Eksoda 12:16 - Xitsonga (Bibele)

¹⁶ Hi siku ro rhanga mi ta va ni nhlengeletano leyi hlawuriweke; yi ta va kona ni siku ra ntlhanu na mambirhi; a ku nga endliwi ntirho ni wun'we hi masiku lawa, loko wu nga ri wa swakudya swa un'wana ni un'wana ntsena.

BIBELE Mahungu Lamanene

¹⁶ Hi siku ro sungula, mi fanele ku hlengeletana mi gandzela HOSI Xikwembu, ni le ka siku ra vu-7 a swi ve tano. Hi masiku lawa, mi nga tshuki mi endla ntirho ni wun'we; ntsena un'wana ni un'wana a nga tiswekela swakudya leswi a nga ta dya swona.

Eksoda 12:16 Iomraidhean Croise

Eksoda 16:23

Kutani Muxe a ku eka vona: “Hi yona mhaka leyi lerisiweke hi Yehovha. Mundzuku i siku ra ku wisa, i Savata leri hlawuleriweke Yehovha; leswi mi swi swekaka, swekani namuntlha, mi oxa leswi oxiwaka, kutani hinkwaswo leswi salaka, mi swi hlayisela mundzuku.”

Eksoda 16:29

Anakanyani leswaku Yehovha u mi nyikile Savata, hikwalaho a mi nyikaka vuswa bya masiku mambirhi hi siku ra ntlhanu na rin'we. Un'wana ni un'wana a a tshame ekaya, ku nga tshuki ku va na munhu la humaka ekaya hi siku ra ntlhanu na mambirhi.”

Eksoda 16:5

Kutani hi siku ra ntlhanu na rin'we va ta sweka leswi ringanaka swa masiku mambirhi.”

Eksoda 20:10

kambe siku ra vuntlhanu na mambirhi, i siku ro wisa ra Yehovha, Xikwembu xa wena. U nga tshuki u tirha ntirho ni wun'we hi siku lero, hambi u ri wena, hambi a ri n'wana wa wena wa wanuna, kumbe wa wansati; hambi a ri nandza wa wena wa wanuna, kumbe wa wansati; hambi swi ri swifuwo swa wena, hambi a ri muendzi wa wena la nga emutini wa wena.

Eksoda 34:18

“U ta hlayisa nkhuvo wa vuswa lebyo kala comela hilaha ndzi leriseke ha kona. U ta dya vuswa lebyo kala comela hi masiku ya ntlhanu na mambirhi, enkarhini wa swona, en'hwetini ya Abibi, hikuva en'hwetini ya Abibi, u humile eEgipta.

Esaya 1:13

Tshikani ku ndzi nehela mihlengo ya vunwa ndzi venga murhi lowu nun'hwelaka ni swimusi, ni Tisavata, ni tinhlengeletano; swa ndzi tsandza ku vona ku dlaya ku pfangene ni nkhuvo.

Levhitika 23:21

Hi siku rolero mi ta tivisa nkhuvo, kutani mi ta va ni nhlengeletano leyi hlawuriweke; mi nga tshuki mi tirha ntirho ni wun'we lowo tika. I ku lerisa loku nga heriki ka vatukulu va n'wina, ematikweni hinkwawo lawa mi nga ta aka eka wona.

Levhitika 23:27

“Hi siku ra khume ra n'hweti leyi ya ntlhanu na timbirhi, ri ta va siku ra magandzelo ya ku riha; mi ta va ni nhlengeletano leyi hlawuriweke mi titsongahata emimoyeni ya n'wina kutani mi humesela Yehovha magandzelo lama hisiwaka.

Levhitika 23:35

Hi siku ro sungula, nhlengeletano leyi hlawuriweke yi ta va kona; mi nga tshuki mi tirha ntirho ni wun'we lowo tika. Hi masiku ya ntlhanu na mambirhi, mi ta humesela Yehovha magandzelo lama hisiwaka.

Tinhlayo 28:18

Siku ro rhanga, ku ta va ni nhlengeletano leyo kwetsima; mi nga tshuki mi tirha ntirho lowo tika ha rona.

Tinhlayo 28:25

Hi siku ra ntlhanu na mambirhi, mi ta va ni nhlengeletano leyo kwetsima; mi nga tshuki mi tirha mi ntirho leyo tika.

Tinhlayo 28:26

“Hi siku ra swirhangana, kutakuloko mi humesela Yehovha nhlengo lowuntshwa, enkhubyeni wa n'wina wa mavhiki, mi ta va ni nhlengeletano leyi hlawuriweke; mi nga tshuki mi tirha ntirho ni wun'we lowo tika.

Tinhlayo 29:1

“Hi n'hweti ya 7, hi siku ro rhanga ra n'hweti, mi nga va ni nhlengeletano leyi hlawuriweke; mi nga tshuki mi tirha ntirho ni wun'we lowo tika, ri ta va siku ra ku yimba tinanga eka n'wina.

Tinhlayo 29:12

“Hi siku ra 15 ra n'hweti ya 7, mi ta va ni nhlengeletano leyi hlawuriweke, mi nga tshuki mi tirha ntirho lowo tika, kambe hi masiku ya 7 mi ta endlela Yehovha nkhuvo.

Yohane 19:31

Vayuda va khongela Pilato, leswaku lava nga vambiwa va tshoviwa mahlapfana, va hawuriwa, leswaku mitsumbu yi nga sari swihambanweni hi siku ra Savata, hikuva a ku lunghiseriwa rona, kutani siku rero ra Savata a ri ri lerikulu.

Duteronoma 16:8

Hi masiku ya ntlhanu na rin'we u ta dya xinkwa lexo kala comela; hi siku ra ntlhanu na mambirhi, ku ta va ni nhlengeletano leyi hlawuleriweke Yehovha, Xikwembu xa wena: u nga tshuki u tirha ntirho ni wun'we lowo tika.