Eklesiasta 1:16 - Xitsonga (Bibele)

¹⁶ Ndzi va ndzi ku embilwini ya mina: “Languta, ndzi kulele eku tlhariheni, ndzi yile emahlweni ku tlula munhu wihi na wihi loyi ngi a ri kona emahlweni ka mina eYerusalema, kutani mbilu yanga yi kumile vutlhari ni ku tiva lokukulu.”

BIBELE Mahungu Lamanene

¹⁶ Kutani ndzi anakanyile ndzi ku: “Ndzi tikumele vutlhari lebyi enteke, byo tlula bya hinkwavo lava nga tshama va fuma eYerusalema. Nhloko ya mina yi pfulekile, ndzi tlharihile, ndzi tiva swo tala!”

Eklesiasta 1:16 Iomraidhean Croise

1 TIHOSI 10:7

A ndzi swi pfumelanga ndzi nga si ta, ndzi nga si swi vona hi mahlo ya mina. Kambe, waswivo, a va ndzi byelanga hafu ya swona: U tlula hi vutlhari ni rifuwo hinkwaswo leswi ndzi swi tweke.

1 TIHOSI 4:30

Vutlhari bya Solomoni a byi tlula vutlhari bya vanhu hinkwavo va le vuxeni, ni vutlhari hinkwabyo bya Vaegipta.

1 TIHOSI 5:9

Malandza ya mina ma ta yi fulameta eLebanoni, va yi fikisa elwandle, kutani mina ndzi ta rhuma vanhu va yi boha elwandle, yi ta ya fika laha u nga ta yi rhumela eka mina; ndzi ta yi tshunxa kona, kutani u ta yi teka. Na wena, u ta endla leswi ndzi tsakisaka hi ku phamela yindlu ya mina swakudya.”

2 TIHOSI 5:20

Gehazi, nandza wa Elixa, munhu wa Xikwembu, a ku: “Waswivo, hosi yanga yi tsetselele Naamani, Musiriya loyi, a nga amukelanga evokweni ra yena leswi a swi tiseke: Yehovha wa hanya! Ndzi ta tsutsuma endzhaku ka yena, ndzi ta kuma nchumu eka yena.”

2 TIKRONIKA 2:12

Hiramu a engeta, a ku: “A ku khensiwe Yehovha, Xikwembu xa Israele, la nga endla matilo ni misava, hikuva u nyikile hosi Davhida n'wana la tlhariheke, la nga ni vutivi ni ku twisisa, la nga ta akela Yehovha yindlu, a ta tiakela ni yindlu ya vuhosi.

Pisalema 4:4

Rhurhumelani, mi nga tshuki mi dyoha; Mi vulavula hi timbilu loko mi etlela, kambe mi miyela.

Pisalema 77:6

Ndzi anakanya risimu ra mina nivusiku. Ndzi vulavula hi mbilu ya mina, Na wona moya wa mina wu anakanya.

Eklesiasta 2:1

Ndzi va ndzi ku embilwini ya mina: Tana, ndzi ku korwisa hi ku tsaka, u ta nantswa ku tsaka; kambe vonani, na swona i vuhava.

Eklesiasta 2:15

Kutani ndzi va ndzi ku embilwini ya mina: “Khombo leri humeleleke xihunguki, na mina, ri ta ndzi humelela; loko swi ri tano, swi ndzi pfuna yini ku n'wi tlula hi ku tlhariha-ke?” Ndzi va ndzi ku embilwini ya mina: “Leswi, na swona, i vuhava.”

Eklesiasta 2:9

Ndzi va munhu lonkulu, la fuweke ku tlula mani na mani la ngi a ri kona eYerusalema eku sunguleni, kambe, na byona vutlhari bya mina byi yima na mina.

Eklesiasta 3:17

Ndzi ku embilwini ya mina: Xikwembu xi ta avanyisela la lulameke ni lowo biha, hikuva hinkwaswo leswi endliwaka, ni mitirho hinkwayo swi vekeriwe nkarhi wa kona.

Yeremiya 22:14

la nge: ‘Ndzi ta tiakela yindlu leyikulu, ni makamara ya ku anama, ndzi boxa mafasitere, ndzi yi nameka hi kedari, ndzi tota hi mhemba yo tshwuka!’

Daniele 4:30

Kutani hosi yi vulavula, yi ku: “Xana a hi yena Babilona lonkulu, loyi ndzi n'wi akeke hi matimba ya mina lamakulu leswaku byi endla vuako bya hosi, a va a dzunisa vukulukumba bya mina xana?”

Vaheveru 5:14

kambe swakudya leswi tiyeke i swa vakulukumba, va nga lava tivaka ku avanyisa leswo saseka ni leswo biha, hikuva va swi toloverile.