Biblia Todo Logo
Bìoball air-loidhne

- Sanasan -




Eklesiasta 3:2 - Xitsonga (Bibele)

2 Nkarhi wu kona wa ku velekiwa wu kona nkarhi wa ku fa, nkarhi wu kona wa ku simeka, wu kona nkarhi wa ku tsuvula leswi simekiweke.

Faic an caibideil Dèan lethbhreac

BIBELE Mahungu Lamanene

2 Ku ni nkarhi wo velekiwa, ni nkarhi wa ku fa; ku ni nkarhi wa ku byala, ni nkarhi wo tsuvula leswi byariweke.

Faic an caibideil Dèan lethbhreac




Eklesiasta 3:2
36 Iomraidhean Croise  

Kambe ndzi ta tiyisa ntwanano wa mina na Isaka, loyi Sara a nga ta ku velekela enkarhini lowu, haxawu.”


Kutani nkarhi wolowo Yakobo a nga ta fa ha wona, loko wu tshinerile, a vitana Yosefa, n'wana wa yena, a ku eka yena: “Loko ndzi kume tintswalo emahlweni ka wena, wanga veka voko ra wena ehansi ka ndzhumbi wa mina, u ndzi endlela hi tintswalo ni vunene, u nga ndzi lahli kwala Egipta.


A huwelela emahlweni ka alitari hi rito ra Yehovha, a ku: “Alitari, alitari! Yehovha u vurisa sweswo, a ku: ‘Waswivo, ku ta velekeriwa yindlu ya Davhida n'wana wa wanuna, vito ra yena u ta va Yosiya; u ta tlhava ehenhla ka wena vaprista va swivandla leswi tlakukeke, lava hisaka mirhi ya risuna ehenhla ka wena, va ta hisa ni marhambu ya vanhu ehenhla ka wena!’ ”


Elixa a ku eka yena: “Haxawu, hi nkarhi lowo, u ta ntswontswa n'wana.” Yena a ku: “E-e, hosi yanga, u nga hembeli nandza wa wena!”


Loko ngi munhu la feke a nga tlhela a hanya, A ndzi ta yingisela hi masiku hinkwawo ya tinyimpi ta mina, Ku fikela enkarhini lowu timhaka ta mina ti nga ta hundzuka.


Loko masiku ma hlayiwile, ni ntsengo wa tin'hweti ta yena loko wu tiviwile hi wena, Loko a vekiwile endzilakaneni wolowo, a nga ka a nga wu tluli.


“Vutomi bya munhu la emisaveni i matlhari; Masiku ya yena ma fana ni masiku ya munhu la thoriweke.


Nsati loyi a tshameke endlwini ya yena a ri mhika, A n'wi endla mana wa vana, a titsakela exikarhi ka vona. Dzunisani Yehovha!


Hikwalaho Xikwembu xi ta ku heta hi laha ku nga heriki, Xi ta ku khoma, xi ku susa entsongeni wa wena, Xi ku tsuvula emisaveni ya lava hanyaka.


Sasa mitirho ya wena ehandle, U lunghisa ni nsimu ya wena, U ta tiva ni ku aka yindlu ya wena.


Xana murimi a nga rimela ku byala ntsena? Xana a nga tshama a rima a ba mabuwu xana?


Enkarhini wolowo Hezekiya a vabya ku yisa eku feni. Kutani Esaya, muprofeta, n'wana Amotsi, a ta eka yena a n'wi byela, a ku: “Yehovha u ri: ‘Lerisa timhaka ta yindlu ya wena, hikuva u ta fa, u nga ha pfuki.’ ”


“Tlhelela eka Hezekiya, u ku eka yena: ‘Yehovha, Xikwembu xa Davhida, tata wa wena, xi ri: “Ndzi yingisile xikhongelo xa wena, ndzi vonile mihloti ya wena. Waswivo, ndza engetela masiku ya wena hi malembe ya khume na ntlhanu.


“Huwelela hi ku tsaka, wena mhika la nga velekangiki. Tsaka, u tsaka ngopfu, wena la nga siki lumiwaka eku velekeni! Hikuva vana va la tshikiweke va tele ku tlula vana va la tekiweke,” ku vula Yehovha.


Languta, hi siku leri, ndza ku lerisa eka matiko ni vuhosi, ku tsuvula ni ku hlanhla, ni ku onha ni ku herisa, ni ku aka ni ku simeka.”


U ku eka yena: Ku vula Yehovha, a ku: Waswivo, leswi ndzi swi akeke ndzi ta swi mbundzuxa, ni leswi ndzi swi byaleke, ndzi ta swi tsuvula; swi tano emisaveni hinkwayo.


N'wana wa Munhu u ta rhuma tintsumi ta yena, ti ta humesa ehandle ka ku fuma ka yena vakhunguvanyisi hinkwavo, ni lava endlaka leswo biha.


Kambe a hlamula, a ku eka vona: “Ximudyana xin'wana ni xin'wana lexi nga simekiwiki hi Tatana wa le tilweni, xi ta tsuvuriwa.


Kambe ntsumi yi ku eka yena: “Zakariya, u nga chavi, hikuva ku khongela ka wena ku yingisiwile; Elizabeta, nsati wa wena, u ta ku velekela n'wana, kutani u ta n'wi thya vito ra Yohane.


Kutani vona, u ta va mbheveve, u hluleka ku vulavula ku ko ku fika siku leri swi nga ta humelela, hikuva a ku pfumelanga marito ya mina lama nga ta endleka enkarhini wa wona.”


Kutani vona, Elizabeta makwenu, na yena u tikile eku dyuhaleni ka yena, kutani n'hweti leyi, i ya ntlhanu na yin'we eka loyi a nga vuriwa mhika,


Loko wansati a veleka, u twa ku vaviseka, hikuva nkarhi wa yena wu fikile; kambe loko a velekile n'wana, a nga ha anakanyi ku xaniseka ka yena, hi ku tsaka ka yena, hikuva ku velekiwile munhu emisaveni.


Kutani va lava ku n'wi khoma; kambe a ku vanga na munhu la tlakuseke voko ehenhla ka yena, hikuva nkarhi wa yena a wu nga si ta.


“Kambe, kuteloko ku tshinele nkarhi lowu Xikwembu xi nga ta humesa ku tshembisa loku xi ku hlambanyeleke Abrahama, tiko ri kula ni ku andza eEgipta;


“Enkarhini lowu, ku velekiwa Muxe; a va n'wana la sasekeke emahlweni ka Xikwembu; kutani a wundliwa hi tin'hweti tinharhu endlwini ya tata wa yena.


Kambe loko mikarhi yi herile, Xikwembu xi rhumile N'wana wa xona, la tswariweke hi wansati, a velekiwa a ri hansi ka nawu,


Kavaloko Muxe, nandza wa Xikwembu, a fa kona, etikweni ra Mowabu, hi ku lerisa ka Yehovha.


Kutani kukotisa loko ku lerisiwe leswaku vanhu hinkwavo va fa kan'we, endzhaku ka swona ku va ku avanyisiwa;


Lava xurheke va tirhela vuswa, Kambe lava tweke ndlala, va wisa; Lowa mhika u veleka eka ntlhanu na kambirhi, Kambe la nga ni vana lavo tala, u tshama ntsena.


Lean sinn:

Sanasan


Sanasan