Eklesiasta 3:3 - Xitsonga (Bibele)

³ Nkarhi wu kona wa ku dlaya, wu kona nkarhi wa ku horisa; nkarhi wu kona wa ku hlanhla, wu kona nkarhi wa ku aka.

BIBELE Mahungu Lamanene

³ Ku ni nkarhi wo dlaya munhu, ni nkarhi wo n'wi hanyisa; ku ni nkarhi wo hirimuxa yindlu, ni nkarhi wo yi pfuxa.

Eklesiasta 3:3 Iomraidhean Croise

Genesa 9:6

Un'wana ni un'wana la nga ta halata ngati ya munhu, ngati ya yena yi ta halatiwa hi munhukulobye; hikuva Xikwembu xi endle munhu hi xifaniso xa xona.

Esaya 44:26

Kambe ndzi tiyisa rito ra nandza wa mina, ndzi hetisa makungu ya tintsumi ta mina; ndzi vula ehenhla ka Yerusalema, ndzi ku: ‘Vanhu va ta hanya kona,’ ni le henhla ka miti ya Yuda: ‘Yi ta akiwa kambe kutani ndzi ta pfuxa marhumbi ya yona.’

Esaya 6:10

Nonon'hwisa timbilu ta tiko leri, u siva tindleve ta rona u dlaya mahlo ya rona, leswaku ri nga voni hi mahlo, ri nga twi hi tindleve, kutani ri nga hundzuki, leswaku ri nga horisiwi.”

Yeremiya 1:10

Languta, hi siku leri, ndza ku lerisa eka matiko ni vuhosi, ku tsuvula ni ku hlanhla, ni ku onha ni ku herisa, ni ku aka ni ku simeka.”

Yeremiya 31:28

Kutani, kukotisa leswi ndzi tshamaka ndzi va langutela ku yimbula, ni ku hahlula, ni ku mbundzuxa, ni ku onha, ni ku endla swo biha, na kona ndzi ta va langutela ku aka, ni ku simeka, ku vula Yehovha.

Yeremiya 33:6

Vona, ndzi ta wu bohelela ndzi wu wongola, ndzi va horisa, ndzi va nyika ndzalo ya ku rhula, ni yo tsaka;

Yeremiya 45:4

U ku eka yena: Ku vula Yehovha, a ku: Waswivo, leswi ndzi swi akeke ndzi ta swi mbundzuxa, ni leswi ndzi swi byaleke, ndzi ta swi tsuvula; swi tano emisaveni hinkwayo.

Ezekiele 13:14

Ndzi ta wisa khumbi leri mi nga ri vuyeta hi ndzhope, ndzi ri wisela ehansi, kutani masungulo ya rona ma ta voneka; ri ta wa, kutani mi ta dlawa hi ku wa ka rona; mi ta tiva leswaku hi mina Yehovha.

Hagayi 1:2

“Ku vula Yehovha wa mavandla, leswaku: Vanhu lava va ri: Nkarhi a wu si fika; a hi wona nkarhi lowu yindlu ya Yehovha yi nga akiwaka ha wona!”

Hagayi 1:4

“Xana eka n'wina i nkarhi wo aka tindlu ta n'wina leti sasekisiweke hi mapulangi, kasi yindlu leyi, i rhumbi?

Zakariya 1:12

Kutani ntsumi ya Yehovha yi ahlamisa nomu wa yona, yi ku: ‘Yehovha wa tinyimpi! U ta tshika ku ri kungani ku tsetselela Yerusalema, ni miti ya Yuda leyi u nga yi karihela hi malembe lawa ya ntlhanu wa makume ni makume mambirhi xana?’

Duteronoma 32:39

“Vonani sweswi leswaku hi mina, mina ntsena, Ni leswaku a ku na xikwembu xin'wana ehandle ka mina. Hi mina la dlayaka, naswona hi mina la hanyisaka; Ndzi boxile mbanga, kambe ndzi ta ongola, A ku na munhu la kutsulaka evokweni ra mina.

1 SAMIELE 2:25

Kungakuloko munhu a dyohele munhukulobye, Xikwembu xi ta n'wi avanyisa; kambe loko a dyohela Yehovha, i mani la nga ta n'wi khongelela?” Kambe a va yingisangi rito ra tata wa vona, hikuva Yehovha a a rhandza ku va lovisa.

1 SAMIELE 2:6

I Yehovha la lovisaka ni la hanyisaka, Wa xikisa vanhu exivandleni xa vafi, kutani a va humesa kona. I Yehovha la endlisaka vusiwana ni ku fuwisa,