Eklesiasta 7:2 - Xitsonga (Bibele)

² Swi sasekile ku ya endlwini ya swirilo, ku tlula ku ya endlwini ya mikhuvo; hikuva kona hilaha ku helaka munhu wihi ni wihi, kutani munhu la hanyaka u ehleketa hakona.

BIBELE Mahungu Lamanene

² Ku kongoma emutini wa nkosi, swi tlula ku endzela emutini wa nkhuvo. Vanhu hinkwavo va helela esirheni, lava hanyaka va nga swi rivali sweswo!

Eklesiasta 7:2 Iomraidhean Croise

Pisalema 90:12

Hi dyondzise ku hlaya swinene masiku ya hina, Leswaku timbilu ta hina ti tsundzukela evutlharini.

Eklesiasta 2:14

Mahlo ya munhu lowo tlhariha ma le nhlokweni ya yena, kasi xihunguki xi famba emunyameni hambiswiritano ndzi tsundzukile leswaku va humeleriwa havambirhi hi khombo leri fananaka.

Eklesiasta 2:16

Swi tano, lowo tlhariha ni xihunguki, havambirhi va nga ka va nga tsundzukiwi hilaha ku nga heriki, hikuva emikarhini leyi nga ta ta, hinkwaswo swi ta rivariwa ngopfu; lowo tlhariha wa fa kukotisa xihunguki.

Eklesiasta 3:19

Hikuva khombo leri humelelaka vana va vanhu, ri humelela ni swiharhi havambirhi va humeleriwa hi khombo rin'we. Mukhuva lowu munhu a faka ha wona, na xona xiharhi xi fisa sweswo; moya wa hinkwaswo i wun'we, a ku na laha munhu a tlulanaka ni xiharhi, hikuva hinkwaswo i vuhava.

Eklesiasta 3:20

Hinkwaswo swi ya exivandleni xin'we. Hinkwaswo swi huma entshurini, kutani hinkwaswo swi tlhelela entshurini.

Eklesiasta 6:6

Hambiloko a hanyile malembe ya khume ra madzana lama hlayiwaka kambirhi, kambe a nga voni ku kateka, andziri hinkwaswo a swi fambi endhawini yi ri yin'we xana?

Eklesiasta 9:2

Hinkwavo va humeleriwa hi leswi fananaka: khombo ri ri rin'we ri tumbulukela la lulameke ni lowo biha, lonene, la tengeke, ni wa thyaka, la gandzelaka, ni la nga gandzeriki. Lonene u kotisa mudyohi, la rhuketelaka u fana ni la chavaka ku rhuketela.

Eklesiasta 9:3

Ku biha loku ku le henhla ka hinkwaswo leswi endliwaka ehansi ka dyambu, hikuva khombo ri ri rin'we ri humelela hinkwavo; timbilu ta vana va vanhu ti tele hi ku biha timbilu ta vona ti tele vuhunguki eku hanyeni ka vona, endzhaku ka sweswo va tiyela eka vafi. Hikuva i mani la hlawuriweke?

Eklesiasta 9:5

Hikuva lava hanyaka va swi tiva leswaku va ta fa, kambe vafi a va tivi nchumu, kambe va nga ka va nga ha vi na hakelo emisaveni, hikuva ku tsundzuxiwa ka vona ku rivariwile.

Esaya 47:7

U tshama u ku: “Ndzi ta fuma hi masiku!” A ku anakanyanga embilwini ya wena, a ku tsundzukanga leswaku swi ta hela.

Yeremiya 16:8

Kambe, u nga tshuki u nghena endlwini ya mikhuvo ku ya tshamisa na vona, u dya ni ku nwa na vona.

Hagayi 1:5

Kutani sweswi, ku vula Yehovha wa mavandla: Langutisisani tindlela ta n'wina etimbilwini ta n'wina: Mi byarile ngopfu, kambe mi tshoverile switsanana;

Malakiya 2:2

Loko mi nga yingisi, mi nga ku veki embilwini, mi dzunisa vito ra mina, ku vula Yehovha wa mavandla, ndzi ta rhumela ndzhukano ehenhla ka n'wina, ndzi rhuketela mikateko ya n'wina; ina, ndzi ta swi rhukana, hikuva a mi swi veki etimbilwini.

Tinhlayo 23:10

I mani la nga ta hlaya ntshuri wa Yakobo? Ni ntsengo wa ku avanyisa ka vukhume bya Israele? A ndzi fe hi rifu ra lava lulameke, Ku hela ka mina a ku kotise ka vona!”

Matewu 5:4

Ku katekile lava rilaka, hikuva va ta chaveleriwa.

Duteronoma 32:29

Ingi loko va tlharihile va ta swi twa, Va ta anakanya ku hela ka vona.

Duteronoma 32:46

Hlayisani etimbilwini ta n'wina marito lawa hinkwawo, lawa ndzi endlaka vumbhoni namuntlha ha wona emahlweni ka n'wina; mi ta ma lerisela vana va n'wina, va ta yingisa ni ku endla hi marito hinkwawo ya nawu lowu.

Vafilipiya 3:19

Makumu ya vona i ku lova; valavo Xikwembu xa vona ri nga khwiri ra vona, va tidzunisa hi swa tingana ta vona, va anakanya swa misava ntsena.

Vaheveru 9:27

Kutani kukotisa loko ku lerisiwe leswaku vanhu hinkwavo va fa kan'we, endzhaku ka swona ku va ku avanyisiwa;