Eksoda 11:1 - Xitsonga (Bibele)

¹ Kutani Yehovha a ku eka Muxe: “Ndza ha ta tisa khombo rin'we ehenhla ka Faro ni le henhla ka Egipta; hi kona a nga ta mi tshunxa, mi famba. Kutakuloko a mi tshunxa kunene, u ta mi hlongorisa.

BIBELE Mahungu Lamanene

¹ Kutani HOSI Xikwembu xi ku ka Muxe: “Ndza ha ta vangela Faro ni Vaegipta khombo rin'we ro hetelela; endzhaku ka swona, ú ta mi tshika mi famba; ku mi tshika ka swona, ú to mi hlongola kunene.

Eksoda 11:1 Iomraidhean Croise

Genesa 15:14

Kambe ndzi ta avanyisa tiko leri va nga ta fumiwa hi rona, kutani ndzhaku va ta huma kona va fuwe ngopfu.

Ntirho 10:17

U ndzi humesela kambe timbhoni ta wena, U lwa, u andzisela vukari bya wena, U ndzi tela hi mavandla ku ta ndzi hlasela.

Eksoda 12:29

Hi vusiku lebyikulu, Yehovha a dlaya mativula hinkwawo etikweni ra Egipta, ku sungula hi n'wana lonkulu wa Faro, la tshameke exiluvelweni xa yena, ku fika eka mativula ya vakhomiwa lava nga ekhotsweni, ni mativula hinkwawo ya swifuwo.

Eksoda 3:20

Kambe ndzi ta tlakusa voko ra mina, ndzi ba Egipta hi masingita hinkwawo lawa ndzi nga ta ma endla kona. Endzhaku ka swona, yi ta mi pfumelela ku famba.

Eksoda 6:1

Kutani Yehovha a ku eka Muxe: “Sweswi, u ta vona leswi ndzi nga ta swi endla eka Faro; hikuva hi voko ra matimba u ta va tshika va famba; hi voko ra matimba u ta va hlongola etikweni ra yena.”

Eksoda 9:14

Hikuva sweswi ndzi ta rhumela embilwini ya wena makhombo hinkwawo, ni le henhla ka malandza ya wena, ni le tikweni ra wena, u ta tiva leswaku a ku na un'wana la fanaka na mina emisaveni hinkwayo.

Levhitika 26:21

“ ‘Kutani loko mi rhandza ku lwa na mina, mi nga ndzi yingisi, ndzi ta engeta ndzi mi ba kambe kantlhanu na kambirhi ku ringanisa ku dyoha ka n'wina.

Duteronoma 4:34

Kambe xana xikwembu xin'wana xi kona, lexi ringeteke ku titekela tiko exikarhi ka tiko rin'wana hi miringo, ni swikombiso, ni mahlori ni ku lwa hi voko leri tlakukeke ra matimba, ni mitirho leyikulu leyi chavisaka, hilaha Yehovha, Xikwembu xa n'wina, xi mi endleleke hinkwaswo hakona eEgipta emahlweni ka wena?

Nhlavutelo 16:9

Kutani vanhu va hisiwa hi mumu lowukulu kutani va sandza vito ra Xikwembu lexi nga ni matimba ehenhla ka makhombo walawo; kambe a va hundzukanga leswaku va xi dzunisa.

1 SAMIELE 6:4

Kutani va ku: “Hi ta yi humeselela nhlengo lowo yini xana?” Va ku: “Mi ta humesa matshumba ya nsuku ya ntlhanu, ni timbeva ta nsuku ta ntlhanu, hi ntsengo wa tindhuna ta Vafilista; hikuva khombo rin'we a ri ri ehenhla ka vona hinkwavo ni le henhla ka tindhuna ta n'wina.