweni leyinene.

Yoxuwa 2:9

a ku eka vona: “Ndza swi tiva leswaku Yehovha u mi nyikile tiko leri, hikuva nchavo lowu mi wu pfuxeke wu hi wele ehenhla, kutani vaaki hinkwavo va tiko va hele timbilu emahlweni ka n'wina.

Yoxuwa 4:24

leswaku matiko hinkwawo ya misava ma tiva leswaku voko ra Yehovha ri ni matimba, mi ta chava Yehovha, Xikwembu xa n'wina hi laha ku nga heriki.”

1 Petro 2:9

Kambe loko mi ri n'wina, mi rixaka leri hlawuriweke, mi vaprista va Hosi, mi tiko lero kwetsima, tiko leri xaviweke, leswaku mi twarisa matimba ya la mi vitaneke ku huma emunyameni, mi ya nghena eku vonakaleni ka yena loku hlamarisaka;

2 Petro 2:1

Na vona vafundhisi va mavunwa a va ri kona etikweni, kukotisa leswi vafundhisi va mavunwa va nga ta va kona exikarhi ka n'wina va nghenisa hitlhelo tidyondzo leti onhaka, kutani hi ku landzula Hosi leyi va kutsuleke, va ta tikokela ehenhla ka vona, ku lota loku nga hlweriki.

1 SAMIELE 2:9

“Wa hlayisa mikondzo ya lava n'wi rhandzaka, Kambe lavo biha va miyela emunyameni; Hikuva munhu a nga ka a nga kurisiwi hi matimba.

1 SAMIELE 25:37

Ni mixo, loko Nabala a xalamukile, nsati wa yena a n'wi vikela timhaka teto, kutani mbilu ya yena yi fa endzeni ka yena, yi fana ni ribye.