Eksoda 10:22 - Xitsonga (Bibele)

²² Muxe a tlakusa voko ra yena ehenhla, kutani munyama lowa ntima wu va kona etikweni ra Egipta hi masiku manharhu.

BIBELE Mahungu Lamanene

²² Hiloko Muxe a tlakusela voko ra yena ehenhla, kutani ku va ni xinyami lexo chavisa masiku manharhu, etikweni hinkwaro ra Egipta.

Eksoda 10:22 Iomraidhean Croise

Ntirho 5:14

Nimixo, va banana ni munyama, Ninhlekanhi, va hulumeta kukotisa loko byi ri vusiku.

Pisalema 105:28

A rhuma xingwindze, a endla munyama, Kambe a va alanga rito ra yena.

Eksoda 20:21

Kutani tiko ri yima ekule, kambe Muxe a tshinela emunyameni, laha Xikwembu ingi xi ri kona.

Esaya 8:22

ri tlhela ri languta emisaveni, kutani vona, ku ta va ni masangu, ni munyama, ni mahlomulo lama chavisaka; kutani ri ta susumetiwa emunyameni.

Ezekiele 32:7

Siku ndzi ku timaka, ndzi ta pfala matilo, ndzi endla tinyeleti ntima; ndzi ta funengeta dyambu hi papa, kutani n'weti a yi nga ha tisi n'weti wa yona.

Ezekiele 32:8

Mavoningo hinkwawo ya tilo ndzi ta ma endla munyama hikwalaho ka wena, ndzi veka munyama ehenhla ka tiko ra wena, ku vula Hosi Yehovha.

Yuwele 2:2

siku ra munyama ni mihihi, siku ra mapapa ni tihunguva! Ra ta kukotisa loko vurhonga byi tshinelela byi ya emahlweni etintshaveni. Maswivo ku ta tiko lerikulu lera matimba, leri ku nga si vaka na rin'wana ni khale, na kona ku nga ka ku nga vi na rin'wana lero tano ku ya fika emakun'wini ya tinxaka.

Yuwele 2:31

“Dyambu ri ta hundzuka munyama; ni n'weti wu hundzuka ngati, ku nga si ta siku lerikulu, leri chavisaka ra Hosi.

Amosi 4:13

Hikuva vona, la tumbuluxeke tintshava, la endleke moya, la tivisaka munhu leswi anakanyiweke hi yena, la hundzulaka nhlekanhi munyama, la fambaka eswivandleni leswi tlakukeke swa misava, vito ra yena i Yehovha, Xikwembu xa mavandla.

Amosi 4:7

“Kambe, a ndzi mi tsonile mpfula, ka ha sele tin'hweti tinharhu mi nga si tshovela; ndzi nisela muti wun'wana, wun'wana ndzi nga wu niseri; nsimu yin'wana yi niseriwa, nsimu leyi nga niseriwangiki yi oma;

Duteronoma 4:11

Kutani mi tshinerile, mi yimile ehansi ka ntshava; yona ntshava a yi pfurha hi ndzilo lowu fikeke emakun'wini ya matilo; kambe a ku ri ni vusiku, ni mapapa, ni munyama.

Duteronoma 5:22

“Yehovha a byela nhlengeletano hinkwayo marito lawa entshaveni, a ri endzilweni, epapeni, nemunyameni, a vulavula hi rito lerikulu, kambe a nga engetelanga ha nchumu, kutani a tsala marito lawa emaribyeni mambirhi ya swimphampha, a ndzi nyika swona.

Nhlavutelo 16:10

Ntsumi ya vuntlhanu yi chulula ximbitana xa yona ehenhla ka xiluvelo xa xivandza; kutani ku fuma ka xona ku hundzuka munyama, vanhu va tiluma tindzimi hi ku vaviseka.