Eksoda 1:17 - Xitsonga (Bibele)

¹⁷ Kambe masungakati ma chava Xikwembu; a ma endlanga hilaha hosi ya Egipta yi ma byeleke hakona; kambe ma ponisa vandzisanyana.

BIBELE Mahungu Lamanene

¹⁷ Kambe vavasati lava va tisungukati a va chava Xikwembu, kutani a va endlanga leswi hosi ya Egipta yi va leriseke swona: Va tshika vana va vafana va hanya.

Eksoda 1:17 Iomraidhean Croise

Genesa 20:11

Kutani Abrahama a ku: “A ndzi ku kumbe, ku chava Xikwembu ku hava etikweni leri, kutani va ta ndzi dlaya hikwalaho ka nsati wa mina.

Genesa 42:18

Hi siku ra vunharhu, Yosefa a ku eka vona: “Endlisani sweswo, mi ta hanya; ndzi munhu la chavaka Xikwembu.

2 SAMIELE 24:4

Kambe rito ra hosi ri hlula Yowabu ni tindhuna ta nyimpi, kutani Yowabu ni tindhuna ta nyimpi ti suka emahlweni ka hosi ti ya hlaya vanhu va tiko ra Israele.

Nehemiya 5:15

kasi vafumi vo rhanga lava ngi va ri kona emahlweni ka mina, a va tikela tiko, va teka vuswa ni vhinyo eka vona, ehandle ka tixikele ta mune wa makume ta silivhere, ni malandza ya vona a ma fuma hi matimba ehenhla ka tiko.

Estere 3:3

Malandza ya hosi lawa ingi ma yima emahlweni ka nyangwa ya hosi, ma ku eka Mordekayi: “U tlulela yini ku lerisa ka hosi?”

Pisalema 31:19

Ku kurile swonghasi ku kateka ka wena. Loku ku vekelaka lava ku chavaka, Loku u tirhaka hakona emahlweni ka vana va vanhu, Ni ku pfuna lava chavelaka eka wena.

Eksoda 1:18

Kambe hosi ya Egipta yi vitana masungakati, yi ku eka wona: “Mi endlele yini sweswo mi ponisa vandzisanyana?”

Eksoda 1:21

Kambe, hikuva masungakati ma chavile Xikwembu, Xikwembu xi katekisa tindlu ta vona.

Swivuriso 16:6

Ku dyoha ku funengetiwa hi tintswalo ni ntiyiso, Hi ku chava Yehovha, vanhu va fularhela swo biha.

Swivuriso 8:13

Ku chava Xikwembu i ku venga swo biha; Ndzi venga manyunyu, ni ku tidzunisa, ni ku famba loko biha, Ni nomu wo homboloka.

Eklesiasta 12:13

A hi yingiseni makumu ya timhaka hinkwato: Chava Xikwembu, u hlayisa milawu ya xona, hikuva hi yona mfanelo hinkwayo ya munhu;

Eklesiasta 8:12

Kambe, hambi mudyohi a nga endla swo biha eka dzana, a andzeriwa masiku, hambiswiritano, ndza swi tiva leswaku lava chavaka Xikwembu va ta endleriwa leswinene, na vona, lava chavaka emahlweni ka mombo wa xona.

Daniele 6:13

Kutani va hlamula, va ku eka hosi: “Yena Daniele, un'wana wa lava khomiweke lava humaka eYuda, a nga vuri nchumu hi wena, hosi, ni loko wu ri nawu lowu tsariweke hi wena, kambe a khongela Xikwembu xa yena kanharhu hi siku.”

Hosiya 5:11

Efrayimi wa tikeriwa, u tshovekile eku avanyiseni, hikuva u tirhandzele ku ya hi ku lerisa loku a tiendleleke kona,

Mikiya 6:16

Ku karhi ku hlayisiwa ku lerisa ka Omri, ni mikhuva hinkwayo ya yindlu ya Akabu. Mi ya hi makungu ya vona leswaku ndzi ku nyiketa eku onhakeni, ni lava akeke emutini va ve xisandzu, kutani mi ta rhwala xisandzu xa tiko ra mina.”

Matewu 10:28

“Mi nga tshuki mi chava lava dlayaka miri, kambe va hava matimba yo dlaya moya; kambe chavani loyi a nga ni matimba yo lovisa miri ni moya wa munhu etiheleni.

Luka 12:5

Kambe ndzi ta mi kombisa loyi mi faneleke ku n'wi chava: Chavani loyi, kutakuloko a dlele miri, a nga ni matimba ya ku susumetela munhu etiheleni. Ina, ndzi ri eka n'wina, yeloyi, n'wi chaveni.

Timhaka 5:29

Kambe Petro ni vaapostola van'wana va hlamula, va ku: “Swa hi fanela ku yingisa Xikwembu, ku tlula vanhu.

1 SAMIELE 22:17

Kutani hosi yi ku eka malandza lama yimeke ekusuhi na yena: “Hundzukani mi dlaya vaprista va Yehovha, hikuva na vona va twanana na Davhida, va swi tivile swinene leswaku a a baleka, kambe a va ndzi tivisanga nchumu.” Kambe malandza ya hosi ma ala ku tlakusa mavoko ya vona ehenhla ka vaprista va Yehovha.