Eksoda 12:11 - Xitsonga (Bibele)

¹¹ Mi ta yi dya hi mukhuva wolowo: Mi tibohile swifungha, mi veherile tintanghu emilengeni, mi tamele nhonga evokweni; mi dya hi ku hatlisa. Hi yona Paseka ya Yehovha.

BIBELE Mahungu Lamanene

¹¹ Loko mi dya xifuwo lexi, mi fanele ku va mi tikhamile, mi ambarile tintanghu, mi khomile tinhonga emavokweni; naswona, mi dya hi ku hatlisa. Hi wona nkhuvo wa Paseka lowu endleriwaka mina HOSI.

Eksoda 12:11 Iomraidhean Croise

2 TIHOSI 23:21

Kutani hosi yi lerisa tiko hinkwaro, yi ku: “Endlelani Yehovha, Xikwembu xa n'wina, Paseka hilaha ku tsariweke hakona ebukwini leyi ya ntwanano.”

Eksoda 12:13

Ngati yi ta va mfungho wa n'wina, etindlwini leti mi nga eka tona; ndzi ta vona ngati, kutani ndzi ta hundza; khombo ri nga ka ri nga vi eka n'wina ku mi dlaya, loko ndzi ba tiko ra Egipta.

Eksoda 12:21

Kutani Muxe a vita vakulukumba va Israele hinkwavo, a ku eka vona: “Yanani mi hlawula swinyimpfana hi tindlu ta n'wina kutani mi tlhava Paseka.

Eksoda 12:27

Mi ta ku eka vona: ‘I gandzelo ra Paseka ya Yehovha la nga hundza etindlwini ta vana va Israele eEgipta, loko a ba Egipta, a hlayisa tindlu ta hina.’ ” Kutani tiko ri korhama ri khinsama.

Eksoda 12:43

Kutani Yehovha a ku eka Muxe na Aroni: “Ku lerisa ka Paseka hi kuloku: A ku na munhu wa matiko la nga ta dya yona;

Esaya 52:12

Hikuva mi nga ka mi nga fambi hi ku hatlisa, mi nga ka mi nga suki hi ku tsutsuma, hikuva Yehovha wa mi rhangela, kutani Xikwembu xa Israele xi mi landza hi le ndzhaku!

Ezekiele 45:21

“Hi n'hweti yo rhanga, hi siku ra khume na mune ra n'hweti, mi ta va ni Paseka, nkhuvo wa masiku ya ntlhanu na mambirhi. Ku ta dyiwa swinkwa swo kala comela.

Levhitika 23:5

“ ‘En'hwetini yo sungula, hi siku ra khume na mune, nimadyambu, i Paseka ya Yehovha;

Tinhlayo 28:16

“Hi n'hweti yo sungula, hi siku ra 14, yi ta va Paseka ya Yehovha.

Tinhlayo 9:1

Yehovha a byela Muxe emananga ya Sinayi, hi lembe ra vumbirhi ra ku huma ka vona eEgipta, hi n'hweti yo rhanga, a ku:

Luka 12:35

“A ku tsimbiwe swisuti swa n'wina, mavoningo ya n'wina a ma lumekiwe.

Luka 15:22

Kambe tata wa yena a ku eka malandza ya yena: ‘Tisani nguvu leyo saseka ngopfu, mi n'wi ambexa yona, mi n'wi nghenisa xingwavila eritihweni, ni tintanghu emilengeni.

Luka 2:41

Vakulu va yena a va ya eYerusalema, hi malembe hinkwawo enkhubyeni wa Paseka.

Luka 7:38

Kutani a khinsama endzhaku ka yena, emilengeni ya yena, a ri karhi a rila, a sungula ku n'wi tsakamisa milenge hi mihloti ya yena, a tlhela a hlangula hi misisi ya nhloko ya yena, a n'wi ntswontswa milenge, a yi tota hi mafurha.

1 Vakorinto 5:7

Susani-ke, comela xa khale eka n'wina, mi ta va mbila leyintshwa, leswi mi nga riki na comela; hikuva Paseka ya hina, a nga Kriste, u tlhaveriwe hina.

Vaefesa 6:15

emilengeni ya n'wina mi havaxela ku hiseka loku nyikiwaka hi Evhangeli ya ku rhula;

Duteronoma 16:1

“U ta hlayisa n'hweti ya Abibi, u endlela Yehovha, Xikwembu xa wena, Paseka, hikuva Yehovha, Xikwembu xa wena, u ku humesile eEgipta nivusiku hi n'hweti ya Abibi.

Yoxuwa 5:10

Vana va Israele va dzima mixaxa eGiligala, kutani va endla Paseka hi siku ra 14 ra n'hweti, nimadyambu erivaleni ra Yeriko.

1 Petro 1:13

Hikwalaho, na n'wina, tiboheni swisuti swa ku twisisa ka n'wina mi hanya hi ku tikhoma, mi tshemba hi mukhuva lowu hetisekeke tintswalo leti mi nga ta nyikiwa tona siku Yesu Kriste a nga ta humelela;