Eksoda 13:3 - Xitsonga (Bibele)

³ Kutani Muxe a ku eka tiko: “Anakanyani siku leri mi humesiweke ha rona Egipta, endlwini ya vukhumbi; hikuva Yehovha u mi humesile kona hi voko ra matimba; kambe mi nga tshuki mi dya leswi dzungaka hi siku lero.

BIBELE Mahungu Lamanene

³ Kutani Muxe a byela vanhu, a ku: “Siku leri, mi nga tshuki mi ri rivala, hikuva hi rona siku leri HOSI Xikwembu xi mi humeseke hi matimba ya xona etikweni ra Egipta, laha a mi ri mahlonga kona. Hi siku leri, mi nga tshuki mi dya xinkwa lexi nga ni comela.

Eksoda 13:3 Iomraidhean Croise

Genesa 15:16

Kambe erixakeni ra vumune, va ta vuya halenu, hikuva ku homboloka ka Vaamori a ku si tala hi ku ringana.”

1 TIHOSI 8:42

(hikuva va ta yingisa timhaka ta vito ra wena lerikulu, ni ta voko ra wena ra matimba ni ta voko ra wena leri tlakukeke) kungakuloko a ta khongela eNdlwini leyi:

1 TIKRONIKA 16:12

Anakanyani masingita lawa a ma endleke, Mahlori ni ku avanyisa ka nomu wa yena,

Nehemiya 1:10

Kutani valavo, malandza ya wena, i tiko ra wena leri u ri kutsuleke hi matimba ya wena lamakulu, ni voko ra wena ra matimba.

Nehemiya 9:10

u endle swikombiso ni masingita ehenhla ka Faro, ni le henhla ka malandza ya yena hinkwawo, ni le henhla ka tiko hinkwaro ra misava ya yena, hikuva a u tiva hilaha va va xaniseke hakona, kutani u tiendlele ku twala hilaha ku nga kona namuntlha;

Pisalema 105:5

Tsundzukani mitirho leyo hlamarisa leyi a nga yi endla, Mahlori ya yena ni ku avanyisa loku humaka enon'wini wa yena.

Pisalema 114:1

Kuteloko Israele a humile eEgipta, Yindlu ya Yakobo loko yi suke etikweni ra ririmi rin'wana,

Pisalema 136:11

Kutani a humesa Israele kona, Hikuva tintswalo ta yena hi leti nga heriki!

Pisalema 136:12

Hi xandla xa matimba ni voko leri tshambulutiweke, Hikuva tintswalo ta yena hi leti nga heriki!

Pisalema 89:14

Ku lulama ni ku avanyisa i masungulo ya xiluvelo xa wena, Tintswalo ni vunene swi le mahlweni ka mombo wa wena.

Eksoda 12:15

“Mi ta dya vuswa lebyo kala comela hi masiku ya ntlhanu na mambirhi; mi ta humesa comela etindlwini hi siku ro rhanga; hikuva la nga ta dya vuswa lebyi nga ni comela, ku sungula siku ro rhanga, ku fika eka lera ntlhanu na mambirhi, munhu loyi u ta humesiwa eIsraeleni.

Eksoda 12:17

Mi ta hlawula sweswo nkhuvo wa vuswa lebyo kala comela, hikuva hi siku leri ndzi ta humesa mavandla ya n'wina etikweni ra Egipta; mi ta hlayisa siku lero etinxakeni ta n'wina, ku ve ku lerisa loku nga heriki.

Eksoda 12:19

Hi masiku ya ntlhanu na mambirhi, comela xi nga tshuki xi kumeka etindlwini ta n'wina, hikuva la dyaka leswi dzungaka, u ta humesiwa enhlengeletanweni ya Israele, hambi a ri wa matiko, hambi a tswariwe etikweni ra n'wina.

Eksoda 12:2

“N'hweti leyi yi ta va eka n'wina masungulo ya tin'hweti, yi ta va n'hweti yo sungula ya lembe.

Eksoda 12:41

Eku heteleleni ka malembe ya 430, hi siku lero, mavandla hinkwawo ya Yehovha ma huma etikweni ra Egipta.

Eksoda 12:42

Vusiku byebyo byi fanele ku hlayiseriwa Yehovha, hikuva u va humesile ha byona etikweni ra Egipta; vusiku byebyo byi ta hlayiseriwa Yehovha etinxakeni hinkwato ta vana va Israele.

Eksoda 12:8

Hi vusiku byebyo va ta dya nyama ya xona yi oxiwile; va ta yi dya ni vuswa lebyo kala comela, ni matsavu lama bavaka.

Eksoda 13:14

Kutakuloko n'wana wa wena a ku vutisa emikarhini yin'wana, a ku: ‘Mhaka leyi i yihi?’ U ta ku eka yena: ‘Yehovha u hi humesile hi voko ra matimba endlwini ya vukhumbi;

Eksoda 13:9

Xi ta va xikombiso evokweni ra wena, ni xitsundzuxo exikarhi ka mahlo ya wena. Nawu wa Yehovha wu ta va enon'wini wa wena, hikuva Yehovha a ku humesile eEgipta hi voko ra matimba.

Eksoda 20:2

“Hi mina Yehovha, Xikwembu xa wena la ku humeseke etikweni ra Egipta endlwini ya vukhumbi.

Eksoda 20:8

“Anakanya siku ra ku wisa ku ri hlawulekisa.

Eksoda 23:15

U ta hlayisa nkhuvo wa vuswa lebyo kala comela hi masiku ya ntlhanu na mambirhi hi n'hweti ya Abibi, u ta dya vuswa lebyo kala comela hilaha u lerisiweke hakona; hikuva hi yona n'hweti leyi u humeke eEgipta ha yona; kutani vanhu va nga tshuki va humelela ntsena emahlweni ka mina.

Eksoda 3:20

Kambe ndzi ta tlakusa voko ra mina, ndzi ba Egipta hi masingita hinkwawo lawa ndzi nga ta ma endla kona. Endzhaku ka swona, yi ta mi pfumelela ku famba.

Eksoda 34:18

“U ta hlayisa nkhuvo wa vuswa lebyo kala comela hilaha ndzi leriseke ha kona. U ta dya vuswa lebyo kala comela hi masiku ya ntlhanu na mambirhi, enkarhini wa swona, en'hwetini ya Abibi, hikuva en'hwetini ya Abibi, u humile eEgipta.

Eksoda 6:1

Kutani Yehovha a ku eka Muxe: “Sweswi, u ta vona leswi ndzi nga ta swi endla eka Faro; hikuva hi voko ra matimba u ta va tshika va famba; hi voko ra matimba u ta va hlongola etikweni ra yena.”

Eksoda 6:6

Hikwalaho u nge eka vana va Israele: Hi mina Yehovha; ndzi ta mi rhula ku tika ka Vaegipta; ndzi mi lwela; ndzi ta mi tshunxa evukhumbini bya vona, ndzi mi kutsula hi voko ra matimba, ni ku avanyisa lokukulu.

Eksoda 6:7

Kutani ndzi ta mi teka, mi va tiko ra mina, ndzi va Xikwembu xa n'wina; mi ta tiva leswaku hi mina Yehovha, Xikwembu xa n'wina, loyi a mi rhulaka ku tika ka Vaegipta;

Eksoda 7:4

Kambe Faro a nga ka a nga mi yingisi, kutani ndzi ta tlakusa voko ra mina henhla ka Egipta, ndzi humesa etikweni leri mavandla ya mina ri nga tiko ra mina, vana va Israele, hi ku avanyisa lokukulu.

Yeremiya 34:13

“Ku vula Yehovha Xikwembu xa Israele: A ndzi endlile ntwanano ni vatata wa n'wina, hi nkarhi lowu ndzi va humeseke etikweni ra Egipta, endlwini ya vukhumbi, ndzi ku:

Daniele 9:15

Kutani sweswi, Yehovha, Xikwembu xa hina, wena la humeseke tiko ra wena ra Israele etikweni ra Egipta hi voko ra wena ra matimba, wena la tiendleleke vito leri twakalaka ni sweswi; hi dyohile.

Matewu 10:12

Kutakuloko mi nghene endlwini, mi yi xeweta.

Luka 22:19

A va a teka swinkwa, kuteloko a khensile, a phema, a va nyika, a ku: “Leswi, i miri wanga, lowu nyikeriwaka n'wina; endlisani sweswo, mi ta ndzi anakanya ha swona.”

1 Vakorinto 11:24

kuteloko a khensile, a phema a ku: “Tekani mi dya; wona i miri wanga, lowu phemeriweke n'wina; endlisani sweswo mi ndzi anakanya ha swona.”

1 Vakorinto 5:8

A hi endleni nkhuvo hakona, ku nga ri hi comela xa mona ni xo biha, kambe ku va hi xinkwa lexi nga riki na comela, lexo tenga ni xa ntiyiso.

Vaefesa 1:19

mi ta tiva ni vukulukumba lebyi nga hlambanyisiwiki bya matimba ya xona, eka hina vapfumeri, hi mitirho ya matimba ya xona, lama nga tsandziwiki ha nchumu,

Duteronoma 13:10

u ta n'wi khandla hi maribye leswaku a fa; hikuva u lavile ku ku susumetela ekule na Yehovha, Xikwembu xa wena la ku humeseke etikweni ra Egipta, endlwini ya vukhumbi.

Duteronoma 13:11

Vaisraele hinkwavo va ta swi twa, va ta chava, kutani va nga ka va nga sunguli kambe ku endla leswo biha leswo tano exikarhi ka n'wina.

Duteronoma 13:5

Muprofeta loyi, hambi mulorhi loyi, u ta dlawa hikuva u susumetile vanhu ku landzula Yehovha, Xikwembu xa n'wina (la mi humeseke etikweni ra Egipta, a va a mi kutsula endlwini ya vukhumbi), a lava ku ku hambukisa endleleni leyi Yehovha, Xikwembu xa wena, a ku leriseke ku famba ha yona, U ta susa lowo biha exikarhi ka n'wina.

Duteronoma 13:6

“Kungakuloko makwenu, a nga n'wana wa mana wa wena, kumbe n'wana wa wena wa wanuna, hambi wanhwana wa wena, hambi nsati wa mbilu ya wena, hambi nakuloni loyi u n'wi rhandzaka kukotisa mbilu ya wena, a ku kokela exihundleni, a ku: ‘A hi yeni hi ya tirhela swikwembu swin'wana,’ leswi wena ni vatata wa wena mi nga swi tivangiki,

Duteronoma 15:15

u ta tsundzuka leswaku a wu ri khumbi eEgipta; ni leswaku Yehovha, Xikwembu xa wena, a ku kutsurile; hikwalaho ndzi ku nyikaka nawu lowo namuntlha.

Duteronoma 16:1

“U ta hlayisa n'hweti ya Abibi, u endlela Yehovha, Xikwembu xa wena, Paseka, hikuva Yehovha, Xikwembu xa wena, u ku humesile eEgipta nivusiku hi n'hweti ya Abibi.

Duteronoma 16:12

u ta tsundzuka leswaku a wu ri khumbi eEgipta kutani u ta hlayisa ni ku endla ku lerisa loku.

Duteronoma 16:3

U nga tshuki u yi dya ni xinkwa lexi nga ni comela, u ta yi dya hi masiku ya ntlhanu na mambirhi ni xinkwa lexo kala comela, swi ri xinkwa xa khombo, — hikuva u humile hi ku hatlisa etikweni ra Egipta.

Duteronoma 24:18

U ta anakanya leswaku a wu ri khumbi eEgipta, ni leswaku Yehovha, Xikwembu xa wena, a ku kutsurile kona; hikwalaho ndzi ku lerisaka ku endlisa sweswo.

Duteronoma 24:22

U ta anakanya leswaku a wu ri khumbi etikweni ra Egipta; hikwalaho ndzi ku lerisaka ku endlisa sweswo.

Duteronoma 26:8

Kutani Yehovha u hi humesile eEgipta hi xandla xa matimba ni voko leri tlakukeke, ni xichavo lexikulu, ni swikombiso ni mahlori.

Duteronoma 4:34

Kambe xana xikwembu xin'wana xi kona, lexi ringeteke ku titekela tiko exikarhi ka tiko rin'wana hi miringo, ni swikombiso, ni mahlori ni ku lwa hi voko leri tlakukeke ra matimba, ni mitirho leyikulu leyi chavisaka, hilaha Yehovha, Xikwembu xa n'wina, xi mi endleleke hinkwaswo hakona eEgipta emahlweni ka wena?

Duteronoma 5:15

U ta anakanya leswaku a wu ri khumbi etikweni ra Egipta, ni leswaku Yehovha, Xikwembu xa wena, xi ku humesile hi voko ra matimba, ni voko leri tlakukeke; hikwalaho Yehovha, Xikwembu xa wena, xi ku leriseke ku hlayisa siku ra ku wisa.

Duteronoma 5:6

“ ‘Hi mina Yehovha, Xikwembu xa wena, la ku humeseke etikweni ra Egipta ni le ndlwini ya vukhumbi.

Duteronoma 6:12

u ta chava ku rivala Yehovha la ku humeseke etikweni ra Egipta, endlwini ya vukhumbi.

Duteronoma 6:21

U ta ku eka n'wana wa wena: ‘A hi ri makhumbi ya Faro etikweni ra Egipta, kambe Yehovha u hi humesile eEgipta hi voko ra matimba.

Duteronoma 7:8

kambe hi leswi Yehovha a mi rhandzaka, naswona a hlayisa ku hlambanya loku a ku hlambanyeleke vatata wa n'wina; hikwalaho ka swona Yehovha a mi humeseke hi voko ra matimba, kambe u ku kutsurile endlwini ya vukhumbi, evokweni ra Faro, hosi ya Egipta.

Duteronoma 8:14

mbilu ya wena yi nga tshuki yi tikurisa, u va u rivala Yehovha, Xikwembu xa wena, lexi ku humeseke etikweni ra Egipta, endlwini ya vukhumbi,

Duteronoma 9:12

Kavaloko Yehovha a ku eka mina: ‘Pfuka, u hatlisa u rhelela, hikuva tiko ra wena leri u ri humeseke eEgipta ri tionhile; va hatlisile ku tshika ndlela leyi ndzi va leriseke yona, va tiendla xifaniso lexi chuluriweke.’

Yoxuwa 24:17

Hikuva Yehovha i Xikwembu xa hina. Hi yena la hi humeseke, hina ni vatata wa hina, etikweni ra Egipta endlwini ya vukhumbi, ni loyi a endleke emahlweni ka hina, mahlori lamakulu lawa; hi yena kambe la hi hlayiseke endleleni hinkwayo leyi hi fambeke eka yona, ni le xikarhi ka matiko hinkwawo lawa hi hundzeke exikarhi ka wona.

Vaavanyisi 2:12

Va fularhela Yehovha, Xikwembu xa vatata wa vona, la nga va humesa etikweni ra Egipta; va landzela swikwembu swin'wana, swi nga swikwembu swa matiko lawa ma va rhendzeleke, va swi khinsamela va karihisa Yehovha.

Vaavanyisi 6:8

Yehovha a rhuma wanuna wa muprofeta eka vana Vaisraele, a ku eka vona: “Yehovha Xikwembu xa Israele, u ri: ‘Ndzi mi humesile eEgipta, ndzi mi humesile endlwini ya vukhumbi.