Eksoda 12:8 - Xitsonga (Bibele)

⁸ Hi vusiku byebyo va ta dya nyama ya xona yi oxiwile; va ta yi dya ni vuswa lebyo kala comela, ni matsavu lama bavaka.

BIBELE Mahungu Lamanene

⁸ “Nyama leyi, yi fanele ku dyiwa vusiku bya kona, yi oxiwile kunene, va yi dya ni xinkwa xo-ke-comela, ni matsavu lama bavaka.

Eksoda 12:8 Iomraidhean Croise

2 TIKRONIKA 35:13

Va sweka Paseka hi ku lerisa ka yona; va sweka tinyama leti hlawuriweke etimbiteni, ni le mapotweni, ni le mapaneni; va hatlisa ku ti yisa eka vana va tiko.

Pisalema 22:14

Ndzi khuluka kukotisa mati, Marhambu ya mina hinkwawo ma sulekile; Mbilu ya mina yi fana ni xihlenge xa tinyoxi, Yi nyukile emarhumbyini ya mina.

Eksoda 1:14

va vavisa ku hanya ka vona hi mitirho leyo tika ya switina, ni mitirho hinkwayo ya masimu; ntirho hinkwawo lowu, va va tirhisa hi ku va xanisa.

Eksoda 12:9

Mi nga tshuki mi dya yi nga vupfanga; mi nga yi sweki hi mati, kambe mi yi oxa endzilweni; nhloko ni milenge ni swa le ndzeni.

Eksoda 13:3

Kutani Muxe a ku eka tiko: “Anakanyani siku leri mi humesiweke ha rona Egipta, endlwini ya vukhumbi; hikuva Yehovha u mi humesile kona hi voko ra matimba; kambe mi nga tshuki mi dya leswi dzungaka hi siku lero.

Eksoda 13:7

Va ta dya vuswa lebyo kala comela hi ntlhanu wa masiku ni masiku mambirhi. Ku nga tshuki ku voniwa vuswa lebyi nga ni comela; ni comela xi nga tshuki xi voniwa etikweni ra wena hinkwaro.

Eksoda 23:18

“U nga tshuki u humesa ngati ya magandzelo ya mina swin'we ni vuswa lebyi nga ni comela, ni mafurha ya nkhuvo wa mina ma nga tshuki ma hlayiseriwa mundzuku.

Eksoda 34:25

“U nga tshuki u humesa ngati ya magandzelo ya mina yi ri ni vuswa lebyi nga ni comela. Gandzelo ra nkhuvo wa Paseka ri nga tshuki ri sala ri hundza vusiku ku fika nimixo.

Esaya 53:10

Xikwembu xi rhandzile ku n'wi tshova hi vuvabyi; loko a ta va a endlile vutomi bya yena mhamba ya swidyoho, u ta vona vatukulu, u ta lehisa masiku ya yena, kutani ntirho wa Yehovha wu ta kateka emavokweni ya yena.

Amosi 4:5

Magandzelo ya n'wina ya mikhenso mi endla ni comela; mi lerisa ni mihlengo leyi humesiwaka hi ku tirhandzela ka munhu, hikuva hi leswi mi swi rhandzaka, n'wina, vana va Israele,” ku vula Hosi Yehovha.

Zakariya 12:10

Ndzi ta chela ehenhla ka yindlu ya Yuda ni le henhla ka vaaki va Yerusalema, moya wa tintswalo ni wa mikhongelo; kutani va ta languta eka mina loyi va n'wi tlhaveke. Va ta n'wi rilela kukota loko va rilela n'wana la nga tswariwa a ri yexe va hlomuka ngopfu ehenhla ka yena, kukotisa loko va hlomukela n'wana wa mativula.

Matewu 16:12

Hilaha va twisisaka leswaku comela lexi a nga te: “Xi chaveni”; a hi lexa xinkwa, kambe a xi ri xa tidyondzo ta Vafarisi ni ta Vasaduki.

Matewu 26:26

Va ko va ha dya, Yesu a teka xinkwa, kuteloko a khensile, a xi phema, a nyika vadyondzisiwa va yena, a ku: “Tekani mi dya, leswi i miri wa mina.”

Vagalatiya 5:9

Comela lexitsongo xi kukumuxa mbila hinkwayo.

Duteronoma 16:7

U ta yi oxa, u dya exivandleni lexi Yehovha, Xikwembu xa wena, a nga ta xi hlawula, kutani, nimixo, u ta tlhelela emitsongeni ya wena.

1 Vatesalonika 1:6

Kutani, na n'wina mi hundzukile vaetisi va hina ni va Hosi, hi ku amukela Rito hi ku tsaka ka Moya lowo Kwetsima mi ri emaxangwini lamakulu,