Eksoda 1:21 - Xitsonga (Bibele)

²¹ Kambe, hikuva masungakati ma chavile Xikwembu, Xikwembu xi katekisa tindlu ta vona.

BIBELE Mahungu Lamanene

²¹ Naswona Xikwembu xi andzisa mindyangu ya lava va tisungukati, hikuva a va xi kombile xichavo.

Eksoda 1:21 Iomraidhean Croise

1 TIHOSI 11:38

Kungakuloko u yingisa hinkwaswo leswi ndzi nga ta ku lerisa swona, ni loko u famba etindleleni ta mina, u endla leswi lulameke emahlweni ka mina, u hlayisa milawu ya mina ni ku lerisa ka mina hilaha Davhida, nandza wa mina, a endleke hakona, ndzi ta va na wena, ndzi ku akela yindlu leyi tiyeke kukotisa leswi ndzi yi akeleke Davhida ndzi va ndzi ku nyika Israele.

1 TIHOSI 2:24

Sweswi Yehovha wa hanya, la nga ndzi tiyisa ni ku ndzi tshamisisa exiluvelweni xa tatana Davhida, a ndzi endla ni yindlu hilaha a vuleke hakona! Kunene namuntlha Adoniya u ta dlawa.”

Pisalema 112:1

Dzunisani Yehovha! Ku katekile munhu la chavaka Yehovha, A tsakelaka ngopfu milawu ya yena.

Pisalema 127:1

Loko Yehovha a nga aki yindlu, Lava yi akaka va tikarhatela swahava. Loko Yehovha a nga hanyanyeli muti, Valanguteri a va pfuni nchumu.

Pisalema 127:3

Vonani, vana va xinuna, i ndzhaka ya Yehovha! Mbhandzu wa khwiri i hakelo.

Pisalema 37:3

Tshemba Yehovha, u endla leswo lulama, U aka etikweni, u xurha vunene.

Eksoda 1:17

Kambe masungakati ma chava Xikwembu; a ma endlanga hilaha hosi ya Egipta yi ma byeleke hakona; kambe ma ponisa vandzisanyana.

Swivuriso 24:3

Yindlu yi akiwa hi vutlhari, Yi tiyisiwa hi ku twisisa;

Eklesiasta 8:12

Kambe, hambi mudyohi a nga endla swo biha eka dzana, a andzeriwa masiku, hambiswiritano, ndza swi tiva leswaku lava chavaka Xikwembu va ta endleriwa leswinene, na vona, lava chavaka emahlweni ka mombo wa xona.

Yeremiya 35:2

“Yana eka vana va Rekaba u vulavula na vona, u ta na vona endlwini ya Yehovha, ekamareni yin'wana, u va nyika vhinyo va nwa.”

1 SAMIELE 2:35

Ndzi ta tivekela muprista la tshembekeke; u ta endla hi ku rhandza ka mbilu yanga ni moya wa mina, ndzi ta n'wi akisela yindlu leyi tiyeke, kutani u ta famba hilaha ku nga heriki emahlweni ka Muhlawuriwa wa mina.

1 SAMIELE 25:28

Wa nga rivalela nandza wa wena nandzu, hikuva Yehovha u ta tiyisa kunene yindlu ya hosi yanga, hikuva hosi yanga yi lwa tinyimpi ta Yehovha, kutani ku biha ku nga ka ku nga kumiwi eka wena hi masiku hinkwawo ya wena.